A Transcription of Ephesians in GA 1916, by Clark R. Bates

Unit	Page	Verses	Attributions	Biblical	Comment
Hb	101r	Eph.0.0			ἡ ἔφεσος , μητρόπολις μέν ἐστι τῆς ἀσίας , τὴν δὲ ἅρτεμιν ἔσεβεν · καὶ τοσοῦτον ἦν περὶ τὴν δαίμονα τὸ σέβας ὡς καὶ νεοκόρον τὴν ἔφεσον τῆς ἀρτέμιδος ἀναορεύεσθαι · ὡς ἐν ταῖς πράξεσιν ἱστόρηται · ἐν αὐτῇ ἐφέσῳ ὁ εὐαγγελιστὴς ἰωάννης ἐξορισθεὶς δίετριψε πολλὰ . ἐν ᾖ καὶ τελευτᾶ · καὶ τὸν τιμόθεον παῦλος ἐκεῖ ἐπὶσκοπον ἐχειροτόνησε · τῶν δὲ φιλοσόφων οἱ κατὰ τὴν ἀσίαν ἀνθοῦντες , ἐν τῇ ἐφέσῳ μάλιστα διῆγον · διὸ πολλῇ σπουδῇ κέχρηται πρὸς αὐτοὺς γράφων · καὶ τὰ βαθύτερα δὲ τῶν νοημάτων αὐτοῖς ἐπιστέλλει · ἅτε κατηχημένοις καὶ τὰ ὑψηλά · γράφει δὲ ἀπὸ ῥώμης τὴν ἐπιστολὴν ἐν δεσμοῖς ὑπάρχων .
1	101v	Eph.1.1	α	Παῦλος ἀπόστολος Ἰησοῦ χριστοῦ…	ὅρα πόση ἧν ἡ τότε ἀρετὴ · ὅτι κοσμικοῖς ἀνθρωποῖς καὶ πιστοῖς ἐπαγορέυει .
2	101v	Eph.1.1	β		εἰκότως ἀπὸ χάριτος ἤρξατο · χάριτι γὰρ καὶ πατῆρ ἀνθρωπών ὁ θεός · χάριτι καὶ ὁ ὑιὸς ἔδωκεν ἑαυτὸν ἀντίλυτρον ὑπὲρ ἡμῶν .
3	101v	Eph.1.1	γ		τοῦτο ὡς πρὸς ἀντιδιαστολὴν εἴρηται τῆς ἰουδαϊκῆς εὐλογίας · ἐκέινη γὰρ σαρκικωτέρα μᾶλλον ἦν . ἡ δὲ ἡμῶν , πνευματική · καλῶς δὲ τὸ ἐν πάσιν · γέγονας γὰρ ἀθάνατος · ἀναμάρτητος · ὓιος καὶ ἀδελφὸς θεοῦ · συγκληρονόμος · ἡ ἀπαρχή σου , προσκυνεῖται ἐκ τῶν χερουβίμ .
3Ph	101v	Eph.1.1	*		εὐλόγησεν διὰ τοῦ υἱοῦ ἐξελέξατο διὰ τοῦ υἱοῦ υἱοθέτησε διὰ τοῦ υἱοῦ ἐχαρίτωσε διὰ τοῦ υἱοῦ πῶς δὲ διὰ τοῦ υἱοῦ ὣ θαῦμα διὰ τοῦ αἵματος αὐτοῦ φησιν ἴδες πλοῦτον χάριτος μᾶλλον δὲ περισσείαν καὶ ἅφατον ἔλεος οὑ μόνον δὲ ταῦτα ἀλλὰ καὶ ἐγνώρισεν ἡμῖν τὸ μυστήριον τοῦ θελήματος αὐτοῦ διὰ τίνος τοῦτο καὶ τοῦτο διὰ τοῦ υἱοῦ τῆς εὐδοκίας συμπαρούσης ἐν πᾶσιν τοῦ πατρός οὑδὲ γὰρ ἕν τινι ἀπέσχισται τὸ πατρικὸν βούλημα τοῦ ἡγαπημένου υἱοῦ ἐπειδὴ δὲ περὶ τοῦ γνωρισθῆναι ἡμῖν τὸ μυστήριον διέλαβε πάλιν τῆς υἱοθεσίας μέμνηται δι’ οὖ λέγων καὶ ἐκληρώθημεν οἰ γὰρ υἱοθετηθέντες ἐπὶ τῷ κηρονομῆσαι τῆς ὑιοθεσίας ἀξιοῦνται ἥτις γέγονε διὰ τοῦ υἱοῦ καὶ προώρισται τῆς εὐδοκίας καὶ τοῦ πατρικοῦ βουλήματος συμπαρόντος γέγονε δὲ τοῦτο εἰς τὸ καὶ ἡμᾶς οὕτως πολιτεύσασθαι ὥστε εἰς ἔπαινον γενέσθαι τῆς δόξης αὐτοῦ καὶ εὐαρεστον τὸν βίον ἡμῶν καὶ τὴν πολιτείαν ὀρᾶσθαι παρὰ πάντων ὅπως γὰρ ἵδωσιν φησί τὰ καλὰ ὑμῶν ἔργα ὁ κυρίος ἐν εὐαγγελίοις καὶ δοξάσωσι τὸν πατέρα ὑμῶν τὸν ἐν οὐρανοῖς ·
4	101v	Eph.1.3	δ	ἐν τοῖς ἐπουρανίοις ἐν χριστῷ ἰησοῦ	διὰ χριστοῦ γὰρ ἡμῖν ἡ εὐλογία οὐ διά τινος τῶν προφητῶν . ὡς ἰουδάιοις διὰ μωυσέως · καλῶς δὲ τὸ ἐν τοῖς ἐπουρανίοις . οἷον πράγμασιν · οὐδὲν γὰρ γήϊνον παρ’ ἡμῖν ὡς παρὰ ϊουδαίοις · ἐκεῖ γὰρ γῇ τὲ ῥέουσα μέλι καὶ γάλα · καὶ τὰ ἀγαθὰ τῆς γῆς φάγεσαι · καὶ εὐλογήσει κύριος τὴν γῆν σου · ἐνταῦθα δὲ πάντα περὶ βασιλέιας οὐρανιῶν .
5	101v	Eph.1.4	ε	καθὼς ἐξελέξατο ἡμᾶς ἐν αὐτῷ πρὸ καταβολῆς κόσμος	ὥσπερ εὐλόγησεν ἡμᾶς διὰ ἰησοῦ χριστοῦ , οὕτως καὶ ἐξελέξατο δι’ αὐτοῦ καὶ τῆς εἰς αὐτὸν πίστεως · τὸ δὲ πρὸ καταβολῆς κόσμου δηλοῖ , ὅτι τοῦτο πάλαι ἦν ὁρισθὲν σώθῆναι διὰ τῆς εἰς χριστὸν πίστεως τοὺς ἐπὶ γῆς · τὸ δὲ καταβολῆς δηλοῖ , ὅτι ἀπὸ ὕψους τινὸς τῆς τοῦ θεοῦ δυνάμεως κατεβλήθη ὁ κόσμος .
6	101v	Eph.1.4	ϛ	εἶναι ἡμᾶς ἁγίους , καὶ ἀμώμους κατ’ ἐνώπιον αὐτοῦ ἐν ἀγάπῃ ,	ἐξείλετο ἡμᾶς φησιν ἐπὶ τούτω τῷ ὅρῳ εἰς τὸ εἶναι ̔ἡμᾶς ἁγιόυς κατὰ πίστιν · ἀμώμους κατὰ βίον · κατενώπιον αὐτοῦ φησιν · εἰσὶ γάρ τινες ἄμωμοι τοῖς ἀνθρώποις δοκοῦντες · ἀλλ’ οὐ τοῦτο φησιν . ἀλλὰ κατενώπιον αὐτοῦ · τοῦτο δέ φησιν · διὰ τὴν πρὸς ἡμᾶς ἀγάπην ἐπόιησεν .
7	101v	Eph.1.5	ζ	προορίσας ἡμᾶς εἰς ὑιοθεσίαν διὰ ἰησοῦ χριστοῦ εἰς αὐτόν ·	μέγα μὲν καὶ τὸ εἰς ὑιοθεσίαν ἀχθῆναι θεοῦ · μέιζον δὲ τὸ καὶ διὰ τοῦ ὑιοῦ τοῦτον ἐστι τευθῆναι · εἰς ὑιοθεσίαν δὲ πόιαν , τὴν εἰς αὐτόν φέρουσαν τὸν θεὸν .
7ex	101v	Eph.1.5	*	κατὰ τὴν εὐδοκίαν	εὐδοκίαν γὰρ τὴν ἐν εὐεργεσία βούλησιν ἔθος καλεῖν τῇ θεία γραφῇ .
8	101v	Eph.1.5-Eph.1.6	η	τοῦ θελήματος αὐτοῦ , εἰς ἔπαινον δόξης τῆς χάριτος αὐτοῦ ,	ταῦτα δὲ πάντα ἐπόιησεν εἰς ἡμᾶς δι’ ἀλλομὲν , οὐδὲν πλὴν ὅτι ἠβουλήθη καὶ σφόδρα ἐπεθύμησεν χάριτι σῶσαι τοὺς ἐπὶ γῆς πρὸς τὸ ἐκ τούτου ἐπαινεῖσθαι καὶ δοξάζεσθαι αὐτοῦ τὴν ἁγίαν δόξαν τῆς χάριτος .
9	101v	Eph.1.6	θ	ἐν ἧ ἐχαρίτωσεν ἡμᾶς ἐν τῷ ἠγαπημένῳ ·	ἐχαρίτωσεν δὲ πρῶτον μὲν ἐνώπιον τῶν ὀφθαλμῶν αὐτοῦ · ἔπειτα ἐπεράστους ἐποίησεν . ἀγγελόις . ἀρχαγγέλοις · ταῖς ἄνω δυνάμεσιν τοῖς ἐυηρεστηκόσιν αὐτῷ ἁγίοις · ἐπιθυμήσει γάρ φησιν ὁ βασιλὲυς τοῦ κάλλους σου · τὴν δὲ χάριν τάυτην , διὰ τοῦ ἠγαπημένου χριστοῦ τοῖς ἐπὶ γῆς · δεδώκεν · αὐτὸς γὰρ ὁ μεσίτης .
10	101v	Eph.1.6-Eph.1.7	θ	ἐν ᾧ ἔχομεν τὴν ἀπολύτρωσιν διὰ τοῦ αἵματος αὐτοῦ ,	ἰδοῦ φησιν ἔχομεν τὴν ἄφεσιν · διὰ τοῦ αἵματος αὐτοῦ ὑπάρξασαν ἡμῖν · θαυμαστὸν γὰρ τὸ μὴ μόνον ὑπὲρ ἐχθρῶν · ἀλλὰ καὶ τὸν ὑιὸν δοῦναι καὶ πρὸς θάνατον διὰ τοῦ αἵματος · τοὺτο γὰρ τῶν δωρεῶν τὸ φρικωδέστατον .
11	102r	Eph.1.7	ια	τὴν ἄφεσιν τῶν παραπτωμάτων κατὰ τὸν πλοῦτον τῆς χάριτος αὐτοῦ ,	ταῦτα ἐποίησεν φησι κατὰ τὸν πλοῦτον τουτέστιν ἐν τῷ πλόυτῳ τῆς χάριτος αὐτοῦ ἧς ἐπερίσσευσεν εἰς ἡμᾶς · πανταχόθεν ὑπερβολάι · ὅτι τὲ πλοῦτος ἐδόθη · καὶ πλοῦτος θεοῦ . καὶ χάριτος πλοῦτος · καὶ ὅτι ἐπερίσσευσεν τουτέστιν περισσευθῆναι ἐπόιησεν .
12	102r	Eph.1.7-Eph.1.8	ιβ	ἧς ἐπερίσσευσεν εἰς ἡμᾶς ἐν πάσῃ σοφίᾳ καὶ φρονήσει γνωρίσας ἡμῖν τὸ μυστήριον τοῦ θελήματος αὐτοῦ ,	ἢ σοφῶς καὶ φρονίμως ἐγνώρισεν ἡμῖν · ἠ σοφοὺς καὶ φρονίμους ἐγνώρισεν ἡμῖν · ἢ σοφοὺς καὶ φρονίμους ποιήσας οὕτως ἐγνώρισεν ἡμῖν τὸ μυστήριον τοῦ θελήματος αὐτοῦ · ὡσὲι εἶπεν τὰ ἐν τῇ καρδία αὐτοῦ · τί γὰρ ἴσον τοῦ μυστηρίου τούτου · τοῦ δοῦναι τὸν ὑιὸν ὑπὲρ τῶν ἐχθρῶν .
13	102r	Eph.1.9	ιγ	κατὰ τὴν εὐδοκίαν αὐτοῦ ἣν προέθετο ἐν αὐτῷ	γνωρίσας ἡμῖν κατὰ τὴν βουλὴν αὐτοῦ ἢν βουλὴν πρόεθετο ἐν αὐτῷ · τουτέστιν ἐκ δεξιὼν αὐτοῦ καθίσαι .
14	102r	Eph.1.9-Eph.1.10	ιδ	εἰς οἰκονομίαν τοῦ πληρώματος τῶν καιρῶν ,	ταύτην δὲ τὴν ευδοκίαν διατί πρόεθετο · εἰς οἰκονομίαν φησὶ · τουτέστιν εἰς χρηστὴν καὶ ἐπωφελῆ διοίκησιν τοῦ πέρατος τῶν καιρῶν · ἐν γὰρ τοῖς ἐσχάτοις καιροῖς ἡ σώτηριος οἰκονομία γέγονεν τῆς ἐνανθρωπήσεως .
15	102r	Eph.1.10	ιε	ἀνακεφαλαιώσασθαι τὰ πάντα ἐν τῷ χριστῷ τὰ ἐν τοῖς οὐρανοῖς καὶ τὰ ἐπὶ τῆς γῆς .	συνάψαι ἐνῶσαι · μίαν κεφαλὴν παρασχεῖν ἀγγέλοις καὶ ἀνθρωποις τὸν χριστὸν · ἀπεσχισμένοι γὰρ ἢσαν οἱ ἄγγελοι καὶ ἄνθρωποι · συνῆψεν οὖν αὐτοὺς καὶ ἤν ωσεν διὰ χριστοῦ .
15ex	102r	Eph.1.10	*		ἀνακεφαλαίωσιν καλεῖ , τὴν σύντομον των πραγμάτων μεταβολὴν · δια γὰρ της κατὰ τὸν δεσπότην χριστὸν οἰκονομίας καὶ τῶν ἀνθρωπῶν ἡ φύσις ἀνίσταται καὶ τὴν ἀφθαρσίαν ἐν δύεται · καὶ ἣ ὁρωμέν η κτίσις τῆς φθορας ελευθερουμένη . τευξειται τῆς ἀφθαρσίας · καὶ τῶν αὀράτων οἱ δῆμοι ἐνευφροσύνῃ διατελέσουσιν ἐπειδὴ ἀπέδρα ὁ δύνη καὶ λύπη καὶ στεναγμός . τοῦτο δὶα τῶνδε ῥημάτων ἐδίδαξεν ὁ θεῖος ἀπόστολος · οὐ γὰρ ἁπλῶς εἶπεν τὸν οὐρανὸν καὶ τὴν γῆν · ἀλλὰ καὶ τὰ ἐπὶ τοῖς οὐρανοῖς καὶ τὰ ἐπὶ τῆς γῆς · καὶ δεικνὺς τὸ τῆς οἰκονομίας μυστήριον , ἐπήγαγεν ἐν αὐτῷ · τουτέστιν ἐν τῷ χριστῷ .
16	102r	Eph.1.11	ιϛ	ἐν αὐτῷ	πάλιν τὸ ἐν αὐτῷ τουτέστιν δι’ αὐτοῦ τοῦ χριστοῦ .
16ex	102r	Eph.1.11	*	ἐν ᾧ καὶ
16ex2	102r	Eph.1.11	*	ἐκληρώθημεν προορισθέντες	ἄνωθεν γὰρ προωρίσας ἡμᾶς . εις ταύτην απεκλήρωσεν τὴν ζωὴν , ὁ ποιῶν πάντα ὅσα βούλεται · δίδασκει δὲ σαφέστερον εἰς ποῖον προωρίσθημεν κλῆρον .
17	102r	Eph.1.11	ιζ	κατὰ πρόθεσιν θεοῦ τοῦ τὰ πάντα ἐνεργοῦντος .	κατὰ τὴν γνώμην τοῦ τὰ πάντα ἐνεργοῦντος θεοῦ ἔν τε οὐρανῷ καὶ ἐπὶ γῆς .
18	102r	Eph.1.11	ιη	κατὰ τὴν βουλὴν τοῦ θελήματος αὐτοῦ ,	εἶτα οὐκ ἄρκεσθεις τῷ εἰπεῖν προορισθέντες καὶ κατα πρόθεστιν ἐπάγει , κατὰ τὴν βουλὴν τοῦ θελήματος αὐτοῦ · δεῖξαι γὰρ βούλεται ὅτι οὐκ ἐνπαρεπομένῳ ἐκλήθη τὰ ἔθνη διὰ τὸ ἀπο σκιρτῆσαι ϊουδαίους , ἀλλὰ ἄνωθεν τοῦτο προώριστο καὶ ἐν πρωτο τύπω ἔκειτο · ἐπειδὴ γὰρ ὁ χριστὸς προτρεπόμενος τοὺς ἰουδαίους φησὶν · οὐκ ἦλθον εἰμὴ εις τὰ πρόβατα τὰ ἀπολωλότα οἵκου ἰσραήλ · καὶ πάλιν εἰς ὁδὸν ἐθνῶν μὴ ἀπέλθητε . σπουδάζει νῦν δεῖξαι ὁ παῦλος ὅτι προτροπῆς ἔνεκεν καὶ ἐφελκύσεως ἰουδαίων ἐκεῖνα ἔιρηται · ὡς τό γε ἀληθὲς · ἄνωθεν ὥριστο ἡκλῆσις τῶν ἐθνῶν .
19	102r	Eph.1.12	ιθ	εἰς τὸ εἶναι ἡμᾶς εἰς ἔπαινον	ἡμᾶς τίνας , τοὺς προηλπικότας ἐν τῷ χριστῷ φησὶ · τουτέστιν τοὺς πιστούς · ἐκ τοῦ καθ’ ἡμᾶς γὰρ πράγματος μάλιστα δόξαστεος ὁ θεός · ὅτι ὅυτως αὐτοῦ ἠλλοτριωμένους ἔσωσεν .
19ex	102r	Eph.1.12	*	δόξης αὐτοῦ τοὺς προηλπικότας ἐν τῷ χριστῷ ·	πάντες γὰρ ὁρῶντες τοὺς εἰς τὸν δεσπότην πεπιστευκότας χριστὸν ἀνυμνοῦσι τὸν τουτων αἴτιον τῶν ἀγαθῶν .
20	102r	Eph.1.13	κ	ἐν ᾧ καὶ ἡμεῖς ἀκοῦσαντες	δι’ οὒ χριστοῦ · ὅυτως καὶ πρὸς ἑβράιους ἐλάλησεν φησιν ἡμῖν ἐν ὑιῷ .
21	102r	Eph.1.13	κα	τὸν λόγον τῆς ἀληθείας ,	οὐκ ἔστι γὰρ τύπος ὡς ἐπὶ ϊουδαίων , ἀλλ’ αὐτὴ ἡ ἀλήθεια .
22	102r	Eph.1.13	κβ	τὸ εὐαγγέλιον τῆς σωτηρίας ὑμῶν ,	εὐαγγέλιον σωτηρίας ἔστι μὲν καὶ ὡς πρὸς ἀντιδιαστολὴν τοῦ νόμου . ἔστι δὲ ὅτι καὶ τοὺς πιστέυοντας σώζει .
23	102r	Eph.1.13	κγ	ἐν ᾧ καὶ πιστεύσαντες ἐσφραγίσθητε τῷ πνευμάτι τῆς ἐπαγγελίας τῷ ἁγίῳ ,	δι’ οὗ εὐαγγελίου καὶ τῆς ἐν αὐτῷ πίστεως ἐσφραγίσθητε τῷ πνευματι τῆς ἐπαγγελίας ἢ τῷ ἐπαγγελλομένῳ τὰ μυρία ἀγαθά · ἣ ἵνα διὰ τῆς σφραγίδος τύχη τε τῶν ἐπαγγελιῶν · ὥσπερ γὰρ δήλους ποιῶν τοὺς αὐτοῦ θεὸς , σφραγίζει αὐτοὺς τῷ ἁγίῳ πνεύματι .
23ex	102r	Eph.1.13	*		οἷον τινα σφραγίδα τὴν τοῦ πνευματός κομίσασθε δωρεάν · ἐπαγγελίαν δὲ ὡς τοῦ κυριοῦ ἐπαγγειλαμένου πέμψειν τὸ ἅγιον πνευμα .
24	102r	Eph.1.13-Eph.1.14	κδ	ὅς ἐστιν ἀρραβὼν τῆς κληρονομίας ἡμῶν ,	ὁ ἀρραβὼν πιστοῦται τὸ ὅλον · τὴν τοίνυν ὑιοθεσίαν καὶ τὰ μυρία ἀγαθὰ πιστόυμενος ὁ θεὸς . δὲδωκεν ἀρραβὼνα τῆς ἐπουρανίου κληρονομίας τὸ ἅγιον πνεῦμα .
24Ph	102r	Eph.1.14	φωτ		ὅς ἐστι τὸ πνεῦμα φησιν ἐποιήσατο δὲ τὴν μέταληψιν τοῦ ἅρθρου οὐκ ἀπὸ τῆς προφορᾶς τῆς κατὰ τὸ πνεῦμα . ἀλλὰ ἀπὸ τῆς ἐννοίας τῆς ἀπὸ τοῦ θεὸς · ἐπεῖ γὰρ εἶπεν πνευματι · τοῦτο δὲ ἐστιν θεὸς ἐπάγει οἰκείωσω καὶ βαθύτερον συντάσσων . ὅς ἐστιν ἀρραβῶν καὶ ἐξῆς .
25	102r	Eph.1.14	κε	εἰς ἀπολύτρωσιν τῆς περιποιήσεως ,	περιποίησιν ἡμᾶς καλεῖ . διὰ τὸ περιποιήσασθαι ἡμᾶς τὸν θεὸν · ὁ οὖν ἀρραβών φησι καὶ πρὸς τοῦ τό ἐστιν εἰς τὸ ἀπολυτρώσασθαι τὴν περιποίησιν αὐτοῦ · ἐκείνη δὲ ἔστιν ἡ καθαρὰ ἀπολύτρωσις · ὅταν μὴ μόνον ἁμαρτιῶν , ἀλλὰ καὶ τοῦ μετὰ ἁμαρτωλῶν συνοικεῖν λυτρωθῶσιν οἱ ἅγιοι .
26	102v	Eph.1.14	κϛ	εἰς ἔπαινον τῆς δόξης αὐτοῦ .	τοῦτο συνεχῶς ἐπιλέγει . πιστούμενος τὸ πάντως ἔσεσθαι τὰ ἐπηγγελμένα · ὣσει ἔλεγεν · εἰ μὲν ἡμῶν ταῦτα ἕνεκεν ἐπηγγελτο . κἂν ἀμφιβάλλειν ἦν · εἰ δὲ διὰ τὸ θαυμασθῆναι τὴν δόξαν αὐτοῦ , τίς αντερεῖ λοιπόν .
27	102v	Eph.1.15	κζ	διὰ τοῦτο κἀγώ ἀκούσας τὴν καθ’ ὑμᾶς πίστιν	διὰ τὰ ἀποκείμενα ἀγαθὰ . τοῖς ὁρθῶς πιστέυουσι καὶ βιοῦσι καὶ διὰ τὸ ἐν τοῖς σωθησομένοις τετάχθαι ὑμᾶς .
27Ph	102v	Eph.1.15
28	102v	Eph.1.15	κη	ἐν τῷ κυρίῳ ἰησοῦ · καὶ τὴν ἀγάπην τὴν εἰς πάντας τοὺς ἁγίους ,	πλέον γὰρ ἀπάντων διὰ τὴν πίστιν ἡμῶν εὐχαριστητέον τᾦ θεῷ · ὅτι τὸν νοῦν ἡμῖν πρὸς τὸ πιστεῦσαι δέδωκεν · ἀεὶ δὲ τῇ πίστει συνάπτει τὴν ἀγάπην . καλλίστην ἀποτελῶν ξυνωρίδα .
29	102v	Eph.1.15	κθ		οὐτοῖς παρ’ αὐτοῖς μόνοις
29ex	102v	Eph.1.15-Eph.1.17	*	ἵνα ὁ θεὸς τοῦ κυρίου ἡμῶν ἰησοῦ χριστοῦ ,	τοῦτο κατὰ διαίρεσιν τέθεικεν · τὸν γὰρ αὐτὸν τοῦ αὐτοῦ καὶ θεὸν ἐκάλεσεν καὶ πατέρα · θεὸν μὲν ὡς ἀνθρώπου · πατέρα δὲ ὡς θεοῦ . δόξαν γὰρ τὴν θεῖαν φύσιν ὠνόμασεν .
30	102v	Eph.1.17	λ	ὁ πατὴρ τῆς δόξης ,	ἀὲι πρὸς τὸ προκείμενον ὀνομάζει τὸν θεὸν . Θεὸν οἰκτιρμῶν καλῶν καὶ θεὸν εἰρήνης · καὶ θεὸν δυνάμεων · νῦν δὲ αὐτὸν πατὲρα δόξης καλεῖ · μεγίστην γὰρ δόξαν καὶ τιμὴν ἐχαρίσατο τῷ γένει τῶν ἀνθρώπων ἅτινα παραχθέντα ἡμῖν · γενικῷ ὀνόματι καλεῖ δόξαν διὰ τοῦ λαμπροτέρου παρ’ ἡμῖν ὀνόματος · ταύτης οὖν τῆς δόξης φησὶν αὐτὸν πατὲρα καὶ οἷον δημιουργόν .
31	102v	Eph.1.17	λα	δώῃ ὑμῖν πνεῦμα σοφίας καὶ ἀποκαλύψεως , ἐν ̓πιγνώσει αὐτοῦ ·	ἄρα πνευματικῆς δεῖ σοφίας ἡμῖν , εἰς τὸ ἐπιγνῶναι τὰ παρὰ τοῦ θεοῦ δωρηθέντα ἡμῖν . ψυχικὸς γὰρ ἄνθρωπος , οὐ δέχεται τὰ τοῦ πνεύματος · μωρία γὰρ αὐτῷ ἐστιν .
32	102v	Eph.1.18	λβ	πεφωτισμένους τοὺς ὀφθαλμοὺς	ὁ γὰρ τὸν θεὸν γνοῦς ὡς ἐχρὴν , οὐκ ἂν περὶ ἑτερόυ τινὸς τῶν ὑπὸ θεοῦ γενομένων ἀμφιβάλλει · ὡς τόδε δυνατὸν ἢ ἀδύνατον αὐτῷ · πάντα γὰρ δυνατὰ τῇ θεῖᾳ φύσει . ταύτην δὲ · οὐκ ἂν ἄλλως σχόιη τίς τὴν γνῶναι · εἰ μὴ διὰ πνεύματος ἁγίου · τὸ γὰρ πνεῦμα πάντα ἐρευνᾶ καὶ τὰ βάθη τοῦ θεοῦ .
32ex	102v	Eph.1.18	*	τοὺς ὀφθαλμοὺς	ἄλλως γὰρ οὐκ ἐνι ἐπιγνῶναι θεὸν .
33	102v	Eph.1.18	λγ	εἰς τὸ εἰδέναι ὑμᾶς τίς ἐστιν ἡ ἐλπὶς τῆς κλήσεως αὐτοῦ ,	ἐπειδὴ γὰρ τοῦτο μέλλον ἐστὶ πνευματικῆς δεῖται ἀποκαλύψεως · κλῆσιν δὲ φησιν . τὸ ἐπὶ ποίαις ἐλπίσιν ἐκλήθημεν · δῆλον δὲ ὡς ἐπὶ υἱοθεσία καὶ κληρονομία βασιλείας οὐρανων · καὶ ἐπὶ τῷ γενέσθαι ἡμῶν κεφαλὴν τὸν χριστὸν .
34	102v	Eph.1.18	λδ	καὶ τίς ὁ πλοῦτος τῆς δόξης τῆς κληρονομίας αὐτοῦ ἐν τοῖς ἁγίοις ,	βαβαὶ πόσα ὑπερέχοντα ῥήματα · πλοῦτος · δόξα · κληρονομία θεοῦ · ἐν τοῖς ἁγίοις δὲ ἔσται ταῦτα · τῶν γὰρ τοιόυτων ἄξιοι οἱ ἅγιοι · καὶ τοῦτο τοιγὰρ οὖν πνευματικῆς δεῖται χάριτος .
35	102v	Eph.1.18-Eph.1.19	λε	καὶ τί τὸ ὑπερβάλλον μέγεθος τῆς δυνάμεως αὐτοῦ εἰς ἡμᾶς τοὺς πιστεύοντας ,	εἶπεν τινα μέλλοντα · λέγει καὶ γεγονὸς · ἵνα ἐκ τοῦτου πιστώσηται κακεῖνα · ποῖον δὲ τοῦτο , αὐτὸ τὸ πιστεῦσαι ἡμᾶς · ὄντως γὰρ μέγιστης δυνάμεως θεοῦ δεῖγμα , τὸ ἡμᾶς οὕτω θηριώδεις πιστεῦσαι θεῷ καὶ τὰ οὐράνια φιλοσοφεῖν .
36	102v	Eph.1.19	λϛ	κατὰ τὴν ἐνέργειαν τοῦ κράτους τῆς ἰσχύος αὐτοῦ	γέγονεν φησι · γέγονεν δὲ κατὰ τὴν ἐνέργειαν τοῦ κράτους τῆς ἰσχύος αὐτοῦ · εἰ γὰρ μὴ ἐνήργησεν ἐν ἡμῖν οὐκ ἂν ἐπίστευσαμεν .
37	102v	Eph.1.19-Eph.1.20	λζ	ἣν ἐνήργησεν ἐν τῷ χριστῷ , ἐγείρας αὐτὸν ἐκ τῶν νεκρῶν , καὶ ἐκάθισεν ἐν δεξιᾷ αὐτοῦ ἐν τοῖς ἐπουρανίοις ,	ποῖαν δὲ ἐνέργειαν λέγεις ἐνηργηκέναι εἰς ἡμᾶς , ἵνα πιστεύσωμεν · ἥν φησιν ἐνήργησεν καὶ ἐν τῷ χριστῷ ἐγέιρας αὐτὸν ἐκ νεκρῶν · ὅτι δὲ καὶ ἓαυτὸν ἐγηγερκέναι εἴρηται , πολλαχοῦ δῆλον .
38	102v	Eph.1.21	λη	ὑπεράνω	οὐ λέγει ἄνω · ἀλλὰ τὸ ἄγαν ὑψηλὸν δηλῶν · ὑπεράνω φησὶν .
38ex	102v	Eph.1.21	*	πάσης	ἅρα ἐστὶ ἀγγελικῶν δυνάμεων ὁ νόματα · νῦν μὲν ἀκατονόμαστα · τότε δὲ γνωσθησόμεθα .
39	102v	Eph.1.21	λθ	ἀρχῆς καὶ ἐξουσίας καὶ δυνάμεως καὶ κυρίοτητος ,	οὐ τῆσδε μὲν οὔ · τῆσδε δὲ νάι · ἀλλὰ πάσης ἀσωμάτου δυνάμεως · ταῦτα δὲ μετὰ τὴν ἔνσαρκον οἰκονομιαν εἰρῆσθαι τῷ παύλῳ · πρὸ γὰρ τῆς σαρκώσεως . πρόδηλον ὡς ὁ θεὸς λόγος ἶσα εἶχειν τῷ πατρι κατὰ τὴν ἐξουσίαν · ὥσπερ οὖν καὶ νῦν ἔχει καὶ μετα σάρκωσεως .
39Ph	102v	Eph.1.21			ἀντι τοῦ παντὸς ῥητοῦ καὶ ὁνομαστοῦ · ὑπεράνω γὰρ πάντων ὁ ὑιός ἐστιν καὶ σεσάρκωται .
40	102v	Eph.1.21	μ	καὶ παντὸς ὀνόματος ὀνομαζομένου οὐ μόνον ἐν τῷ αἰῶνι τούτῳ , ἀλλὰ καὶ ἐν τῷ μέλλοντι ·	εἴ τινι ἐνι φησιν οὐρανιῷ πὰντων ἀνωτέρω κεκάθικεν ·
41	103r	Eph.1.21-Eph.1.22	μα	καὶ πάντα ὑπέταξεν ὑπὸ τοὺς πόδας αὐτοῦ ,	εἶτα ἵνα μὴ ἀκόυων ἐκάθισεν ὑπὲρανω νομίσης αὐτὸν τε τιμῆσθαι μόνον · δέικνυσιν , ὅτι καὶ δεσπότην αὐτὸν ἐποίησεν πάντων · τὴν γὰρ σφοδρὰν καὶ ἧν οὐκ ἔνόμιζον ὑποταγὴν δεῖξαι θέλων . ὑπὸ τοὺς πόδας εἶπεν .
42	103r	Eph.1.22	μβ	καὶ αὐτὸν ἔδωκεν κεφαλὴν	καὶ τὴν ἐκκλησίαν τῇ δυνάμει συνεκάθισεν τῷ χριστῷ εἰς ἐκεῖνον τὸν θρόνον · ὅπου γὰρ ἡ κεφαλὴ , ἐκεῖ καὶ τὸ λοιπὸν σῶμα .
43	103r	Eph.1.22	μγ /Οεκουμενιου	ὑπὲρ πάντα τῇ ἐκκλησίᾳ ,	ὑπερ ἀγγέλους φησὶ καὶ ἀρχαγγέλους · αὐτὸν τὸν ὑιὸν ἔδωκεν κεφαλήν · ἢ τὸν ὅντα ὑπὲρ πάντα τὰ ὁρώμενα καὶ νοόυμενα χριστόν . ἤ ὑπὲρ πάντα τὰ ἀγαθὰ τοῦτο πεπόιηκεν τὸ τὸν ὑιὸν δοῦναι κεφαλήν .
43Ph	103r	Eph.1.22	*		εἰπῶν τὸν χριστὸν κεφαλὴν τῶν πιστῶν · εἰπῶν τοὺς πιστοὺς σῶμα αὐτοῦ · καὶ πλήρωτας αὐτοῦ · καὶ πολλὰ τῆς περὶ ἡμᾶς φιλανθρωπίας καὶ εὐεργεσιας οἰκονομήματα . ἐπάγει καὶ τῆς θείας αὐτοῦ καὶ ἀκηράτου οὑσίας ἔνδειγμα · ἀλλὰ τίνος ἐστὲ σῶμα φησιν · τίνος πλήρωμα · τίνος , τοῦ πληροῦντος τὰ πάντα οὐκ ἐνί τινι ἐνεργείᾳ καὶ διοικήσει , ἀλλ’ ἐν πᾶσιν αὐτὸς ἐδημιούργησεν πάντα · αὐτὸς ἔδωκεν ζωὴν τοῖς ζῶσιν · αὐτὸς συνέχει · αὐτὸς προνοεῖται · αὐτὸς τὰ πάντα ἐν πᾶσι πράγμασι πληροῖ καὶ διέπει · τούτου οὗν τοῦ τηλικούτου καὶ τοσούτου εἰς πάντα καὶ ἐν πᾶσιν ἐξαπλοῦντος αὐτοῦ τὰς ἐνεργείας . σῶμα καὶ πλήρωμα ἡξίωθημεν καλεῖσθαι · ἀλλ’ ὅυτως νοηθείη τὸ πληρουμένου · ἀντι τοῦ πληροῦντος ἐκληφθήσεται · ἀκολουθότερον οὗν τῇ λέξει · ὡς ἐνόησαν οἰ πρὸ ἡμῶν .
44	103r	Eph.1.22-Eph.1.23	μδ	ἥτις ἐστὶν τὸ σῶμα αὐτοῦ ,	ὑπερβολὴ τίς ἐστιν · ἵνα γὰρ μὴ ἀκούσας κεφαλὴν ἀρχήν τινα καὶ ἐξουσίαν νομίσης . σωματικῶς φησιν · ἡμῶν ἐστὶν κεφαλὴ . καὶ ἡ ἐκκλησία πλήρωμα ἐστὶ τοῦ χριστοῦ · ἀποπληροῖ γὰρ καὶ τέλειον ποιεῖ σῶμα τὴν κεφαλήν · ὥσπερ καὶ ἡ κεφαλὴ πληρωτική ἐστὶ τοῦ λοιποῦ σώματος .
45	103r	Eph.1.23	με	τὸ πλήρωμα τοῦ τὰ πάντα ἐν πᾶσιν πληρουμένου .	οὐδενὸς φείδεται ῥήματος ὁ ἀπόστολος πρὸς τὸ δεῖξαι τὴν συγγένειαν καὶ τὴν ἕνωσιν ἡμῶν τὴν πρὸς τὸν χριστὸν · διό φησιν τοῦ τὰ πάντα ἐν πᾶσι πληρουμένου · δεικνὺς οὐκοινῆ τῆς ἐκκλησίας χρήζοντα τὸν χριστὸν πρὸς τὸ ἀναπληρωθῆναι , ἀλλὰ ἑνὸς ἑκάστου ἀνθρώπου πιστοῦ · ἂν γὰρ μὴ ὦμεν ὁμέν τις αὐτοῦ ποῦς · ὁ δὲ χείρ ὁ δὲ ἕτερον τι μέλος οὐκ ἀναπληροῦται αὐτοῦ τὸ σῶμα · εἰκότως οὖν καὶ ὁ καθεὶς ἡμῶν χρειώδης ἐστὶν πρὸς τὴν συμπλήρωσιν τοῦ σώματος · τότε οὖν ἀναπληροῦται . ὅταν ἦμεν ἄπαντες ἡνωμένοι · ἡ οὖν ἐκκλησία , πλήρωμα ἐστὶ τῆς κεφαλῆς τοῦ χριστοῦ .
45ex	103r	Eph.2.1-Eph.2.2		καὶ ὑμᾶς ὄντας νεκροὺς τοῖς παραπτώμασιν καὶ ταῖς ἀμαρτίαις ἐν αἷς ποτὲ
46	103r	Eph.2.2	μϛ		οὐ τὴν σωματικὴν λέγει τὴν ἐκ τοῦ ἁδὰμ ἀρξαμένην νέκρωσιν . ἀλλὰ τὴν ψυχικὴν τὴν ἐξ ἁμαρτιῶν :
47	103r	Eph.2.2	μζ	κατὰ τὸν αἰῶνα τοῦ κόσμου τούτου ,	αἰῶνα κόσμου τούτου τὸν διεστραμμένον βίον καὶ τὸν ἐν ἁμαρτίαις · δια τὸ πλεονάξειν ἐν τῷ παρόντι βίῳ τὰς ἁμαρτίας · ἄρχοντα δὲ ἐξουσιῶν τὸν σατανᾶν · διὰ τὸ τοὺς πολλοὺς ἡμῶν ἑκόντας ἐκ δεδωκέναι ἑαυτοὺς ὑπὸ τὴν ἑαυτοῦ ἐξουσίαν · οὐδὲ γὰρ ἐκ θεοῦ · ἀλλ’ ἐξ ἡμῶν ἄρχειν κεχειροτόνηται · ἄρχοντα οὖν αὐτὸν λέγει , πρὸς τὰ παρόντα ὁρῶν
47ex	103r	Eph.2.2	*	κατὰ τὸν ἄρχοντα τῆς ἐξουσίας	σαφῶς ἡμᾶς ἐδίδαξεν ὡς πάλαι μὲν ὁ διάβολος · τοῦ αἐρος ἐνεπιστεύθη τὴν ἐξουσιαν ἐκπεσὼν δὲ ταὐτης διὰ τὴν πονηρίαν , διδασκαλος δυσσεβειάς καὶ πονηρίας ἐγένετο · οὐμὴν ἁπᾶντων κρατεῖ · ἀλλὰ μόνων τῶν οὐ προσιεμένων τὰ θεῖα κηρύγματα · τούτους γὰρ ὑιοὺς ἀπειθέιας εἲπεν · τῆς θείας ἐυεργεσίας τοὺς ἐφεσίους ἀναμιμνήσκων · ὅτι νεκροὺς ἥδη γεγενημένους διὰ τὴν ἁμαρτίαν καὶ ὑπο τὴν ἐξουσίαν τελοῦντας τοῦ διαβόλου , τῆς σωτηρίας ἠξίωσεν .
48	103r	Eph.2.2	μη	τοῦ ἀέρος , τοῦ πνεύματος	καλῶς τὸ τοῦ αἔρος προσέθηκεν · εἰ γὰρ καὶ ἄρχοντα ἡμεῖς αὐτὸν ἐχειροτονήσαμεν · ὑπὸ τὸν οὐρανὸν αὐτοῦ ἐστιν ἡ ἀρχὴ οὐχ ὑπὲρ τὸν οὐρανὸν · ὁ δὲ ὢν ὑπὸ τὸν οὐρανὸν , ἠ ἐν τῇ γῇ ἐστιν ἢ ἐν τῷ αἔρι · οὗτος δὲ ὡς ὥν πνευμᾶ , ἐν τῷ αἔρι ἐστὶν · φύσις γὰρ τοῖς πνέυμασιν ἡ ἐναερίος διατρίβη · ὅρα δὲ τὸ κατὰ πόδα τοῦ χωρίου · κατὰ τὸν ἄρχοντα τῆς ἐξουσίας · ποῖον δὴ τοῦτον , τὸν τοῦ αἔρος ἄρχοντα τουτέστιν τὸν ἐναερίον ἄρχοντα · οὐ γὰρ αἔρος ἄρχει ἀλλὰ αερίων · εἶτα πάλιν ἐπισαφηνίζων . αὐτόν φησι τοῦ πνευματος · πνεῦμα γὰρ ὁ σατανᾶς ἔπειδὴ ὡς πρὸς ἡμᾶς καὶ ἀσώματος · ἢ ὅτι ἄρχων ἐστὶν τοῦ αἔρος τοῦ πνευματος · τουτέστιν τοῦ ὄντος ἐν τῷ αἔρι πνευματος · οἶον τῶν αἐρίων πονηρῶν · ἄρχων γὰρ αὐτῶν πρὶν πέση , ἄρχει καὶ μετα τὸ πεσεῖν :
49	103r	Eph.2.2-Eph.2.3	μθ	τοῦ νῦν ἐνεργοῦντες ἐν τοῖς υἱοῖς τῆς ἀπειθείας · ἐν οἷς καὶ ἡμεῖς πάντες ἀνεστάφημεν ποτὲ ἐν ταῖς ἐπιθυμίαις τῆς σαρκὸς ἡμῶν ,	ὁρᾶς ὅτι οὐκ εἶπεν ἀναγκάζοντος ἢ βιαζομένου ἀλλ’ ἐνεργοῦντος ; καίτοι εἰ ἄρχων ἦν τῇ ἀληθεία καὶ μὴ ἐκ τῆς ἡμῶν ῥαθυμίας καὶ πονηρίας κεχειροτόνητο · καὶ τοῦ ἀναγκαζέιν ἐξουσίαζεν ἄν · νῦν γὰρ τὸ ἐνεργοῦντος δηλοῖ ὅτι ἑκόντες αὐτὸν παρεδεχόμεθα · καὶ ὅτι τοῦ τό ἐστιν ἐπάγει · τοῖς ὑιοῖς τῆς ἀπειθέιας · τουτέστιν τοῖς μὴ πειθομένοις μὲν θεῷ . ἐκεῖνω δὲ · οὐ μὴν ἁναγκαζομένοις · εἶτα ἐπάγει · ἐν οῖς καὶ ἡμεῖς πάντες ἀνεστράφημεν · ἐπειδὴ γὰρ ἤγαγεν μνήμην τῶν ἁμαρτημάτων αὐτῶν . εἰκὸς δὲ ἦν αὐτοὺς αἰσχύνεσθαι ἐπ’ αὐτοῖς καὶ ἑαυτὸν κοινωνὸν ποιεῖ · καὶ οὐ μόνον εαυτὸν , ἀλλὰ καὶ πάντας · τάυτη καὶ τὴν δύναμιν τοῦ λυτρωσαμένου χριστοῦ ἀνακηρύττων · σαρκὸς δέ φησι · τῶν σαρκικῶν ἐπιθυμιῶν .
50	103v	Eph.2.3	ν	ποιοῦντες τὰ θελήματα τῆς σαρκὸς καὶ τῶν διανοιῶν ,	ὡσεὶ εἶπεν · σωματικῶς καὶ ψυχικῶς ἁμαρτάνοντες .
51	103v	Eph.2.3	να	καὶ ἦμεν τέκνα	ὥσπερ τέκνα ἀπωλείας καὶ γεέννης εἴρηνται οἱ ἄξια ἀπωλείας καὶ γεέννης πράττοντες , οὕτως καὶ τέκνα ὀργῆς . ὁι ἄξιοι ἀπωλείας καὶ γεένης ὀργῆς · ὅυτως καὶ ὁ ἱούδας ὑιός ἀπωλείας . τῷ τὰ τῆς ἀπωλείας πεπραχέναι .
52	103v	Eph.2.3		φύσει ὀργῆς , ὡς καὶ οἱ λοιποί ·
53	103v	Eph.2.3-Eph.2.4	νγ	ὁ δὲ θεός , πλούσιος ὤν ἐν ἐλέει ,	οὐχ ἁπλῶς ἐλεήμων , ἀ̓λλὰ πλόυσιος ἐν ἐλέει .
54	103v	Eph.2.4	νδ	διὰ τὴν πολλὴν ἀγάπην αὐτοῦ ἣν ἠγάπησεν ἡμᾶς ,	τοῦτο δὲ ἀπὸ τοῦ πολλοῦ ἐλέου γέγονεν · πῶς γὰρ ἂν οἱ τέκνα ὀργῆς ὄντες ἠγαπήθημεν .
55	103v	Eph.2.5	νε	καὶ ὄντας ἡμᾶς νεκροὺς τοῖς παραπτώμασιν	νεκροὺς ὅσον πρὸς ἔνεργειαν ἀγαθοῦ τινος · τοῦτο δὲ γέγονεν φησιν διὰ τὰ παραπτώματα ἡμῶν .
56	103v	Eph.2.5	νϛ	συνεζωοποίησεν τῷ χριστῷ	πάλιν τὸν χριστὸν εἰς μέσον φέρει ἀξιοπιστον τὸ πρᾶγμα ποιῶν · εἰ γὰρ ἡ ἀπαρχὴ ζῇ καὶ ἡμᾶς τὸ λοιπὸν αὐτοῦ σῶμα συνεζωοπόιησεν . νῦν μὲν τῇ δυνάμει ὕστερον δὲ καὶ ἐνεργέιᾳ .
57	103v	Eph.2.5	νζ	χάριτι ἐστε σεσωσμένοι	οὐ καμάτῳ · οὐ κατορθώμασιν ἰδίοις · δέον γὰρ κολάσαι τοὺς γενομένους τέκνα ὀργῆς . ἑσωσεν χάριτι μόνη .
58	103v	Eph.2.5-Eph.2.6	νη	καὶ συνήγειρεν , καὶ συνεκάθισεν ἐν τοῖς ἐπουρανίοις ἐν χριστῷ ἰησοῦ ·	ὤσπερ γὰρ τῆς ἀπαρχῆς ἡμῶν καὶ τῆς κεφαλῆς τοῦ χριστοῦ ἐγηγερμένης καὶ ἡμᾶς δι’ αὐτοῦ ἥγειρεν , ὅυτως καθεζομένης . τὸ λοιπὸν σῶμα ἐγκάθηται · δίο φησιν ἐν χριστῷ ἰησοῦ · τουτέστιν δὶα χριστοῦ ἰησοῦ · ὅτι δὲ καθίσουσιν οἰ ἄξιοι , ἄκουε τοῦ χριστοῦ λέγοντος τοῖς μαθηταῖς · καθήσεσθε ἐπὶ ΙΒ θρόνους κρίνοντες τὰς ΙΒ φυλὰς τοῦ ἰσραηλ · καὶ πάλιν · τὸ δὲ καθίσαι ἐκδεξιών μου καὶ ἐξευωνύμων . οὐκ ἐστιν ἐμὸν δοῦναι ἀλλ’ οἷς ἡτοίμασται ὑπό τοῦ πατρός μου · τέως οὖν ἡ τοίμασται · καὶ πάλιν θέλω ἵνα ὅπου εἰμι ἐγὼ καὶ οἱ διάκονοι οἱ ἐμοι .
59	103v	Eph.2.7	νθ	ἵνα ἐνδείξηται ἐν τοῖς αἰῶσιν τοῖς ἐπερχομένοις τὸν ὑπερβάλλοντα πλοῦτον τῆς χάριτος αὐτοῦ	ἵνα μὴ τις ἀπιστήση τοῖς εἰρημένοις ὅρα πῶς αὐτὸ πιθανὸν ποιεῖ καὶ φησιν · ταῦτα δὲ οὐ τοσοῦτον διὰ τὴν πρὸς ἡμᾶς ἀγάπην μόνον . ὅσον ἵνα καὶ ἐνδέιξηται τὸν ὑπερβάλλοντα πλοῦτον τῆς χαριτός αὐτοῦ ἐν τοῖς μέλλουσιν αἰῶσι φησι .
60	103v	Eph.2.7	ξ	ἐν χρηστότητι ἐφ’ ἡμᾶς ἐν χριστῷ ἰησοῦ	τοῦτέστιν οὐκ ἄχρι τοῦ χριστοῦ ταῦτα μόνου στάιη · ἀλλὰ δι’ αὐτοῦ ἥξει καὶ εἰς ἡμᾶς ὡς ἀπαρχὴς πρὸς τὸ ὅλον τί δὲ · ἥξει τὸ συζωοποιηθῆναι , τὸ συγκαθίσαι .
60ex	103v	Eph.2.7
61	103v	Eph.2.8	ξα	θεοῦ τὸ δῶρον ·	ἐξ ἠμῶν μὲν ἡ πίστις ἀλλὰ καὶ αὐτῆς πρόφασις ὁ θεὸς · εἰ γὰρ μὴ ἐνηνθρώπησεν , πῶς εἴχομεν πιστεῦσαι · πῶς γάρ φησι πιστέυσωσιν . ἐὰν μὴ ἀκούσωσιν · διὸ δῶρον θεοῦ καλεῖ τὴν πίστιν · ἢ καὶ δῶρον διὰ τοῦτο ὅτι οὐδὲ ἡ πίστις σῶσαι ἵσχυεν καθ’ ἑαυτὴν . εἰ μὴ ὁ θεὸς ἑβουλήθη διὰ τῆς πίστεως σῶσαι · ὥστε τὸ πιστεῦσαι ἡμᾶς , δῶρον θεοῦ · καὶ τὸ διὰ πίστεως σωθῆναι , δὦρον θεοῦ .
62	103v	Eph.2.8-Eph.2.9	ξβ	οὐκ ἐξ ἔργων , ἵνα μή τις καυχήσηται .	οὐκ ἐπειδὴ οὐκ ἐβούλετο ἐξ ἔργων σῶσαι . ἀλλ’ ὅτι οὐδεὶς ἴσχυεν ἐξ ἔργων σωθῆναι εἰ μὴ διὰ πίστεως · ἐπεὶ οὖν οὐδεὶς ἴσχυσεν ἐξ ἔργων σωθῆναι . οὔδε καυχήσεται .
62Ph	103v	Eph.2.9			οὐκ ἐξ ἔργων · ἵνα μή τις πρόφασιν ἀπονοίας λάβοι ὡς ἐξ οἰκείων ἔργων σωθείς · καίτοι · καὶ εἰ ἐξ ἔργων ἐνῆν σώζεσθαι , οὐδ’ οὕτως φησιν ἐχρῆν εἰς ἀπόνοιαν καὶ καύχησιν ἐμπεσεῖν · δὶα τί , ὅτι ποίημα ἐσμεν τοῦ θεοῦ · καὶ οὐ τοῦτο μόνον , ἀλλὰ καὶ ἐπὶ τὸ ἀγαθοεργεῖν κτισθέντες · ὥστε καὶ εἰ ἐξ ἔργων ἐσωζόμεθα . εἰς θεὸν ἂν εἴημεν δίκαιοιάν ἀφερὴν τὴν αἰτίαν καὶ τὴν εὐχαριστίαν · ὅτι αὐτὸς ἡμᾶς ἐπὶ τοῦτω ἔκτισεν · ἀλλ’ οὐχ’ εἰς ἐαυτοὺς τὰ τῆς ἀπονοίας κρατύνειν · ὅτε δὲ καὶ κτισθέντες ἐπὶ ἕργοις ἀγαθοῖς · οὐ μόνον οὑδεν ἠγαθουργήσαμεν . ἀλλὰ χάριτι καὶ δωρήματι τοῦ θεοῦ , πηλίκη τις ἡ εὐχαριστία παρ’ ἡμῖν ὀφείλεται τῷ θεῷ ·
63	103v	Eph.2.9-Eph.2.10	ξγ	αὐτοῦ γάρ ἐσμεν ποίημα , κτισθέντες ἐν χριστῷ ἰησοῦ ἐπὶ ἔργοις ἀγαθοῖς ,	εἶτα ἵνα μὴ ἀκόυσαντες ὅτι οὐκ ἐξ έργων ἐσώθημεν ἀλλὰ χάριτι ῥαθυμώτεροι γενώμεθα , δείκνυσιν ὅτι νῦν μετὰ τὴν πίστιν καὶ ἔργων χρεῖα · αὐτοῦ γὰρ ἐσμέν φησιν ποίημα κτισθέντες διὰ ἰησοῦ χριστοῦ · οὐ τὴν πρώτην ἡμῶν δημιουργίαν λέγων · ἀλλὰ τὴν δευτέραν τὴν ἐν τῷ βαπτίσματι · ἐκτίσθημεν δέ φησιν ἐπὶ ἔργοις ἀγαθοῖς οἷς προητοίμασεν ὁ θεὸς εἰς τὸ περιπατεῖν · ἐν ἐστι δὲ ταῦτα καὶ περὶ τῆς πρώτης δημιουργίας νοεῖν .
64	104r	Eph.2.10	ξδ	οἷς προητοίμασεν ὁ θεός ,	οἷς καὶ πρὸ τοῦ βαπτίσματος φησιν ἡτοίμασεν .
65	104r	Eph.2.10	ξε	ἵνα ἐν αὐτοῖς περιπατήσωμεν .	τὴν ἐπ’ αὐτοῖς ἄπαυστον σχέσιν δηλοῖ .
66	104r	Eph.2.11	ξϛ	διὸ μνημονεύετε	ἐπεὶ οὖν ὅλως ἐπὶ ἔργοις ἀγαθοῖς ἐκτίσθημεν , μνημονεύετε · καὶ γὰρ ἔθος τοῖς ἀπὸ πολλῆς εὐτελείας εἰς ὕψος ἀναδραμοῦσι . μηδὲ μεμνῆσθαι τῶν προτέρων .
67	104r	Eph.2.11	ξγ	ὅτι ὑμεῖς ποτὲ τὰ ἔθνη ἐν σαρκί , οἱ λεγόμενοι ἀκροβυστία ὑπὸ τῆς λεγομένης περιτομῆς ἐν σαρκὶ χειροποιήτου ,	θέλει εἰπεῖν ὅτι ὑμεῖς οἱ ἀκρόβυστοι ἐν τοῖς ἔμπροσθεν χρόνοις . ἀλλότριοι ἦτε τοῦ θεοῦ καὶ τῶν ἐπαγγελιῶν · νυνὶ δὲ οἱ τότε ὄντες ἀλλότριοι καὶ πόρρω ἐγγὺς ἐγένεσθε · δείκνυσι δὲ ἐκ τούτου , τοῦ χριστοῦ τὴν κηδεμονίαν · ὅτι τοὺς ἀπηλλοτριωμένους καὶ ἐλπίδα μὴ ἔχοντας ἔσωσεν · ὅρα δὲ εὐφυως πῶς καταβάλλει τὴν περιτομὴν δεικνὺς ἐν λόγω μόνον καὶ οὐκ ἐν ἔργω τινὶ γενναίως ἔχειν αὐτὴν ὡς πρὸς τὴν ἀκροβυστίαν τὸ διάφορον · ὑμεῖς γάρ φησιν τὰ ἔθνη · οἱ ἐν σαρκὶ ἀλλ’ οὐκ ἐν πνευματι · καὶ οἱ λεγόμενοι · οὐ γὰρ ὄντες κατὰ τὸν πνευματικὸν λόγον · ὡσεὶ εὶπεν , ἐν σαρκὶ καὶ ἐν λόγοις τὸ ἔλαττον · οὐδαμοῦ ἐν πνευματί · εἶτα πάλιν περὶ τῆς περιτομῆς λέγων φησὶν · ὑπὸ τῆς λεγομένης καὶ χειροποιήτου τὴν ἐν λόγοις μόνον καὶ σαρκὶ προτίμησιν δηλῶν .
68	104r	Eph.2.11-Eph.2.12	ξη	ὅτι ἦτε ἐν τῷ καιρῷ ἐκείνῳ χωρὶς χριστοῦ ,	τί μνημονέυτε · ὅτι ἧτε φησὶν ἐν τῷ καιρῷ ἐκεῖνω χωρὶς χριστοῦ · τοῦτο ἦν φησὶν τὸ δεινόν · τὸ δὲ τῆς ἀκροβυστίας , ἄχρι σαρκὸς καὶ ὀνόματος ἦν ψιλοῦ · εἶτα ὅτι καὶ ἀπηλλοτριωμένοι ἧτε τῆς πολιτέιας τοῦ ἰσραὴλ , καὶ τοῦτο δεινόν · εἰ γὰρ καὶ ἀνάξιοι ὤφθησαν οἱ ἐξ ἰσραὴλ , πλὴν ἀλλ’ ἠδέσθησαν θεὸν .
68ex	104r	Eph.2.12
69	104r	Eph.2.12	ξθ	ἀπηλλοτριωμένοι τῆς πολιτείας τοῦ ἰσραήλ , καὶ ξένοι τῶν διαθηκῶν τῆς ἐπαγγελίας ,	οὐκ εἶπε κεχωρισμένοι ἀλλ’ ἀπηλλοτριωμένοι · ὄυτε πάλιν μετέχοντες · ἀλλὰ ξένοι ἅπερ πολλὴν δείκνυσι τὴν ἀλλοτρίωσιν .
70	104r	Eph.2.12	ο	ἐλπίδα μὴ ἔχοντες , καὶ ἄθεοι ἐν τῷ κόσμῳ .	οἱ ϊουδαῖοι εἰ καὶ ἀπέτυχον δι’ ἀναξίοτητα , εἶχον μέντοι ἐλπίδα ἐκ τῆς ἐπαγγελίας · ὑμᾶς δὲ φησι τὰ ἔθνη μὴ δὲ ὅλως ἔχοντας ἐλπιδα σωτηρίας · καὶ ἄθεοι ἦτε καίτοι ἐκεῖνοι προσεκύνουν θεοὺς ἀλλ’ οὐκ ἥσαν φησὶ ἀθεόι · υμεῖς οὖν φησιν ἄθεοι ἦτε οἱ γὰρ ϊουδαῖοι εἰ καὶ προσέκρουον εἴδεσαν μέντοι θεόν .
70Ph	104r	Eph.2.12
71	104r	Eph.2.13	οα	νυνὶ δὲ ἐν χριστῷ ἰησοῦ ὑμεῖς οἱ ποτὲ ὄντες μακρὰν	δείξας πολὺ καὶ σφόδρα ἀφεστηκότα τὰ ἔθνη τοῦ θεοῦ τῇ πρὸς ϊουδαίους παραθέσει . δείκνυσιν ὅτι διὰ μόνην φιλανθρωπίαν θεοῦ ἐγγὺς γέγονασιν · τοῦτον δὲ πάντα κεκίνηκεν τὸν λόγον δεικνύς τὴν πρὸς τὰ ἔθνη τοῦ θεοῦ κηδεμονίαν · ὅσω γὰρ πόρρω ὄντες ἐγγὺς γεγόνασι , τοσόυτω μᾶλλον δείκνυται ἡ τοῦ θεοῦ πρόνοια περὶ αὐτούς .
72	104r	Eph.2.13-Eph.2.14	οβ	ἐγγὺς ἐγενήθητε ἐν τῷ αἵματι τοῦ χριστοῦ . Αὐτὸς γάρ ἐστιν ἡ εἰρήνη ἡμῶν ,	τὸ ἐγγὺς καὶ τὸ μακρὰν προαιρέσεως ἐστιν οὐτό που · οἱ μακρὰν οὖν ὄντες τῆς πολιτέιας τοῦ θεοῦ · καὶ διὰ τοῦτο καὶ τοῦ θεοῦ ἐγγὺς γεγόνατε · ἢ οἱ μακρὰν ὄντες τῆς τοῦ ἰσραὴλ πολιτείας , τῆς κατὰ θεόν ἐγγὺς γεγόνατε τοῦτο γὰρ δηλοῖ τὸ ἐπόμενον ὁ ποιήσας τὰ ἀμφότερα ἕν καὶ τὸ πρῶτον δὲ καλῶς ἔχει ἐν τῷ αἵματι φησι τοῦ χριστοῦ · τουτέστιν διὰ τοῦ αἵματος αὐτοῦ · αὐτὸς γὰρ τὸ αἷμαι ἐκχέας ὑπὲρ ἡμῶν καὶ τούτω λύσας τὴν ἁμαρτίαν , πάντας ἤγαγεν ἐγγύς αὐτὸς γάρ ἐστι φησὶν ἡ εἰρήνη ἡμῶν · πρὸ γὰρ τῆς ἐνανθρωπήσεως , βδελυκτοὶ ἦμεν καὶ ἀγγέλοις καὶ ἰουδάιοις .
73	104r	Eph.2.14	ογ	ὁ ποιήσας τὰ ἀμφότερα ἕν	τούς τε ἰουδαίους καὶ τοὺς ἐξ ἐθνῶν · τοῦτο δὲ λέγει οὐχ ὅτι εἰς τὴν τῶν ἰουδαίων ἡμᾶς πολιτείαν ἤγαγεν . ἀλλ’ ὅτι ἐκείνους καὶ ἠμᾶς διαζεύξας τῶν πατρῶν ὠν ἐθνῶν καὶ παραδώσεων καὶ ἀλλήλοις συζεύξας , εἰς τὴν ἑαυτοῦ πίστιν ἤγαγεν ὁ χριστός · πλὴν τὰ ἔθνη μάλιστα εὐχαριστεῖν ὀφείλομεν ὅσω καὶ μάλιστα ξένοι ἦμεν .
73ex	104r	Eph.2.14
74	104r	Eph.2.14-Eph.2.15	οδ	καὶ τὸ μεσότοιχον τοῦ φραγμοῦ λύσας , τήν ἔχθραν ἐν τῇ σαρκί αὐτοῦ ,	μεσότοιχον φραγμοῦ φησι τὴν ἔχθραν τὴν πρὸς τὸν θεὸν ἡμῶν τε καὶ ἰουδαίων ἥτις ἐκ τῶν ἡμετέρων ἐγίνετο παραπτωμάτων · ὡς καὶ αὐτός φησι διὰ τοῦ προφήτου · οὐχὶ αἱ ἀμαρτίαι ὑμῶν δι’ ἰστῶσιν ἀνὰ μεσον ὑμῶν καὶ ἐμοῦ ; ποῖον δὲ μεσότοιχον , τὴν ἔχθραν φησὶν τὴν πρὸς τὸν θεὸν · ἐν τῇ σαρκί · τουτέστιν διὰ τῆς σαρκὸς αὐτοῦ · εἰ γὰρ μὴ ἀπεθανεν ὑπερ ἡμῶν , οὐκ ἂν ἐλύθη ἡ ἁμαρτία ἡ χωρίζουσα ἡμᾶς ἀπὸ τοῦ θεοῦ .
74Ph	104r	Eph.2.15
75	104r	Eph.2.15	οε	τὸν νόμον τῶν ἐντολῶν ἐν δόγμασιν , καταργήσας ·	ἐπειδὴ ἔδωκεν νόμον ἀσφαλιζόμενον ἡμᾶς · ἡμεῖς δὲ παρέβημεν αὐτὸν οἱ ἄνθρωποι , ἔλυσεν καὶ αὐτὸν τὸν νόμον . ὥσπερ ἂν εἴ τις παιδαγωγὸν δοὺς παῖδα · ἐπεὶ δὴ παρήκουσε τοῦ παιδαγωγοῦ ἐλέυθερον εἴασεν καὶ τοῦ παιδαγωγοῦ . δέον κολάσαι · καταργήσας δέ φησι τὸν νόμον ἐν δόγμασιν · ἢ τῇ πίστει ἤ οἶς αὐτὸς εἶπεν ἐγὼ δέ φησι λέγω ὑμῖν ·
76	104v	Eph.2.15	οϛ	ἵνα τοὺς δύο κτίσῃ	ὁρᾶς ὅτι οὐχ ὁ ἔλλην γέγονεν ἰουδαῖος · ἀλλὰ καὶ οὗτος κάκεῖνος εἰς ἀμείνω κατάστασιν ἦλθον ; κτίση φησὶ · δεικνὺς τὴν ἀναγέννησιν · εἰς ἔνα γὰρ πάντες εἰσὶν ἐκ τις μένοι νέον τινα καὶ πιστὸν ἄνθρωπον · καὶ τοῦ γήρους τῶν ἁμαρτιῶν ἀλλότριον ·
76ex	104v	Eph.2.15	*	ἐν ἑαὐτῷ εἰς ἕνα καινὸν ἄνθρωπον , ποιῶν εἰρήνην ,	ἐν ἑαυτῷ · οἷον δὶ αὐτοῦ · οὐ δί ἀγγέλων τινῶν ἢ ἄλλων τινῶν δυνάμεων . ἀλλὰ δί ἑαυτοῦ · ἣ ὃτι φησὶ τοῦτο πρῶτον γενόμενος · καὶ τύπον καὶ ὑπόδειγμα παρασχών .
77	104v	Eph.2.16	οζ	καὶ ἀποκαταλλάξῃ τοὺς ἀμφοτέρους	πρὸς τὸν θεὸν καὶ ἀνθρωπούς οὐ γὰρ ἄν ποτε κατηλλάγησαν τῷ θεῷ μένοντες ἰουδαῖοι καὶ ἔλληνες · ὅτι γὰρ πρὸ τούτου σφόδρα ἦσαν ἀκατάλλακτοι πρὸς τὸν θεὸν . δείκνυσιν ἥ ἔμφασις τοῦ ἀποκαταλλάξει .
77Ph	104v	Eph.2.16
77ex	104v	Eph.2.16	*	ἐν ἑνὶ σώματι τῷ θεῷ	οἷον γινομένους οὗ αὐτός ἐστι κεφαλή .
78	104v	Eph.2.16	οη	διὰ τοῦ σταυροῦ , ἀποκτείνας τὴν ἔχθραν ἐν αὐτῷ ·	πῶς δὲ ἀποκατήλλαξεν τῷ θεῷ · ἀποκτείνας φησὶ τὴν ἔχθραν δι’ ἑαυτοῦ · διὰ τοῦ σταυροῦ γὰρ λύσας τῷ θανάτῳ αὐτοῦ τὴν ἁμαρτίαν , καὶ τὴν ἔχθραν ἔλυσεν · οὐδὲν δὲ ἐμφαντικώτερον τοῦ ἀποκτείνας · τὸ γὰρ ἀσάλευτον τῆς λύσεως δηλοῖ · πῶς οὖν ἐμφάητις πάλιν ἁμαρτάνομεν ἑτέρας ἁμαρτίας γεννῶντες · αἰ γὰρ πρότεραι ἀπεκτάνθησαν .
79	104v	Eph.2.17	οθ	καὶ ἐλθὼν εὐηγγελίσατο εἰρήνην ὑμῖν τοῖς μακρὰν καὶ τοῖς ἐγγύς ·	μηδένα πέμψας · ἀλλὰ αὐτὸς ἑαυτῷ διακονησάμενος · μακρὰν δὲ τα ἔθνη καλεῖ ἐγγὺς δὲ τοὺς ἰουδαίους .
80	104v	Eph.2.18	π	ὅτι δι’ αὐτοῦ ἔχομεν τὴν προσαγωγὴν οἱ ἀμφότεροι ἐν ἑνὶ πνεύματι πρὸς τὸν πατέρα .	τὴν καταλλαγὴν καὶ τὴν εἰρήνην τὴν πρὸς τὸν θεὸν · οὐ γὰρ ἀφ’ ἐαυτῶν ἀπήλθομεν ἀλλ’ ὑπὸ χριστοῦ προσήχθημεν ἐν ἑνὶ πνεύματι · οὐκ ἐκεῖνοι μὲν , ἄτε ἐγγὺς ὄντες ἐν μείζονι ἡμεῖς δὲ ὡς μακρὰν ἐν ἐλάσσονι · διὰ γὰρ τοῦ πνευματός ἐπεράστους ποιήσας . προσήγαγεν τῷ πάτρι ·
81	104v	Eph.2.18-Eph.2.19	πα	ἄρα οὖν οὐκέτι ἐστὲ ξένοι καὶ πάροικοι , ἀλλὰ συμπολῖται τῶν ἁγίων	οἰ γὰρ μὴ ἔχοντες πάλαι ἐλπίδα τέυξεσθαι τῶν οὐρανιών , ξένοι ἦσαν καὶ πάροικοι τῶν ἀγίων · νῦν δέ φησιν τὴν αὐτὴν ἔχετε τοῖς ἁγίοις πόλιν , τὴν οὐρανίον ἱερουσαλὴμ · ὅρα δὲ οὐκ εἶπεν τῶν ἰουδαίων ἀλλὰ τῶν ἁγίων τῶν ἀμφὶτον ἁβραάμ φησιν .
82	104v	Eph.2.19-Eph.2.20	πβ	καὶ οἰκεῖοι τοῦ θεοῦ , ἐποικοδομηθέντες ἐπὶ τῷ θεμελίῳ	ὅπερ γὰρ ἔσχον ἐκεῖνοι φησὶν μυρίοις πόνοις . τοῦτο ὑμῖν διὰ τῆς πίστεως δεδώρηται · τὴν δὲ ἄγαν ἕνωσιν τὴν πρὸς τοὺς προφήτας καὶ ἀποστόλους , τῶν ἐθνῶν σημάναι θέλων , ἐποικοδομηθέντες φησιν · ὡσεὶ εἶπεν · θεμέλιος ἀπόκεινται οἱ προφῆται καὶ οἱ ἀπόστολοι , ὑμεῖς τὴν λοιπὴν οἰκοδομὴν ἀναπληροῦτε . ἵνα γένησθε οἱ πάντες εἰς ἔν ναὸς θεοῦ · οἷον δέ ἐστιν ἐπάνω προφητῶν καὶ ἀποστόλων οἰκοδομεῖσθαι .
83	104v	Eph.2.20	πγ	τῶν ἀποστόλων καὶ προφητῶν ,	ὅρα ὅτι πρῶτοι οἱ ἀπόστολοι .
84	104v	Eph.2.20	πδ	ὄντος ἀκροψωνιαίου αὐτοῦ ἰησοῦ χριστοῦ ,	αὐτὸς γὰρ ὁ καὶ τὸν θεμέλιον καὶ τὸ οἰκοδόμημα συνέχων καὶ συσφίγγων · καὶ ὅρα · ποτὲ ἄνωθεν συσφίγγειν αὐτὸν λέγει , ἔνθα κεφαλὴν αὐτὸν λέγει · ποτὲ κάτωθεν ἐπὶ τοῦ ἀκρογονιαίου · ἀλλαχοῦ δὲ καὶ θεμέλιον φησὶ τὸν χριστὸν .
85	104v	Eph.2.21	πε	ἐν ᾧ πᾶσα οἰκοδομὴ	ἐν ᾦ ἀκρογωνιάιῳ .
86	104v	Eph.2.21	πϛ	συναρμολογουμένη	δείκνυσι τὴν ἀκριβῆ οἰκοδομὴν · ἅμαδηλῶν μὴ ἅλλως εἰς ναὸν ἄξειν ἅγιον ἢ ὅλως σώζεσθαι , εἰ μὴ μετὰ ἀκριβείας καὶ ἠκριβωμένου βίου .
87	104v	Eph.2.21	πζ	αὔξει εἰς ναὸν	ἡ γὰρ οἰκοδομὴ αὕτη ἄυξουσα καὶ πληρουμένη , ἀποτελεῖται νὰος θεοῦ · ἐν οἰκήσω γὰρ ἐν αὐτοὶς φησι . καὶ κοινῇ γὰρ εἰς τὴν ἐκκλησίαν οἰκεῖ ὁ θεός καὶ ἰδία εἰς ἔκαστον τῶν ἀξίων ·
87ex	104v	Eph.2.21		ἅγιον ἐν κυρίῳ ,
88	104v	Eph.2.21	πη		τὴν πρώτην οἰκοδομὴν τῆς καθόλου ἐκκλησίας εἰρηκεν , ταύτην δὲ τῶν ἐν ἐφέσῳ .
89	104v	Eph.2.22	πθ	ἐν ᾧ καὶ ὑμεῖς συνοικοδομεῖσθε εἰς κατοικητήριον τοῦ θεοῦ ἐν πνεύματι .	ἢ διὰ πνευματός ἢ ἐν πνευματικῇ οἰκοδομῇ .
89ex	104v	Eph.2.22-Eph.3.1	*	τούτο χάριν ἐγὼ παῦλος ὁ δέσμιος τοῦ χριστοῦ ἰησοῦ ὑπὲρ ὑμῶν τῶν ἐθνῶν ,	ἐπειδή φησιν ὁ δεσπότης μου τοιαῦτα ἐπεδείξατο εἰς ὑμᾶς , ἀνάγκη κἀμὲ τὰ κατα δύναμιν εἰς ἐνεγκεῖν · ὁ δέσμιος · ἐν δεσμοῖς ὢν ἔγραφεν · ἅμα δε καὶ τοῦτο δηλοῖ · ὁ δεσπότης μου ἐσταυρώθη . ἐγὼ δὲ τέως δέδεμαι ὑπὲρ ὑμῶν τῶν ἐθνῶν .
90	104v	Eph.3.2		εἴγε ἠκούσατε τὴν οἰκονομίαν
90Ph	104v	Eph.3.2	φωτ		τούτου χάριν ἐγὼ παῦλος : ὁ ὑπὲρ ὑμῶν τῶν ἐθνῶν δέσμιος τοῦ χριστοῦ ἰησοῦ · ἔστι γὰρ δέσμιον εἶναι μὲν τοῦ χριστοῦ · τουτέστι διὰ τὴν εἰς αὐτὸν ἀμετὰτρεπτον πίστιν δεδέσθαι καὶ κολάζεσθαι · ἀλλ’ οὐχὶ καὶ ὑπὲρ τῶν ἐθνῶν · τουτέστι διὰ τὴν διδασκαλίαν καὶ τὸ κήρυγμα ὃ κηρύσσει τις ἐν τοῖς ἔθνεσιν ὥσπερ πολλοὶ τῶν μαρτύρων οὐχ ὅτι γὰρ ἐδίδασκον τὰ ἔθνη ἀλλ’ ὅτι οὐκ ἐξηρνοῦντο ἐκολάζοντο · ὁ δὲ παῦλος δι’ ἀμφότερα · καὶ ὑπὲρ τοῦ χριστοῦ καὶ ὑπὲρ τῶν ἐθνῶν .
91	104v	Eph.3.2	ϛα	τῆς χάριτος τοῦ θεοῦ	οἰκονομίαν χάριτος . τὴν ἀποκάλυψιν φησιν ὅτι οὐ παρὰ ἀνθρωποῦ ἔμαθεν . ἀλλ’οὕτως ᾧκονόμησεν ἡ χάρις τοῦ θεοῦ . ὥς τέ μοι ἐξ οὐρανιοῦ ἀποκαλυφθῆναι · χάριτος γὰρ τότε καλέσαι καὶ τὸ πηρῶσαι τῷ φωτὶ ἰν’ εὐπειθέστερος γένηται .
92	105r	Eph.3.2	ϛβ	τῆς δοθείσης μοι εἰς ὑμᾶς ,	αὐτὸς γὰρ μοι εἶπεν φησιν ὅτι εἰς ἔθνη μακρὰν ἀποστελῶσε .
93	105r	Eph.3.2-Eph.3.3	ϛγ	ὅτι κατὰ ἀποκάλυψιν ἐγνώρισέν μοι τὸ μυστήριον ,	μυστήριον γὰρ ἀληθῶς τὸ τοὺς ἐλληνας λίθοις προσκυνοῦντας . εἰς τοσαύτην ἐπαρθῆναι δόξαν καὶ εὐγένειαν · ὃ καὶ αὐτὸ ἀπεκάλυπτο αὐτῷ .
94	105r	Eph.3.3	ϛδ	καθὼς προέγραψα ἐν ὀλίγῳ ,	τὰς προλεχθείσας ἄνω λέγει οἰκονομίας · ὅτι ἐκλήθη τὰ ἔθνη ὄντα μακρὰν καὶ ἐπωκοδομήθη καὶ ὅσα τοιαῦτα · ἐν ὀλίγῳ ἢ πρὸ ὀλίγου . ἣ διὰ βραχέων .
95	105r	Eph.3.4	ϛε	πρὸς ὃ δύνασθε ἀναγινώσκοντες νοῆσαι τὴν σύνεσίν μου ἐν τῷ μυστηρίῳ τοῦ χριστοῦ ·	βαβαὶ ὥστε οὐκ ἔγραψεν ὅσα ἐχρῆν , ἀλλ’ ὅσα ἐχώρουν νοεῖν · σύνεσιν δέ φησιν ὅπως τὸ μυστήριον συνῆκεν · ὅπως αὐτὸ κατενόησεν σύνεσις γάρ ἐστιν ἡ εἴδησις ἡγνῶσις ἡ ἐπὶ τῷ μυστηρίῳ τοῦ χριστοῦ .
96	105r	Eph.3.4-Eph.3.5	ϛϛ	ὃ ἑτέραις γενεαῖς οὐκ ἐγνωρίσθη τοῖς υἱοῖς τῶν ἀνθρώπων ,	ὅπερ μυστήριον ἑτέραις φησὶν γενεαὶς οὐκ ἐγνωρίσθη · πάντα δὲ ταῦτα εἰς μυστήριον τοῦ χριστοῦ συντελεῖ · ἡ ἐνανθρώπησις · ὁ σταυρός · ἡ ἀνάστασις · ἡ ἐκδεξιὼν τοῦ πατρὸς καθέδρα · ἡ κλῆσις τῶν ἐθνῶν · ἡ διὰ τῆς πίστεως σωτηρία . ἡ ἐκ βολὴ τοῦ κατὰ σάρκα ἰουδάιου · ἡ συνάφεια τῶν Β λαῶν εἰς ἓν σῶμα χριστοῦ χρηματίζουσα μᾶλλον δὲ οὔσα · ἧ δευτέρα παρουσία · καὶ ἠ ἀν τὰ ἀπόδοσις τοῦ κατ' ἀξίαν καὶ ὅσα τοιαῦτα .
97	105r	Eph.3.5	ϛζ	ὡς νῦν ἀπεκαλύφθη τοῖς ἁγίοις ἀποστόλοις αὐτοῦ καὶ προφήταις	τί οὖν οἱ πάλαι προφῆται οὐκ ἥδεσαν ; πῶς οὖν ὁ χριστος φησιν μωυσῆς καὶ οἱ προφῆται περὶ ἐμοῦ ταῦτα ἔγραψαν · καὶ πάλιν περὶ τῶν γραφῶν φησιν · ὅτι ἐκεῖναι εἰσιν αἱ μαρτυροῦσαι μοι · καὶ φαμέν · ἢ τοὺτο εἶπεν ὅτι πᾶσιν ἀνθρώποις οὐκ ἐγνωρίσθη · εἶπεν γὰρ ἔμπροσθεν τοῖς υἱοῖς τῶν ἀνθρώπων · νῦν γὰρ μετὰ τὴν ἐνανθρώπησιν πάντες αὐτὸν ἐθεάσαντο · ἢ ὅτι οὐ δὲ οἱ προφῆται εἶδον ὡς νῦν ὡράθη τουτέστιν σωματικῶς · ἢ ὅτι περὶ τῶν ἐθνῶν οὐδενὶ ὅυτως ἐγνώσθη εἶναι ταῦτα συγκληρονόμα καὶ σύσσωμα καὶ σμμέτοχα τῆς ἐπαγγελίας .
98	105r	Eph.3.5	ϛη	ἐν πνεύματι	διὰ πνευματος γὰρ καὶ νῦν ἡ ἀποκάλυψις τῶν τοιόυτων · ἀμέλει οἱ ἐστερημένοι τοῦ πνευματός καὶ νῦν πλανῶνται · ὅτι μὲν γὰρ κληθήσεται τὰ ἔθνη , ἤδεσαν οἱ προφῆται · ὅτι δὲ συγκληρονόμα καὶ συμμέτοχοι ἔσται , οὐκ ἤδεσαν .
99	105r	Eph.3.6	ϛθ	εἶναι τὰ ἔθνη συγκληρονόμα καὶ σύσσωμα καὶ συμμέτοχα	τῷ ἓν ἔχειν δὶα χριστὸν σῶμα διὰ τὸ εἶναι αὐτοῦ μέλη .
100	105r	Eph.3.6-Eph.3.7	ρ	τῆς ἐπαγγελίας αὐτοῦ ἐν τῷ χριστῷ , διὰ τοῦ εὐαγγελίου , οὗ ἐγενόμην διάκονος	βασιλέια μὲν γὰρ ἐπήγγελται παρὰ τοῦ πατρὸς · διὰ χριστοῦ δὲ τὰ ἔθνη καὶ τῆς εἰς αὐτὸν πίστεως τῆς τοιαῦτης ἐστὶν ἐπαγγελίας συμμέτοχα · τῆς πίστεως αὐτοῖς φησι τὸ εὐαγγελιὸν ὁ δηλὸν καὶ πρόξενον .
101	105r	Eph.3.7	α	κατὰ τὴν δωρεὰν τῆς χάριτος τοῦ θεοῦ , τὴν δοθεῖσάν μοι	ἐγενήθην φησὶ τοῦ εὐαγγελίου διάκονος ἐν δωρεᾶ χάριτος τοῦτο λαβών · οὐδὲν γὰρ ἔργον ἐμὸν συνεισήνεγκα φησι τῇ χάριτι τάυτῃ · ὅρα παῦλον ταῦτα λέγοντα τὸν καθ’ ἡμέραν ἀποθνήσκοντα .
102	105r	Eph.3.7	β	κατὰ τὴν ἐνέργειαν τῆς δυνάμεως αὐτοῦ .	καὶ οὐ μόνον φησὶν ἐδωρήθη μοι ἡ χάρις αὕτη , ἀλλὰ πρὸς τῇ δωρεᾷ καὶ ἐνεργεῖ μοι δύναμιν · εἰς τὸ ἰσχύειν πρὸς τὴν διακονίαν τοῦ εὐαγγελίου .
103	105r	Eph.3.8	γ	ἐμοὶ τῷ ἐλαχιστοτέρῳ πάντων ἀγίων	ὅρα ὑερβολὴν ταπεινοφροσύνης · ἀλλαχοῦ μὲν μὴ εἶναι ἱκανὸν εἰς ἀποστολὴν ἔλεγεν ἑαυτόν · νῦν δὲ καὶ πάντων τῶν ἁγίων ἐλαχιστότερον λέγει · ἐμοὶ οὖν φησιν ἐδόθη ἡ χάρις αὕτη · καὶ εἰκότως χάρις · ἤγουν τῶν πάντων ὥς φησιν ἐλαχιστοτέρω τὸ κήρυγμα τῶν ἐθνῶν ἐπετράπη .
104	105r	Eph.3.8	δ	ἐδόθη ἡ χάρις αὕτη , ἐν τοῖς ἔθνεσιν	ποία χάρις , τῷ ἐν τοῖς ἔθνεσίν φησὶν εὐαγγελίζεσθαι .
104Ph	105r	Eph.3.8
105	105r	Eph.3.8	ε	εὐαγγελίσασθαι τὸν ἀνεξιχνίαστον πλοῦτον τοῦ χριστοῦ ,	εἰ ὁ πλοῦτος αὐτοῦ ἀνεξιχνίαστος ἐστιν . τί δεῖ περὶ τῆς οὐσίας αὐτοῦ πολυπραγμονεῖν .
106	105r	Eph.3.9	ϛ	καὶ φωτίσαι πάντας τίς ἡ οἰκονομία τοῦ μυστηρίου	ὅτι μὲν γὰρ κληθήσεται τὰ ἔθνη ἤδεισαν τινες διὰ τοῦ πνευματός · ὅτι δὲ τὸ ἐπὶ τὸ δὲ ἀπαρχὴν αὐτῶν γένεσθαι τὸν θεὸν λόγον οὐκ ἤδεισαν · τοῦτο οὖν φησιν μυστήριον ἀποκεκρυμμένον .
107	105r	Eph.3.9	ζ	τοῦ ἀποκεκρυμμένου ἀπὸ τῶν αἰώνων ἐν τῷ θεῷ	ὥστε οὐ νεαρὸν ἐστι τὸ κατὰ τὰ ἔθνη , ἀλλ’ ἄνωθεν ἐδέδοκτο · εἰκότως δὲ πᾶσιν ἄγνως τον ἦν ὅτι τὰ ἔθνη τοιόυτων ἀγάθων ἀξιωθήσονται · εἰ γὰρ ἐν τῷ θεῷ ἐκέκρυπτο τίς ἦν ὁ ἀποκαλύπτων .
108	105r	Eph.3.9	η	τῷ τὰ πάντα κτίσαντι διὰ ἰησοῦ χριστοῦ ,	ὁ γὰρ τὰ πάντα δι’αυτοῦ κτίσας πατηρ , καὶ τοῦτο δι’’αυτοῦ ἀπεκάλυψεν .
109	105r	Eph.3.10	θ	ἵνα γνωρισθῇ νῦν ταῖς ἀρχαῖς καὶ ταῖς ̓ξουσίαις ἐν τοῖς ἐπουρανίοις	ὅτι γὰρ ἐγένετο μερὶς κυριοῦ λαὸς ὁ τοῦ ἰακὼβ ἤδεισαν · καὶ ὅτι σώσει τὸν λαὸν αὐτοῦ εἶπεν ὁ γαβριὴλ περὶ τοῦ ἰσραὴλ λέγων · ὅτι δὲ ἐπὶ τούτοις τὰ ἔθνη κληθήσεται , οὐκ ἥδεσαν · εἰ δὲ ἀρχαὶ καὶ ἐξουσίαι οὐκ ἥδεσαν , δῆλον ὡς οὐδὲ ἄγγελοι ἣ ἀρχάγγελοι .
109ex	105r	Eph.3.10	*		οὐ δὲ γὰρ αἱ αόρατοι δυνάμεις ἤδεσαν τὸ μυστήριον · ἀλλὰ διὰ τῆς περὶ τὴν ἐκκλησίαν οἰκονομίας τοῦ ἄρρητου θεοῦ σοφίαν κατέμαθον · κατὰ πρόθεσιν δὲ τῶν αἰώνων λέγει ἀντὶ τοῦ ταῦτα πρὸ αἰώνων μὲν προέθετο . ἐποίησεν δὲ διὰ τῆς κατὰ τὸν δεσπότην χριστὸν οἰκονομίας .
109ex2	105 v	Eph.3.10	*	ἵνα γνωρισθῇ νῦν ταῖς ἀρχαῖς καὶ ταῖς ̓ξουσίαις ἐν τοῖς ἐπουρανίοις	πρό τῶν τῆς ἐνανθρωπήσεως τοῦ σωτηρίας ἡμῶν χρόνων , ἁπλῆν ἐγίνωσκον αἱ οὐρανιαι δυνάμεις τὴν σοφίαν τοῦ θεοῦ · ἐκ μόνον τοῦ δυνατοῦ κατορθουμένην · ὁ γὰρ τῇ ὁρμῇ τοῦ οἰκέιου θελήματος οὐσιώσας τὰ πάντας θεὸς , δυνάμει ἀκαταλήπτῳ διετήρει πρὸς διαμονὴν τὰ δημιουργηθέντα · καὶ οὐδὲν ἦν ποικίλον . ἀλλ’ οἷον ἐθεωρεῖτο , τοιοῦτον καὶ ὑπῆρχεν · νῦν δέ γε διὰ τῆς εἰς τὴν ἐκκλησίαν καὶ τὸ ἀνθρωπίνον γένος οἰκονομιας οὐκ ἐτι μόνον ἁπλῇ ἀλλα καὶ πολυποίκιλος ἐγνώσθη ἡ σοφία τοῦ θεοῦ · διὰ τῶν ἐναντίων τὰ ἐναντία κατορθοῦσα · διὰ θανάτου ζωήν · διὰ τιμίας δόξαν · διὰ σταυροῦ τρόπαιον · διὰ πάντων τῶν εὐτελῶν , τὰ θεοπρεπῇ . διὰ οὖν τῆς εἰς ἡμᾶς οἰκονομίας τῆς ἐν τῇ ἐνανθρωπήσει γενομένης . πολυποίκιλος ἐγνώσθη ἡ σοφία καὶ δύναμις τοῦ θεοῦ ταῖς οὐρανίαις δυνάμεσιν · ὅυτως ὁ νύσης εἰς τὰ ἄσματα τῶν ἀσμάτων .
110	105 v	Eph.3.10	ι	διὰ τῆς ἐκκλησίας	ὅτε γὰρ ἡμεῖς ἐμάθομεν . τότε κακεῖνοι δι’ ὑμῶν · ὁρῶντες τὴν ἐξ ἐθνῶν ἐκκλησίαν καὶ δι’ αὐτῆς εἰς γνῶσιν ὁ δηγούμενοι
111	105 v	Eph.3.10	ια	ἡ πολυποίκιλος σοφία τοῦ θεοῦ ,	οὐ μόνον ποικίλη ἀλλὰ πολυπόικιλος · ἡ οὖσα φησι κατὰ πρόθεσιν τῶν αἰώνων · τουτέστιν κατὰ πρόγνωσιν καὶ πρόειδησιν καὶ οἰκονομίαν · νῦν μὲν γὰρ γέγονεν φησιν ἄνωθεν δὲ ταῦτα ἐδόκει .
112	105 v	Eph.3.11	ιβ	ἣν ἐποίησεν ἐν χριστῷ ἰησοῦ τῷ κυρίῳ ἡμῶν ·	δι’ αὐτοῦ γὰρ καὶ τοὺς αἰῶνας ἐποίησεν .
113	105 v	Eph.3.12	ιγ	ἐν ᾧ ἔχομεν τὴν παρρησίαν καὶ τὴν προσαγωγὴν ἐν πεποιθήσει διὰ τῆς πίστεως αὐτοῦ .	προσήχθημεν οὖν τῷ θεῷ καὶ πατρὶ διὰ χριστοῦ · προσήχθημεν δὲ οὐχ ὡς αἰχμάλωτοι · οὐ δὲ ὡς συγγνώμης ἀξιωθησόμενοι · ἐφ’ οἷς ἡμᾶρτομεν . ἀλλὰ μετὰ παρρησίας φησὶ , καὶ παρρησίας οὐχ ἁπλῶς , ἀλλὰ ἐνθάρσει τινὶ καὶ πεποιθήσει · ἁγιάσας γὰρ ἡμᾶς · διὰ τοῦ ἰδίου αὐτοῦ αἴματος , προσήγαγεν θαρροῦντας λοιπὸν · τὸ προσελθεῖν διὰ τὴν εἰς αὐτὸν πίστιν .
114	105 v	Eph.3.13	ιδ	διὸ αἰτοῦμαι	διό φησιν αἰτῶ μὴ ἐκ κακεῖν μὴ δὲ θορυβεῖσθαι ἐν ταῖς θλίψεσι μου · αἵτινες ὑπὲρ ὑμῶν δι’ ὑμᾶς εἰσί μοι · πῶς ; ὅτι ὅυτως ἡμᾶς ἠγάπησεν ὁ θεὸς , ὥστε καὶ τὸν ὑιὸν αὐτοῦ δοῦναι καὶ τοὺς δοὺλους αὐτοῦ κακοῦν ὑπὲρ τοῦ ὑμᾶς σωθῆναι · ἆρα οὐ δόξα τὸ ὅυτως ἀγαπᾶσθαι ὑπὸ θεοῦ ;
114ex	105 v	Eph.3.13
115	105 v	Eph.3.13	ιε	μὴ ἐκκακεῖν ἐν ταῖς θλίψεσίν μου ὑπὲρ ὑμῶν , ἥτις ἐστὶν δόξα ὑμῶν .	ἐπειδή φησι τοσαῦτα ἔθνη ἐπιστέυθην . ἀνάγκη ἐστὶ καὶ δεδέσθαι παρὰ τῶν ἀντιλεγόντων τῷ κηρύγματι .
116	105 v	Eph.3.13-Eph.3.14	ιϛ	τούτου χάριν κάμπτω τὰ γόνατά μου πρὸς τὸν πατέρα τοῦ κυρίου ἡμῶν ἰησοῦ χριστοῦ ,	ἐπειδὴ ὅυτως ἠγαπήθητε παρὰ θεοῦ . δέομαι φησιν ὑπὲρ ὑμῶν .
117	105 v	Eph.3.14-Eph.3.15	ιζ	ἐξ οὗ πᾶσα πατριὰ ἐν οὐρανοῖς καὶ ἐπὶ γῆς ὀνομάζεται ,	ἐπὶ μὲν γῆς , πατριὰς τὰ γένη καλεῖ ἀφῶν καὶ πατέρες καλοῦνται ἐν οὐρανῷ δὲ ἔνθα οὐκ ἔστιν ὅς δὲ ἐκ τοῦ δὲ · πατριὰς τὰ συστήματα λέγει · αὐτὸς γὰρ τάς τε ἄνω καὶ τὰς κάτω φυλὰς ἐδημιόυργησεν .
118	105 v	Eph.3.15-Eph.3.16	ιη	ἵνα δῴη ὑμῖν , κατὰ τὸν πλοῦτον τῆς δόξης αὐτοῦ , δυνάμει κραταιωθῆναι διὰ τοῦ πνεύματος αὐτοῦ	ὅρα μεθόσης ἀπολογίας ἐπέυχεται αὐτοῖς τὰ ἀγαθά · δυνάμει κραταιωθῆναι φησιν εἰς τὸ μὴ περιφέρεσθαι · τοῦτο δὲ πῶς ἕσται διὰ πνευματός ἁγίου · τὸ δὲ κραταιωθῆναι , ὡς πρὸς τοὺς πειρασμοὺς νόει .
119	105 v	Eph.3.16-Eph.3.17	ιθ	εἰς τὸν ἔσω ἄνθρωπον , κατοικῆσαι τὸν χριστὸν	εἰς τὸ κατοικῆσαι φησιν τὸν χριστὸν εἰς τὸν ἔσω ἄνθρωπον · ἀντὶ τοῦ ἵνα φησι ναὸς θεοῦ γένησθε · καὶ οὐχ ἁπλῶς κατοικῆσαι , ἀλλ’ ἐν ταῖς καρδίαις ὑμῶν · μηδέν φησιν ἐπιπόλεον · ὁ γὰρ ἔσω ἄνθρωπος καὶ αἰ καρδίαι , τὴν καταβάθους ἐνοίκησιν καὶ τὴν οἱον εἰ συμφυῆ καὶ ἐρριζωμένην δηλοῖ .
120	105 v	Eph.3.17	κ	διὰ τῆς πίστεω ἐν ταῖς καρδίαις ὑμῶν ·	πῶς δὲ ἔσται τοῦτο , διὰ τῆς πίστεως φησὶ καὶ διὰ τοῦ ἐν ἀγάπῃ εἲναι ὑμᾶς ἐρριζωμένους καὶ τεθεμελιωμένους ὑπὸ μὴδενον κινουμένους .
121	105 v	Eph.3.18	κα	ἵνα ἐξισχύσητε καταλαβέσθαι σὺν πᾶσιν τοῖς ἁγίοις	ταῦτα δὲ ὑμῖν ἐπέυχομαι φησὶν ἵνα ἐξισχύσητε καταλαβέσθαι · πολὺ δὲ ἔδειξεν τὸν κάματον τῷ τε ἐξισχύσαι · καὶ τῷ καταλαβέσθαι εἰπεῖν .
121Ph	105 v	Eph.3.18	φωτ Phοtiοs		τὸ ἐρριζωμένοι καὶ τεθεμελιωμένοι · ἢ σφάλμα καλλιγραφικόν δέον κατ’ αἰτιατικὴν γράψαι ἐρριζωμένους καὶ τεθεμελιωμένους · ἢ εἰ μὴ τοῦτο , κατ’ ἔθος ἀρχαικῆς συντάξεως ἐχρήσατο ὁ θεῖος παῦλος · ἀντι αἰτιατικῆς · μετοχικὴν εὐθεῖαν · πολὺ δὲ καὶ παρὰ τοῖς ἔξω τοιοῦτον σχῆμα · καὶ μάλιστα παρὰ θουκυδίδῃ · εἰ δὲ δεῖ καὶ τὴν εὐθεῖαν · ἀλλὰ μὴ κατὰ ἀντίπτωσιν ἐκλαβεῖν , καὶ ὅυτως τὸ ἀκόλουθον φυλαχθήσεται · καθ’ ὑπερβατὸν τὴν σύνταξιν ποιουμένων · ᾧ καὶ μάλιστα σχήματι κεχρημένος ὁ θεῖος παῦλος · οἷον ἵνα ᾗ συντεταγμένον τὸ ῥητὸν οὕτως · ἵνα ἐν ἀγάπῃ ἐρριζωμένοι ἐξισχύσητε καταλαβέσθαι σὺν πᾶσι τοῖς ἁγίοις τί τὸ πλάτος καὶ μῆκος καὶ βάθος καὶ τὰ ἐξῆς .
121Ph2	105 v	Eph.3.18
122	106r	Eph.3.18	κβ	τί τὸ πλάτος καὶ μῆκος καὶ βάθος	σωματικοῖς ὑπογράφει σχήμασι τὸ τοῦ μυστηρίου μέγεθος τοῦ ὑπερ τῶν ἐθνῶν οἰκονομηθέντος .
122ex	106r	Eph.3.18	*		τῆς γεγενημένης οἱκονομίας τὸ μέγεθος παρεδήλωσεν · ἐπειδὴ ταῦτα μεγέθους δηλωτικά
123	106r	Eph.3.18	κγ	καὶ ὕψος ,	οἷον τοῦ μυστηρίου .
123Ph	106r	Eph.3.18	φωτ		τί τὸ πλάτος καὶ μῆκος : καὶ βάθος καὶ ὕψος · ἢ τοῦ μυστηρίου · ἵνα ᾗ κατ’ ἔλλειψιν εἰρημενὸν · ἢ καὶ χωρὶς ἐλλέιψεως · καθ’ ὑπερβατὸν , δέ ἵνα ἐξισχύσητε φησὶν καταλαβέσθαι τί τὸ πλάτος καὶ μῆκος καὶ βάθος καὶ ὕψος τῆς γνώσεως τοῦ χριστοῦ · γνῶναι τε τὴν ὑπερβάλλουσεν εἰς ἡμᾶς ἀγάπην αὐτοῦ · ἔστιν δὲ γνῶσις μὲν χριστοῦ ἡ τῆς περὶ ἡμᾶς αὐτοῦ οἰκονομίας φανέρωσις · γνῶσις ἔστιν χριστοῦ ὅτι τὴν τε πρᾶξιν αὐτὴν τὴν ὑπερθαύμαστον , αὐτὸς καὶ οὐκ ἄλλος ὑπὲρ ἡμῶν εἰργάσατο · καὶ ὅτι αὐτός ἔστιν ὁ χορηγὸς ταύτης τῆς γνώσεῶς · καὶ ὅτι δί αὐτῆς μάλιστα ἐπέγνωμεν τὸν χριστὸν · ἀλλὰ γνῶσις μὲν χριστοῦ αὕτῃ μῆκος δέ ἔστιν αὐτῆς . τὸ ἀπὸ τῶν αἰώνων αὐτῶν προωρείσθαι · πλάτος δὲ · ὅτι εἰς πάντας αὐτῆς ἡ εὐεργεσία ἐξαπλοῦται · εἰς τοὺς πρὸ νόμου · εις τοὺς ἐν νόμω καὶ μετὰ τὸν νόμον · εἰς τοὺς ζῶντας · εἰς τοὺς τετελευτηκότας · εἰς τοὺς ἱουδαίους · ἐχ τοὺς ἔλληνας · ἐχ τοὺς βαρβάρους · εἰς πάντα τὰ ἔθνη · εἰς τὰ οὐρανία · εἰς τὰ ἐπίγεια · εἰρήνην γὰρ εἰργήσατο ἐν αὐτοῖς ὁ χριστὸς · πρότερον ἐκπολεμωμένοις οὖσιν εἰς ἀλλήλους · τοῖς ἀγγέλοις καὶ τοῖς ἀνθρώποις · εὔχεται οὖν αὐτοὺς ταῦτα καταλαβέσθαι · καὶ οὐ ταῦτα μόνον , ἀλλὰ καὶ τὸ βάθος αὐτῆς καὶ τὸ ὕψος ·
124	106r	Eph.3.18-Eph.3.19	κδ	γνῶναί τε τὴν ὑπερβάλλουσαν τῆς γνώσεως ἀγάπην τοῦ χριστοῦ , ἵνα πληρωθῆτε εἰς πᾶν τὸ πλήρωμα τοῦ θεοῦ .	καὶ ἵνα φησι γνῶτε τὴν ὑπερβάλλουσαν πᾶσαν ἀνθρωπινήν γνῶσιν ἀγάπην τοῦ χριστοῦ καὶ οἷον τῆς γνώσεως ὑπεράνω · ἔστι μεν γάρ φησιν ὑπεράνω πάσης γνώσεως · πλὴν ὑμεῖς γνώσεσθε εἰ τὸν χριστὸν σχόιητε ἐνοικοῦντα · ἵνα ἐκ τούτου πληρωθῆτε εἰς πᾶν πλήρωμα τοῦ θεοῦ · πλήρωμα δὲ θεοῦ ἐστιν ἦ τὸ γνῶναι ὡς ἐν πατρὶ καὶ υἱῷ καὶ πνευματικὶ ἁγίω προσκυνεῖται ἡμῖν ὁ θεὸς · ἤ ἵνα ἦτε φησιν πάσης ἀρετῆς πεπληρωμένοι ἧς πλήρης ὁ θεὸς .
125	106r	Eph.3.20	κε	τῷ δὲ δυναμένῳ ὑπὲρ πάντα ποιῆσαι	τῷ δὲ δυναμὲνῳ θεῷ οὐ μόνον καθὰ λέγομεν . ἀλλὰ καὶ ὑπὲρ ἐκπερισσοῦ ποιῆσαι πάντα · καὶ οὐ μόνον πάντα , ἀλλὰ καὶ ὑπὲρ ἅπαντα · αὐτῷ φησιν ἡ δόξα ἀμήν ·
126	106r	Eph.3.20	κϛ	ὐπὲρ ἐκπερισσοῦ ὧν αἰτούμεθα ἢ νοοῦμεν , κατὰ τὴν δύναμιν τὴν ἐνεργουμένην ἐν ἡμῖν ,	καὶ ὅτι ἐκπερισσοῦ ὦν αἰτούμεθα ἢ νοοῦμεν δυνατός ἐστι ποιῆσαι , δῆλον ἐκ τῆς ἐνεργούσης δυνάμεως αὐτοῦ · τίς γὰρ τοῦτο προσεδόκησεν περὶ τῶν ἐθνῶν · ὅτι οἱ τοσοῦτον ἀπερρωγότες θεοῦ · ἐν τοῖς ὑιοθετηθεῖσιν εἰσὶν .
127	106r	Eph.3.20-Eph.3.21	κζ	αὐτῷ ἡ δόξα ἐν τῇ ἐκκλησίᾳ ἐν χριστῷ ἰησοῦ , εἰς πάσας τὰς γενεὰς τοῦ αἰῶνος τῶν αἰώνων . ἀμήν .	ἐπειδὴ δεῖ τὸν τοσαῦτα δωρησάμενον δοξάζεσθαι · ὥστε καὶ ἡ δοξολογία δεῖγμα ὑπάρχει τοῦ μεγέθους τῶν ὑπηργμένων ἡμῖν παρὰ πᾶσαν ἐλπίδα καὶ προσδοκίαν ἀνθρωπίνην ἀγαθῶν · καλῶς δὲ ἡ δόξα αὐτοῦ ἐν ταῖς ἐκκλησίαις · ἐπεὶ γὰρ αὖται διηνεκῶς μένουσιν · ἐν ταύταις εἴ ἠ φησὶν ἡ δόξα τοῦ θεοῦ · ἵνα ἡμῖν ᾐ διηνεκῶς δοξαξόμενος . καὶ εἰς πάσας ἔλθη τοῦτο γενεάς .
127ex	106r	Eph.3.21	οικουμενιου		ἤ ὅτι τῇ ἐκκλησία ἐπέυχεται · ὥστε διατηρεῖν ἀεὶ τὴν δοξολογίαν τοῦ θεοῦ · καὶ μήποτε παρατραπῆναι · τὸ δὲ ἐν χριστῷ ἰησοῦ . ἣ σὺν χριστῶ ἰησοῦ νόει , ἠ διὰ χριστοῦ ἰησοῦ · διὰ τὴν σάρκα τοῦτο νοῶν εἰρῆσθαι .
128	106r	Eph.3.21-Eph.4.1	κη	παρακαλῶ οὖν ὑμᾶς ἐγώ , ὁ δέσμιος ἐν κυρίῳ ,	ὁ διὰ τὸν κύριον φησὶν δέσμιος · βαβαὶ ὅσον τὸ ἀξίωμα τὸ δεδέσθαι διὰ χριστὸν · βαβαὶ ὅσα εἶπεν ὁ μακάριος ἰωάννης εἰς τὴν ἅλυσιν τὴν παῦλου · καὶ αὐτὸς γὰρ ὁ ἀπόστολος ταύτην προβάλλεται · ὡς δι’ αὐτῆς δυσωπήσων αὐτούς .
128ex	106r	Eph.4.1	*		μεγάλη γὰρ ἡ κλῆσις καὶ ἐπὶ μεγάλοις · ἐπὶ τῷ ἔχειν κεφαλὴν τὸν χριστόν · ἐπὶ τῷ εἰς ὑιοὺς εἶναι θεοῦ .
129	106r	Eph.4.1-Eph.4.2	κθ	μετὰ πάσης ταπεινοφροσύνης καὶ πρᾳότητος , μετὰ μακροθυμίας , ἀνεχόμενοι ἀλλήλων ἐν ἀγάπῃ ,	τουτέστιν ἐν παντὶ πράγματι · ἐπὶ παντὸς προσώπου · αὐτὸ γάρ ἐστιν ἀξίως τῆς κλήσεως περιπατῆσαι · μετὰ ταπεινοφροσύνης καὶ πραότητος καὶ μακροθυμίας καὶ τοῦ ἀνέχεσθαι ἀλλήλων · ἔνθα γάρ ἐστιν ἀγάπη , πάντα ἐστὶν ἀνεκτά .
130	106r	Eph.4.3	λ	σπουδάζοντες τηρεῖν τὴν ἑνότητα τοῦ πνεύματος ἐν τῷ συνδέσῳ τῆς εἰρήνης .	καθάπερ γὰρ ἐπὶ τῶν ἡμετέρων σωμάτων ἐστὶ τὸ ἡμῶν πνευμᾶ ἐν πᾶσι τοῖς μέλεσι καὶ πάντα συνέχον , οὕτως καὶ τὸ πνευμᾶ τὸ ἅγιον ἡμῖν ἐδόθη · τοὺς γένει καὶ τρόπω καὶ ἤθεσιν διαλάμποντας ἑν οῦν καὶ ποιοῦν ἡμᾶς ἓν σῶμα · ταύτην φυλάξωμεν τὴν ἑνότητα τὴν διὰ τοῦ ἁγίου πνευματός δοθεῖσαν ἡμῖν · ἥτις φησὶ γίνεται διὰ τοῦ συνδέσμου τῆς εἰρήνης .
130Ph	106r	Eph.4.3
131	106r	Eph.4.3-Eph.4.4	λα	ἓν σῶμα καὶ ἓν πνεῦμα ,	γένεσθε φησιν ὅυτως συνηνωμένοι · ὅυτως ἀλλήλων κηδόμενοι · ἐκ τούτου γάρ φησιν · ἔσεσθε καὶ ἓν πνευμᾶ ἔχοντες · τουτέστιν ὁμότιμον τὴν χάριν τοῦ πενυματός · ἢ ὅτι ἔστιν μὲν ἓν σῶμα εἰναι · οὐχ ἓν δὲ πνευμᾶ · ὡς ὅταν τις αἱρετικῶν φίλος ᾖ · ἢ ὅτι τοῦ τό φησιν ἓν πνευμᾶ λαβόντες οὐκ ὀφείλετε διχονοεῖν ἀλλ’ ἓν εἰναι σῶμα · ἢ ὅτι πνευμᾶ ἐνταῦθα τὴν προθυμίαν καλεῖ .
132	106r	Eph.4.4	λβ	καθὼς καὶ ἐκλήθητε ἐν μιᾷ ἐλπίδι	ὁ θεὸς ἡμᾶς φησιν ἐπὶ τοῖς αὐτοῖς ἐκάλεσεν οὐδενὶ πλεῖον ἀπονείμας · πᾶσιν ἀθανασίαν · πᾶσι ζωὴν αἰώνιον ἐπηγγέιλατο · πᾶσιν δόξαν ἀθάνατον · πᾶσιν ἀδελφότητα · πᾶσι κληρονομίαν ἐπηγγέιλατο · κοινὴ πάντων ἐγένετο κεφαλή · πάντας συνήγειρε καὶ συνεκάθισεν · εἰ τοίνυν ἐν τοῖς πνευματικοῖς φησιν τοσαύτην ἔχετε κοινωνίαν · ὀφείλετε καὶ ἓν σῶμα εἶναι ἐν τῇ τῆς ἀγάπης ἀνακράσει .
133	106v	Eph.4.4	λγ	τῆς κλήσεως ὑμῶν .	πάντα γὰρ τὰ εἰρημένα κοινή ἐστιν ἡμῶν ἡ ἐλπὶς ἐκ τῆς κλήσεως γενομένη .
134	106v	Eph.4.4-Eph.4.5	λδ	εἷς κύριος , μία πίστις , ἓν βάπτισμα ,	ἰδοὺ καὶ ἄλλη κοινωνία · εἰς ἡμῖν κυριός · μία πίστις · ἒν βάπτισμα · οὐδεῖ οὖν ἡμᾶς διεστάναι .
135	106v	Eph.4.5-Eph.4.6	λε	εἷς θεὸς καὶ πατὴρ πάντων , ὁ ἐπὶ πάντων , καὶ διὰ πάντων , καὶ ἐν πασῖν ἡμῖν .	ἰδοὺ καὶ ἄλλη κοινωνία , ἀγάπης πρόφασις · τὸ εἶναι ἡμῖν ἔνα πατέρα τὸν θεόν · καὶ ἐπὶ πάντων · τουτέστιν ὁ ἐπάνω πάντων · καὶ διὰ πάντων · τουτέστιν ὁ προνοῶν διὰ πάντων ἡμῶν καὶ ἐν πᾶσιν ἡμῖν · τουτέστιν ὁ ἐνοικῶν ἐν πᾶσιν ἡμῖν .
136	106v	Eph.4.7	λϛ	ἑνὶ δὲ ἑκάστῳ ἡμῶν ἐδόθη ἡ χάρις κατὰ τὸ μέτρον τῆς δωρεᾶς τοῦ χριστοῦ .	εἰ πάντα ἐστὶν ὡς λέγεις κοινὰ · πόθεν ὁδεῖνα μὲν μεῖζον · ὁ δεῖνα δὲ , ἔλαττον ἔχει χάρισμα · τοῦτο γὰρ αὐτοὺς εἰς φθόνον μάλιστα ἐνῆγε καὶ φησὶν · ἑκάστω ἐδόθη ἡ χάρις · τουτέστιν τὸ χάρισμα καὶ τὸ μέτρον τῆς δωρεᾶς τοῦ χριστοῦ · ὡσεὶ εἶπεν · εἰ αὐτὸς ἐμέτρησεν , πάντως ὅτι καλῶς ἐμέτρησεν , πάντως καὶ συμφερόντως · καὶ εἰ δωρεάς ἐστι τὸ πᾶν , ὑπὲρ μὲν οὗ ἔλαβες , εὐχαρίστει , ὑπὲρ δὲ οὗ οὐκ ἔλαβες , μὴ φθόνει · δωρεὰ γὰρ ἐστιν · ὡσεὶ εἶπεν · οἶδεν ὁ μετρήσας καὶ δωρησάμενους . πῶς καλῶς καὶ συμφερόντως τοῦτο πεποίηκεν · τὰ μὲν γὰρ ἄλλα κοινὰ πρόκειται · τὰ δὲ χαρίσματα , δέδοται κατὰ τὴν ἀναλογίαν τῆς ἐκάστου καθαρότητος .
137	106v	Eph.4.7-Eph.4.8	λζ	διὸ λέγει , ἀναβὰς εἶς ὕψος ᾐχμαλώτευσεν αἰχμαλωσίαν ,	καὶ ὅτι φησὶν ἡ χάρις δωρέα ἐστι τοῦ χριστοῦ καὶ αὐτὸς μετρήσας ἔδωκεν , ἄκουε φησι τοῦ δαυῖδ · τὸ δὲ ἀναβὰς εἰς ὕψος ἀλλαχοῦ λέγει ὅτι ἐπήρθη ἡ μεγαλοπρέπεια σου ὑπεράνω τῶν οὐρανῶν · τίνα δὲ ἥχμαλώτευσεν , ἡμᾶς δηλονότι τὴν καλὴν καὶ συμφέρουσαν αἰχμαλωσίαν · πολέμω γὰρ νοητῶ νικήσας τὸν διάβολον , αἰχμαλώτους εἶλεν ἡμᾶς · οὐχ ἵνα κατα δουλώσηται πῶς γὰρ τοὺς ὄντας δούλους καὶ πάλαι · ἀλλ’ ἵνα τῆς πικρᾶς ἀπαλλάξη τυραννίδος τοῦ πονηροῦ .
137Ph	106v	Eph.4.8
137Ph2	106v	Eph.4.8
138	106v	Eph.4.8	λη	καὶ ἔδωκεν δόματα τοῖς ἀνθρώποις	ὥστε τοῦ χριστοῦ τὰ δόματα · τί ἀδημονεῖς πολύ μὴ ἔχων · ἤ φθονεῖς τῷ ἔχοντι · ὧδε μὲν , ὅυτως · παρακατιῶν δὲ δέικνυσιν ὅτι πρὸς ὠφέλειαν τῆς ἐκκλησίας ἐκάστος ἔλαβεν τὸ χάρισμα · καὶ ὁ τὸ μέγα λαβὼν , καὶ ὁ τὸ μὴ τοιούτον · καὶ οὐ διὰ τὰ οἰκεῖα ἔργα · οὐ δὲ διὰ τὸ ἄξιον εἶναι τινα τοῦ λαβεῖν · τίς οὖν φθονήσει ἐν τῷ διά τί εἰληφότι πρὸς ἑτέρων ὠφέλειαν · ὅσον γὰρ μεῖζον τὸ χάρισμα , τοσοῦτον ἀκριβέστεραι αἰ εὐθύναι .
138ex	106v	Eph.4.8	*		λαβὼν γὰρ τὴν πίστιν , ἀντι δίδωσιν τὴν χάριν .
139	106v	Eph.4.8-Eph.4.9	λθ	τὸ δέ , ἀνέβη , τί ἐστιν εἰ μὴ ὅτι καὶ κατέβη πρῶτον	οὐκ ἂν φησιν ἐδεήθη ὁ προφήτης τοῦ εἰπεῖν ἀνέβη εἰ μὴ ᾔδει ὅτι κατέβη πρῶτον · περὶ γὰρ τοῦ καταβάντος . τὸ ἀνέβη λέγει τίς .
140	106v	Eph.4.9	μ	εἰς τὰ κατώτερα μέρη τῆς γῆς ;	τουτέστιν μεθ ὃ οὐκ ἔνι κατώτερα · λέγει δὲ τὸν ᾄδην ὡς πρὸς τὴν κοινὴν συνήθειαν ἀφορῶν · ὅυτως γὰρ λέγειν εἰώθαμεν · διὸ καὶ ἰακώβ φησι · κατάξατε τὸ γῆρας μου μετ’ ὀδύνης εἰς ἄδου · καὶ δαυιδ · καὶ ὁμοιωθήσομαι τοῖς καταβαίνουσιν εἰς λάκκον .
140ex	106v	Eph.4.9	μα		κατώτερα μέρη τῆς γῆς . τὸν θάνατον ἐκάλεσεν .
141	106v	Eph.4.9-Eph.4.10		ὁ καταβάς , αὐτός ἐστιν καὶ ὁ ἀναβὰς ὑπεράνω πάντων τῶν οὐρανῶν ,	τοῦτο φησιν ὅτι οὐδὲν αὐτῷ πρὸς τὴν ἄνοδον ἐνεπόδισεν · ἡ εἰς τὰ κατώτατα κάθοδος · ὥστε φησιν καὶ ὑμῶν ὅσον ἄντις ταπεινοφρονῇ , τοσοῦτον μᾶλλον ὑψοῦται .
141Ph	106v	Eph.4.10	φωτ		τοῦτο τὴν νεστορίου καταβάλλει βλασφημίαν · ὁ αὐτος , φησίν , ἐστὶν ὁ καταβὰς καὶ ὁ ἀναβάς · καταβαίνει μὲν γὰρ εἰς τὴν σάρκωσιν ὡς θεος · ἀναβαίνει δὲ ὡς ἄνθρωπος . καταβαίνει μὲν εἰς τὸν ᾅδην ὡς ἄνθρωπος , ἀνίσταται δὲ ὡς θεος . οὐ μονον δέ , ἀλλὰ καὶ ὑπεράνω γίνεται τῶν οὐρανῶν , καὶ οὐχ ἁπλῶς , ἀλλὰ πάντων · τῆς ἐκεῖσε λήξεως καὶ καθέδρας · τὸ προσλημμα ἀξιῶν .
142	106v	Eph.4.10	μβ	ἵνα πληρώσῃ τὰ πάντα .	καὶ γὰρ καὶ γυμνῇ πάλαι τῇ θεότητι τὰ πάντα ἐπλήρου · καὶ σαρκωθεὶς . ἵνα τὰ πάντα καὶ μετὰ σαρκὸς πληρώσῃ , κατέβη καὶ ἀνέβη .
143	106v	Eph.4.11	μγ	καὶ αὐτὸς ἔδωκεν	ὁ μὴ παραιτησάμενος φησιν διὰ τὴν ἡμῶν σωτηρίαν εἰς τὰ κατώτατα κατελθεῖν . αὐτὸς τὴν διανομὴν τὼν χαρισμάτων ἐποίησεν · ἄρα οὖν οὐ χρὴ ἀγανακτεῖν πρὸς τὴν διανομήν · εἰ γὰρ αὐτὸς ἔδοκεν , τί ἀντι λέγεις · ἀλλαχοῦ δέ φησιν τὸ πνευμᾶ διδόναι τὰ χαρίσματα · πάντα γὰρ ταῦτα φησιν ἐνεργεῖ τὸ ἓν καὶ αὐτὸ τὸ πνευμᾶ · ἁλλαχοῦ τὸν πατέρα φησιν · ὡς τὸ ἐγὼ ἐφύτευσα · ἀπολλῶς ἐπότισεν . ἀλλ’ ὁ θεὸς ἤυξανεν · ἐνταῦθα δὲ τὸν ὑιὸν · κοινὰ γὰρ τὰ πάντα τῇ ἁγία καὶ μακαρία τριάδι .
144	106v	Eph.4.11	μδ	τοὺς μὲν ἀποστόλους , τοὺς δὲ προφήτας ,	οἱ γὰρ ἀπόστολοι καὶ προφητείαν εἶχον · οἵ δὲ τότε προφῆται , οὐκ εἶχον ἀποστολήν .
145	106v	Eph.4.11	με	τοὺς δὲ εὐαγγελιστάς	τοὺς τὸ εὐαγγέλιον γράψαντας .
146	106v	Eph.4.11	μϛ	τοὺς δὲ ποιμένας καὶ διδασκάλους ,	τοὺς τὰς ἐκκλησίας ἐμπεπιστευμένους λέγει · τοὺς ἐπισκόπους · οἷος ὁ τιμόθεος · οἷος ὁ τῖτος ἦν .
147	106v	Eph.4.11-Eph.4.12	μζ	πρὸς τὸν καταρτισμὸν τῶν ἁγίων , εἰς ἔργον διακονίας , εἰς οἰκοδομὴν τοῦ σώματος τοῦ χριστοῦ ·	ὁρᾶς τὴν αἰτίαν τῆς δόσεως τῶν χαρισμάτων ; πρὸς τὸν καταρτισμόν φησιν · τουτέστιν πρὸς ἀπαρτισμόν · πρὸς πλήρωσιν · εἰς τὸ ἐντούτοις διακονεῖν τῇ ἐκκλησία καὶ οἰκοδομεῖν αὐτήν · ὅσω οὖν τις μεῖζον ἔλαβε χάρισμα , τοσοῦτο μεῖζον ἔχει τὸ φορτίον · ταῦτα δέ φησι πρὸς τοὺς τῷ φθόνῳ τῶν μειζόνων χαρισμάτων ἀποκεκομμένους τοῦ σώματος τῆς ἐκκλησίας · δεικνὺς ὅτι πάντων τὸ ἔργον εἰς ἒν ὁρᾶ τέλος τὸν καταρτισμὸν τῶν ἁγίων ·
148	107r	Eph.4.13	μη	μέχρι καταντήσωμεν οἱ πάντες	φθάσωμεν :
149	107r	Eph.4.13	μθ	εἰς τὴν ἑνόντητα τῆς πίστεως καὶ τῆς ἐπιγνώσεως τοῦ υἱοῦ τοῦ θεοῦ , εἰς ἄνδρα τέλειον , εἰς μέτρον ἡλικίας	τουτέστιν ἔως ἂν οἱ πάντες μίαν πίστιν σχῶμεν · ἕκαστος κάμνει · καὶ ἕκαστος διακονεῖ · ἑνότης γὰρ πίστεως . τὸ μὴ διαφωνεῖν περὶ αὐτοῦ · ἄνδρα δὲ τέλειον καὶ μέτρον ἡλικίας λέγει · τὴν τελείαν τοῦ χριστοῦ ἔννοιαν καὶ εἴδησιν .
150	107r	Eph.4.13	ν /οικουμενιου	τοῦ πληρώματος τοῦ χριστοῦ ·	πλήρωμα χριστοῦ φησιν · τὴν περὶ χριστοῦ ὀλοτελῆ γνῶσιν καὶ πίστιν · οἷον ὅτι ἐκ παρθένου σάρκα ἔλαβεν · ὅτι ἐκ θεότητος · εἰς μίαν ὑπῆρξεν ὑπόστασιν · ἵνα γὰρ μὴ ἀκούσας ἄνδρα τέλειον καὶ μέτρον ἡλικίας τὴν σωματικὴν νοήσης . ἐπήγαγε τοῦ πληρώματος τοῦ χριστοῦ · ὡσεὶ ἔλεγεν · μέχρις οὗ εἰς τελείοτητα φθάσωμεν · τῆς ὀλοτελοῦς τοῦ χριστοῦ πίστεως καὶ γνώσεως .
150Ph	107r	Eph.4.13
151	107r	Eph.4.13-Eph.4.14	να	ἵνα μηκέτι ὦμεν νήπιοι ,	δείκνυσιν τοῦτο παθόντας αὐτοὺς πάλαι · ὠς ἐν διηγήματος τάξει ἐπανορθοῦται αὐτοὺς . καὶ ἑαυτὸν συντάττων διὰ τὸ ἀνεπαχθές · νηπιόυς δὲ τῇ πίστει φησιν .
152	107r	Eph.4.14	νβ	κλυδωνιζόμενοι καὶ περιφερόμενοι	νηπίων γὰρ ὄντως . τὸ περιφέρεσθαι καὶ οὐ βεβηκότων .
153	107r	Eph.4.14	νγ	παντὶ ἀνέμῳ τῆς διδασκαλίας ,	εἰπὼν κλυδωνιζόμενοι , ἔμεινεν τῇ τροπῇ , καὶ ἄνεμον διδασκαλίας προσειπών .
154	107r	Eph.4.14	νδ	ἐν τῇ κυβείᾳ τῶν ἀνθρώπων , ἐν πανουργίᾳ πρὸς τὴν μεθοδείαν τῆς πλάνης ·	κυβευταὶ λόγων λέγονται · οἱ ποτε μὲν τοῦτο · ποτὲ δὲ ἐκεῖνο διδάσκοντες · καὶ μετα βαίνοντες ἀεὶ · ἀπὸ τούτου εἰς τοῦτο πανούργως · τοιοῦτοι οἱ αἱρετικοί · οἱ δὲ τοιοῦτοι φησι · καὶ πανοῦργοι πρὸς τὸ μεθοδον ἐυρεῖν καὶ πρόφασιν πλάνης · πάντα πρὸς τὸ ἀπατῆσαι μηχανώμενοι .
154ex	107r	Eph.4.14	*		κύβειαν τὴν πανουργίαν καλεῖ πεποίηται δὲ ἀπὸ τοῦ κυβεύειν τὸ ὄνομα · ἰδιον δὲ τοὖτο το τῇ δὲ κακεῖ σε μετα φέρειν τοὺς ψήφους πανευργεομένους .
155	107r	Eph.4.14-Eph.4.15	νε	ἀληθεύοντες δὲ ἐν ἀγάπῃ αὐξήσωμεν εἰς αὐτὸν τὰ πάντα , ὅς ̓στιν ἡ κεφαλή , ὁ χριστός ,	ἐκεῖνοι μὲν νόθα φησὶν καὶ ψευδῆ διδάσκουσιν περὶ ὦν ὁ λόγος · ἡμεῖς δὲ , ἀληθεύτες ἔντε δόγμασι καὶ βίῳ καὶ λόγῳ ἐν ἀγάπη · ἄλλως γὰρ οὐκ ἔνι ἀληθέυειν , αὐξήσωμεν καὶ ἐποικοδομήσωμεν εἰς τὸν χριστὸν τὴν κεφαλὴν ἡμῶν πάντα τὰ ἡμῶν καὶ βίον καὶ λόγον καὶ δόγματα .
156	107r	Eph.4.15-Eph.4.16	νϛ	ἐξ οὗ πᾶν τὸ σῶμα συναρμολογούμενον καὶ συμςβιβαζόμενον διὰ πάσης ἁφῆς τῆς ἐπιχορηγίας , κατ’ ἐνέργειαν ἐν μέτρῳ ἑνὸς ἑκάστου μέρους ,	καθάπερ ἐπὶ τῶν ἡμετέρων σωμάτων τὸ πνευμᾶ τὸ ζωτικὸν τὸ ἀπ’ ἐγκεφάλου διὰ τῶν εὐρῶν κατιὸν · οὐχ ἁπλῶς πᾶσιν ἐμπνεῖ τοῖς μέλεσιν δύναμιν · ἀλλὰ τῷ μὲν πλεῖόν δέξασθαι δυναμένω τόπω , πλεῖον δίδωσι · τὸ δὲ ἔλαττον , ἔλαττον · ὅυτως καὶ ὁ χριστὸς · καθάπερ γὰρ μελῶν τῶν ἡμετέρων ψυχῶν αὐτοῦ καὶ εἰς αὐτὸν ἀποκεκρεμαναι . ἡ πνευματικὴ αὐτοῦ δύναμις καὶ ἡ τῶν χαρισματων διανομὴ κατὰ ἀναλογίαν ἑνὸς ἐκάστου αὐτοῦ μέλους προσαπτομένη , τὴν αὔξησιν ποιεῖται τῆς πνευματικῆς ἡλικίας · διὰ τῆς ἁφῆς φησι τῆς ἐπιχορηγίας · τουτέστιν διὰ τῆς ἐν τῇ ἁφῇ καὶ οἷον ἐρευνῃ τοῦ ἐπιτηδείου ἐπιχορηγίας γινομέναι · ἐκεῖνη γὰρ ἡ ἀπὸ χριστοῦ κατιοῦσα πνευματικὴ δύναμις · ἑνὸς ἐκάστου μέλους αὐτοῦ ἁπομένη ὅυτως ἐνεργεῖ · ὡς ἂν ἕυρη τινὰ πρὸς ὑποδοχὴν ἐπιτή δειον · ὡσει ἐλεγεν · τὰ μέλη τοῦ χριστοῦ ἡμεῖς φησι οἱ ἄνθρωποι κατὰ τὴν ἀναλογίαν τοῦ οἰκείου πνευματικοῦ μέτρου δεχόμενοι τὴν ἀπὸ χριστοῦ ἐπιχορηγίαν αὔξομεν · τὸ γὰρ πνευμᾶ ἄνωθεν ἐπιρρέων ἀπὸ τοῦ χριστοῦ ἀφθόνως καὶ χορηγόυμενον πάντων ἐφαπτόμενον τῶν εἰς μέλη τελούντων χριστοῦ πρὸς τὴν ἀναλογίαν τῆς ἐκάστου δυνάμεως τὴν αὐξησιν ποιεῖται · καλῶς δὲ προσέθηκεν ἐν ἀγάπῃ . ἄνευ γὰρ ταύτης . οὐκ ἂν εἰς τινα καταβαίη τὸ πνευμᾶ τὸ ἅγιον .
156ex	107r	Eph.4.16
156Ph	107r	Eph.4.16	*		ἐξ οὗ πᾶν τὸ σῶμα : ἤγουν οἱ πιστοί , συναρμολογούμενον καὶ συμβιβαζομενον τὴν αὔξησιν τὴν ἰδίαν ποιεῖται ἐπὶ ἰδίᾳ οἰκοδομῇ καὶ τελειοτητι , ἀλλ’ οὐχὶ ἑτέρου τινὸς χάριν . τὸ δὲ ἐν ἀγάπῃ , ὅτι οὐδ’ ἄλλ’ ὅτι τῶν καλῶν χωρὶς ἀγάπης συνίσταται καὶ τελειοῦται , μάλιστα δὲ ἡ κατὰ πίστιν ἑνοτης καὶ ἁρμολογία . ἀλλὰ πῶς ἁρμολογοῦνται καὶ συμβιβάζονται οἱ πιστοί ; διὰ πάσης ἁφῆς , φησίν , ἵνα μὴ ὁ μὲν τῷδε συνάπτηται , ὁ δὲ τῶδε , ἀλλὰ πάντες πᾶσιν · διὰ γὰρ πάσης συναφῆς · ἡ κοινὴ τοῦ σώματος παντὸς αὔξησις γίνεται . αὕτη δὲ ἡ ἁφὴ · καὶ συνάφεια ποθεν φύεται ; τῆς ἐπιχορηγίας ἐστὶ τοῦ Χριστοῦ , φησίν · ἐπιχορηγίας δὲ , ὅτι μετὰ τῶν ἄλλων αὐτοῦ εὐεργεσιῶν · καὶ τὴν ἀλλήλων συνάφειαν ἐπιχορηγεῖ . κατ’ ἐνέργειαν δὲ , ὅτι οὐ μονον τὸ ἐπιτηδείως ἔχειν πρὸς τὴν συνάφειαν , ἀλλὰ καὶ αὐτὸ τὸ συνάπτεσθαι · τῆς αὐτοῦ ἐπιχορηγς ἐστίν . τὸ δε ἐν μέτρῳ ἑνὸς ἑκάστου μέρους , ἵνα μὴ ἀκούσας ὅτι αὐτὸς ἡμᾶς ἀλλήλοις συναρμολογεῖ , αὐτὸς ἐπιχορηγεῖ καὶ τὴν κατ’ ἐνέργειαν συνάφειαν , τῆς αὐτοῦ ἐστι δωρεᾶς καὶ ἐπιχορηγίας ἅπαντα · ἵνα μὴ ταῦτα λογισάμενος αὐτὸς εἰς ῥᾳθυμίαν ἀποκλίνῃς ὡς πάντα ἔχων ἐκεῖθεν προῖκα . προστίθησι ταῦτα , ὅτι εἰ καὶ προῖκα ἐπιχορηγεῖται , ἀλλὰ κατὰ τὸ μέτρον τῆς ῥαθυμίας ἑνὸς ἑκάστου τῶν δεχομέων · ἡ διανέμησις γινεται .
157	107v	Eph.4.16	νζ	τὴν αὔξησιν τοῦ σώματος ποιεῖται εἰς οἰκοδομὴν ἑαυτοῦ	αὔξων γὰρ τὴν ἐκκλησίαν ὁ χριστὸς πμευμαυτικῶς τε καὶ αἰσθητῶς , ἑαυτὸν οἰκοδομεῖ · ἐπειδὴ τὸ ἴδιον αὐξει σῶμα · καλῶς δὲ τὸ ἐν αγάπῃ · ἄνευ γὰρ τοῦ ταύτην ἡμῖν προς εῖναι , οὐδὲν ἡμῖν τούτων ἔσται .
157ex	107v	Eph.4.16
158	107v	Eph.4.16-Eph.4.17	νη	τοῦτο οὗν λεγώ καὶ μαρτύρομαι ἐν κυρίῳ , μηκέτι ὑμᾶς περιπατεῖν , καθὼς καὶ τὰ λοιπὰ ἔθνη περιπατεῖ	ἐχρῆν μὴ μόνον διὰ τοῦ παραινεῖν ἀλλὰ καὶ διὰ τοῦ φοβεῖν καὶ τῷ θεῷ παραδιδόναι τὴν διδασκαλίαν ἐργάζεσθαι · μαρτύρομαι φησιν ἐν κυρίω · τουτέστιν μάρτυρα τὸν κυριόν καλῶ ὅτι εῖπον τί δεῖ ὑμᾶς πράττειν · ὅρα δὲ σοφίαν · οὐκ εἶπεν μηκέτι ὑμᾶς περιπατεῖν καθὼς περιπατεῖτε · ἔπληξεν γὰρ ἄν · ἀλλὰ τοῦτο μὲν , ἐδήλωσεν · ἀπὸ δὲ ἑτέρων ἤγαγεν τὸ παράδειγμα ·
159	107v	Eph.4.17	νθ	ἐν ματαίοτητι τοῦ νοὸς αὐτῶν ,	εἰς τὸ μὴ περὶ τὰ μάταια ἀσχολεῖσθαι τὸν νοῦν ὑμῶν .
160	107v	Eph.4.17-Eph.4.18	ξ	ἐσκοτισμένοι τῇ διανοίᾳ , ὄντες ἀπηλλοτριωμένοι τῆς ζωῆς τοῦ θεοῦ	τὸ γὰρ πλῆθος τῶν βιωτικῶν ἁμαρτιῶν · τὸ διορατικὸν τῆς διανοίας ἐπισκοτίζον , ἰδεῖν οὐκ ἐτᾶ τὸν ἥλιον τῆς δικαιοσύνης χριστόν · ἔνθεν γίνεται ἣ πώρωσις τῆς καρδίας ὅπερ παρακατιών φησιν · οἷον εἰπήρωσις τις οὖσα καὶ ἀναισθησία · τὸ γὰρ ἐσκοτισμένον ἀναίσθητον .
160Ph	107v	Eph.4.18
161	107v	Eph.4.18	ξα	διὰ τὴν ἄγνοίαν τὴν οὖσαν ἐν αὐτοῖς ,	εἰ οὖν ἀγνοσῦσι φησι καὶ εἰ πεπώρωνται , οὐκ ἄξιοι ἐγκλημάτων εἰσὶ καὶ τιμωριῶν , ἀλλὰ μάλλον τοῦ μαθεῖν · ἀλλ’ ὅρα πῶς αὐτῶν ἀφαιρεῖται τὴν συγγνώμην · οἵτινες φησιν ἀπηλγηκότες ἑαυτὸυς παρἐδωκαν τῇ ἀσελγεία εἰς ἐργασίαν ἀκαθαρσίας πάσης · δείκνυσι γὰρ ὅτι τῆς ἁγνόιας καὶ τῆς πωρώσεως ὁ βίος αὐτοῖς αἴτιος · ὁ δε βίος , ἐξ οἰκείας γέγονε ῥαθυμίας καὶ ἀναλγησίας · ἑαυτοὺς γὰρ φησι παρέδωκαν · ὅταν οὗν εἰς τὴν πρὸς ῥωμαίους εὐρης παρέδωκεν αὐτοὺς ὁ θεὸς εἰς ἀδόκιμον νοῦν , κατὰ τὴν ενταῦθα διάνοιαν αὐτὸ νόει · συνεχώρησεν γὰρ ὁ θεὸς παραδοθῆναι αὐτοὺς ἐπόιησαν .
162	107v	Eph.4.18	ξβ	διὰ τὴν πώρωσιν τῆς καρδίας αὐτῶν ·	διὰ τὴν ἀναισθησίαν · ἀναισθησίαν γὰρ φέρει τοῦ φωτὸς ἡσκότωσις . τῷ μὴ ἔχειν ἐν ἑαυτοῖς φόβον θεοῦ .
162ex	107v	Eph.4.19	*	οἵτινες ἀπηλγηκότες ἑαυτοὺς	εἰς τὸν παράνομον γὰρ ἐξωκείλαντες βίον · κατὰ βραχὺ τὴν ἀναλγησιν ἀν ἐνόσησαν .
163	107v	Eph.4.19	ξγ		οἷον ἀναλγηκότως ἐσχηκότες καὶ ῥαθυμήσαντες · καὶ καμεὶν μὴ βουληθέντες πρὸς εὕρεσιν τοῦ καλοῦ .
164	107v	Eph.4.19	ξδ	παρέδωκαν τῇ ἀσελγείᾳ ,	πῶς γὰρ ὁ ἐν ἀσελγείᾳ ἐξεταζόμενος δυνηθεί ἡγνῶναι θεόν · οὐκ οὖν ἡ αἰτία τῆς ἀγνόιας , ἡ ἀσέλγεια ἥτις κατὰ γνώμην ἁμαρτάνεται .
164Ph	107v	Eph.4.19	φωτ		ἢ ὅτι δυσὶν ἑαυτοὺς παρέδωκαν πάθεσιν , ἐπιπολάζοντα μᾶλλον τῶν ἄλλων ἁμαρτιῶν · ἢ ὅτι τὴν ἀσέλγειαν καὶ ἀκαθαρσίαν ἁπλῶς ἐν πλεονεξίᾳ , τουτέστι καθ’ ὑπερβολὴν καὶ ἀνενδοτως εἰργάσαντο .
165	107v	Eph.4.19	ξε	εἰς ἐργασίαν ἀκαθαρσίας πάσης ἐν πλεονεξίᾳ .	ὡς ἔργω φησι τὸ ἀσελγαίνειν ἐχρήσαντο καὶ πλεονεκτεῖν · ἄρα οὐκ ἐξ ἦν αὐτοῖς μὴ ἀσελγαίνειν ; μὴ πλεονεκτεῖν ; παντί πουδῆλον · ὁρᾶς ὅτι παρ’ αὐτῶν γέγονεν ἡ τύφλωσις ;
166	107v	Eph.4.19-Eph.4.21	ξϛ	ὑμεῖς δὲ οὐχ οὕτως ἐμάθετε τὸν χριστὸν , εἴγε αὐτὸν ἠκούσατε	οὐκ ἐπὶ τούτῳ φησὶν τῷ ὅρῳ ὥστε τὰ ὅμοια ποιεῖν ἐκείνοις · τὸ δὲ εἴγε αὐτὸν ἠκούσατε , ὁ ἅγιος ἰωάννης βεβαιότερον ἐδέξατο . Καθώς φησιν αὐτὸν ἠκούσατε · δύναται δὲ τις καὶ ἐναμφιβολίᾳ αὐτὸ δέξασθαι · ἵνα μᾶλλον αὐτοὺς πλήξη · ὡσεὶ εἶπεν · ἀμφιβάλλω γὰρ εἴ τις τὸν χριστὸν ἀκούσας ὡς διδαχθεὶς ἐν αὐτῷ τοιαῦτα πράττει .
167	107v	Eph.4.21-Eph.4.22	ξζ	καὶ ἐν αὐτῷ ἐδιδάχθητε , καθώς ̓στιν ἀλήθεια ἐν τῷ ἰησοῦ · ἀποθέσθαι ὑμᾶς , κατὰ τὴν προτέραν ἀναστροφήν , τὸν παλαιὸν ἄνθρωπον ,	τὸ καθώς ἐστιν ἀλήθεια ἐν τῷ ἰησοῦ . δύνη καὶ τῷ ἄνῳ ἁρμόσαι · οἷον καὶ ἐν αὐτῷ ἐδιδάχθητε · τί ἐδιδάχθημεν · καθώς φησιν ἐστιν ἀλήθεια ἐν αὐτῷ ἀλήθειαν λέγων τὴν δικαιοσύνην · ψευδός γὰρ ἐστιν ἁμαρτία · καθὼς οὖν ἐστιν ἐν αὐτῷ ἀλήθεια , ὅυτως καὶ ὑμεῖς ἐδιδάχθητε · κατὰ γὰρ αὐτὴν ἐδιδάχθητε · δύνη δὲ καὶ τῷ επομένῳ ἁρμόσαι αὐτό · καὶ ἐν αὐτῷ ἐδιδάχθητε καθώς ἐστιν ἀλήθεια ἐν τῷ ἰησοῦ ἀποθέσθαι ὑμᾶς · τοῦτο γὰρ ἐδιδάχθητε · καὶ αὐτό ἐστιν ἡ ἐν τῷ ἰησοῦ ἀλήθεια τὸ ἀποθέσθαι ὑμᾶς κατὰ τὴν προτέραν ἀναστροφὴν τὸν παλαιὸν ἄνθρωπον τὸν ἐν ἁμαρτίαις .
167ex	107v	Eph.4.22	ξη		παλαιὸν ἄνθρωπον οὐ τὴν φύσιν ὠν οὐρανούσεν ἀλλὰ τὴν τῆς ἁμαρτίας ἐνέργειαν .
167Ph	107v	Eph.4.22
167Ph2	107v	Eph.4.22
168	107v	Eph.4.22		τὸν φθειρόμενον κατὰ τὰς ἐπιθυμίας τῆς ἀπάτης ·	τὸ κατὰ τὰς ἐπιθυμίας , ἀντὶ τοῦ διὰ τῶν ἐπιθυμιῶν κεῖται · δι’ αὐτῶν γὰρ φθείρεται ὁ ἄνθρωπος ὥσπερ τὸ ἔριον δι’ ὧν τί κτεισητῶν · φθείρεται δὲ ἐν τῇ γεέννῃ · καὶ ἐν τῷ νῦν βίῳ · αἱ γὰρ ἀκολασίαι . οὐ μόνον τῆς ψυχῆς εἰσι φθαρτικαί · ἀλλὰ καὶ τοῦ σώματος · φθείρονται δὲ καὶ αἱ ἐπιθυμίαι , νόσῳ καὶ χρόνῳ καὶ τὸ τελευταῖον θανάτῳ · ὡς καὶ αὐτὸς ὁ τὰς ἐπιθυμίας τίκτων ἄνθρωπος · καλῶς δὲ τὴν ἐκ τῶν ἐπιθυμιῶν ἀποτελουμένην ἁμαρτίαν , ἀπάτην ἐκάλεσεν · ἀπάτη γὰρ καὶ οὐ κυρίως ἡδονή .
169	107v	Eph.4.22-Eph.4.23	ξθ	ἀνανεοῦσθαι δὲ τῷ πνεύματι τοῦ νοὸς ὑμῶν ,	̓ἀνανεοῦσθαι δὲ διὰ τοῦ ἁγίου πνευματός τοῦ ὄντος ἐν τῶν ᾧ ὑμῶν · τὸ γὰρ πνευμᾶ παλαιῶν οὐκ ἀνέχεται πράξεων · καλῶς δὲ τὴν τοιάυτην ἀνακαίνισιν ἐν πνευματικι γίνεσθαι λέγει · οὐ γὰρ σωματικῶς ἄλλοι ἀντάλλων γινόμεθα · ἀλλὰ διὰ πνευματὸς ἡ ἀνακαίνησις · μετανοίας ἡγουμένης · καὶ τὸ γήρας τῶν ἁμαρτιῶν ἀποζυούσης .
170	108r	Eph.4.24	ο	καὶ ἐνδύσασθε ·	ἐνεδύσασθε φησιν ἐν τῷ βαπτίσματι · ἐνδύσασθε καὶ διὰ μετανοίας καὶ πολιτείας χρηστῆς .
171	108r	Eph.4.24	οα	τὸν καινὸν ἄνθρωπον ,	ὁρᾶς ὅτι ἑκούσιον ἐστι τὸ πρᾶγμα καὶ μᾶλλον εὐχερές ; καινὸν δὲ ἄνθρωπον φησι · τὸν ἐν ἀρετῇ διαζῶντα ὥσπερ παλαὶον , τὸν ἐν ἁμαρτίαις .
172	108r	Eph.4.24	οβ	τὸν κατὰ θεὸν κτισθέντα ἐν δικαιοσύνῃ καὶ ὁσιότητι	ὁ γὰρ ἐν ἀρετῇ ζῶν , κατὰ θεὸν ἕκτισται καὶ κατὰ θεὸν πολιτέυεται · δικαιοσύνη δὲ . ἡ καθολικὴ λέγεται ἀρετῆ · ὁσιότης δὲ , ἡ καθαρότης .
173	108r	Eph.4.24	ογ	τῆς ἀληθείας .	ἦν καὶ παρὰ ἰουδαίοις δικαιοσύνηκαὶ ὁισίοτης · ἀλλὰ τυπική . περὶ γὰρ σώματος κάθαρσιν ἠσχόλητο · ἀλλὰ μὴ ταύτην · ἀλλὰ τὴν ἐν ψυχῇ δικαιοσύνην καὶ ὁσίοτητα ἐνδύσασθε · αὔτη γὰρ ἡ τῆς ἀληθείας · ἤν δικαιοσύνην ἀληθείας λέγει , πρὸς ἀντι διαστολὴν τῆς ἐν ὑποκρίσει .
174	108r	Eph.4.25	οδ	διὸ ἀποθέμενοι τὸ ψεῦδος λαλεῖτε ἀλήθειαν ἕκαστος μετὰ τοῦ πλησίον αὐτοῦ · ὅτι ἐσμὲν ἀλλήλων μέλη .	εἶπεν τὸν παλαιὸν ἄνθρωπον καθολικῶς · λοιπὸν καὶ ἰδικῶς αὐτὸν διαγράφει · καὶ πρῶτον αὐτοῦ τὸ ψεῦδος ἀποκρύπτει ὡς ἀπὸ οἰκείων μελῶν · ὡσεὶ εἶπεν · μὴ , ὀφθαλμὸς ἰδὼν θηρίον οὐδίδωσι φυγεῖν τοῖς ποσίν ; ἢ χείρψηλα φήσασα τι πονηρὸν , ψεύδεται τὰ λοιπὰ μέλη ; ὅυτως φησι καὶ ὑμᾶς χρὴ διακεῖσθαι .
175	108r	Eph.4.26	οε	ὀργίζεσθε καὶ μὴ ἁμαρτάνετε · ὁ ἥλιος μὴ ἐπιδυέτω ἐπὶ τῷ παρουργισμῷ ὑμῶν ·	εἶπεν μὴ ψεύδεσθε · ἐπὲι οὖν πολλάκις τίς ψευδόμενος , ὀργῆς πρόφασιν παρεῖχε φησι · καλὸν μὲν τὸ μὴ ὀργίζεσθε καθόλου · εἰ δὲ συμβῇ τὸ τοιοῦτο . κἂν μὴ πρὸς τὴν ἁμαρτίαν ἐξαχθῆτε , μὴ δὲ παραμενέτω ὑμῖν ἐπὶ πολὺ τὸ πάθος · ἔνι γὰρ ὡς λέγοι τίς ὀργῆς δικαίας πρὸς ὥραν ἐμπλησθῆναι · λύσον δὲ αὐτὴν πρὸ ἡλίου δύσεως διά τε τὸ μὴ δόξαι ἐπὶ ἀναξίοις ἀνατεταλκέναι τὸν ἥλιον · καὶ ἵνα μὴ ἡ νὺξ διὰ τῶν ἐν νοιῶν χαλεπωτέραν ἐργάσηται τὴν πυράν .
176	108r	Eph.4.27	οϛ /Οικουμενιου	μηδὲ δίδοτε τόπον	ἥκουσα τινων ἑρμηνεσάντων , μία φησὶν ἀναμάρτητος ὀργὴ ἡ πρὸς τοὺς δαίμονας καὶ τὰ πάθη .
176ex	108r	Eph.4.27	Οικουμενιου		ἢ ὅτι τοῦ ἄνω ἤρτηται · μὴ ἐπιδυέτω φησὶν ὁ ἥλιος ἐπὶ τῷ παροργισμῷ ὑμῶν · ἵνα μὴ δῶτε χώραν τῷ διαβόλῳ διὰ τῶν κατὰ τὴν νύκτα λογισμῶν . πλεόν ὑμᾶς ἐκ κάλειν κατὰ τῶν ἀδελφῶν .
177	108r	Eph.4.27	οζ	τῷ διαβόλῳ .	ὥστε τὸ ἀλλήλους πολεμεῖν , τόπον ἐστὶ τῷ διαβόλῳ διδόναι καθ’ ἡμῶν αὐτῶν .
178	108r	Eph.4.28	οη	ὁ κλέπτων μηκέτι κλεπτέτω ·	ἰδοὺ τὰ μέλη τοῦ παλαιοῦ ἀνθρώπου · ποῦ δὲ νῦν εἰσιν οἱ ῥύπου γένοντες · ἑαυτὸυς δὲ καθαροὺς ἐπικαλοῦντες . καὶ τὴν μετάνοιαν μὴ δεχόμενοι · ἰδοὺ γὰρ φανερῶ ἀκούουσιν · ὁ κλέπτων μὴκετι κλεπτέτω .
179	108r	Eph.4.28	οθ	μᾶλλον δὲ κοπιάτω , ἐργαζόμενος τὸ ἀγαθόν ταῖς χερσίν , ἵνα ἔχῃ μεταδιδόναι τῷ χρείαν ἔχοντι .	οὐ γὰρ ἀρκεῖ παύσασθαι ἁμαρτίας τὸν μετανοοῦντα , ἀλλὰ καὶ τὴν ἐν αντίαν αὐτοῖς ὁ δευτέον αὐτῷ · κοπίατω δὲ εἰπὼν , τὸ ἐπίπονον τοῦ ἔργου ἐδήλωσεν · τὸ ἀγαθόν φησιν · καὶ γὰρ ὁ κλέπτων , ἐργάζεται , ἀλλὰ κακόν .
180	108r	Eph.4.28-Eph.4.29	π	πᾶς λόγος σαπρὸς ἐκ τοῦ στόματος ὑμῶν μὴ ἐκπορευέσθω ,	σαπρὸν ἢ τὸν ἀργὸν καὶ εἰκαῖον καλεῖ , ἢ τὸν σεσηπότα καὶ δυσώδη · τί γὰρ λοιδορίας . καταλαλιᾶς · αἰσχρολογίας εὐτραπελίας , δυσωδέστερον ἢ πλεόν σεσηπός .
181	108r	Eph.4.29	πα	ἀλλ’ ἔι τις ἀγαθὸς πρὸς οἰκοδομὴν τῆς χρείας ,	τῆς παρόυσης φησὶν περὶ ἧς ἡδιάλεξις · δεῖ γὰρ τὸν πνευματικὸν ἄνθρωπον πᾶσαν προκειμένην διάλεξιν περιτρέπειν εἰς οἰκοδομὴν τῶν συμπαρόντων .
181ex	108r	Eph.4.29	*	ἵνα δῷ χάριν τοῖς ἀκούουσιν .	ἵνα δῶ χάριν θεοῦ φησὶ τοῖς ἀκούουσιν · ἢ ἵνα χάριν σοι εἴσωται ἐφ’ οῖς λαλεῖς · ἢ ἵνα εὐχαρὶς αὐτοῖς γένη πνευματικός · ἔσται δε τοῦτο , ἐὰν περὶ σωφροσύνης · περὶ δικαιοσύνης · περὶ ἐλεμοσύνης λαλεῖς .
182	108r	Eph.4.29-Eph.4.30	πβ	καὶ μὴ λυπεῖτε τὸ πνεῦμα τὸ ἅγιον τοῦ θεοῦ , ἐν ᾧ ἐσφραγίσθητε εἰς ἡμέραν ἀπολυτρώσεως .	φοβερόντι λέγει · δείκνυσι γὰρ ὅτι πᾶς ὁ σαπρὸν λόγον λαλῶν , λυπεῖ τὸ πνευμᾶ τὸ ἅγιον · εἶτα καὶ ἐκ τῆς ἐυεργεσίας τοῦ πνευματός · φοβερώτερον τὸν λόγον ποιεῖ · ἐν ᾧ φησιν ἐσφραγίσθητε .
182ex	108r	Eph.4.30
183	108r	Eph.4.30-Eph.4.31	πγ	πᾶσα πικρία καὶ θυμὸς καὶ ὀργὴ καὶ κραυγὴ καὶ βλασφημία ἀρθήτω ἀφ’ ὑμῶν , σὺν πάσῃ κακίᾳ ·	πικρίαν μὲν λέγει , τὴν δεινότητα καὶ τὴν κατασκευήν · ὁ δὲ θυμὸς . γεννητικός ἐστι τῆς ὀργῆς · ἐκ δὲ τῆς ὀργῆς , ἡ κραυγὴ πρόεισιν · ἐκ δὲ ταύτης , ἡ βλασφημία οἶον ἡλοι δορία · ταῦτατοι γὰρ οὖν ἄπαντα ἄρθήτω ἀφ’ ὑμῶν · οὐ λέγει κατεχέσθω ἠκολαζεσθω · ἀλλὰ τὴν παντελῇ αὐτῶν δηλῶν ἀναίρεσιν , ἀρθήτω φησὶν σὺν πάσῃ κακίᾳ · ἐπειδὴ γὰρ εἰσίν ἄνθρωποι ὥσπερ τῶν κυνῶν οἱ λαθροδάκται οἳ οὔτε κράζουσιν οὔτε δήλην ποιοῦσι τὴν ὀργὴν · ἀλλὰ κατὰ ψυχὴν ἔχοντες , ἀμύνονται ἐν καιρῷ τὸν λυπησάντα · βούλεται καὶ τὴν ἐνδομυχοῦσαν κακίαν αἴρεσθαι καὶ ἐξορίζεσθαι .
184	108v	Eph.4.32	πδ	γίνεσθε δὲ εἰς ἀλλήλους	οὐδὲ γὰρ ἀρκεῖ μόνη τῶν κακῶν ἡ ἀποχὴ ἀπαλλέξαι τιμωρίας . εἰ μὴ καὶ ἀγαθόν τις πρὸς ἐργάσηται · καὶ τοῦτο δηλοῦσιν οἱ ἐξ ευώνυμων · οἳ οὐδὲν ἐγκαλοῦνται κακόν · ἀλλ’ ἢ ὅτι μὴ ἔθρεψαν καὶ ἐπότισαν · καὶ ἐσκέπασαν · ἅπερ ἐστι τῶν καλῶν ἐργασία · δεῖ οὖν ἡμῖν καὶ καλῶν ἐργασίας · διὸ τὰ φαῦλα ἀνελὼν ὁ παῦλος , ἐπὶ τὴν τῶν ἀγαθῶν ἐργασίαν παρακαλεῖ .
185	108v	Eph.4.32	πε	χρηστοί , εὔσπλαγχνοι , χαριζόμενοι ἑαυτοῖς ,	χρηστὸι ὡς πρὸς ἀντιδιαστολὴν τῆς ὀργῆς · ἔυσπλαγχνοι , ὡς πρὸς ἀντι διαστολὴν τῆς πικρίας · τὸ δὲ χαριζόμενοι ἑαυτοῖς ὅ ἐστι συγγνωμονικοὶ γίνεσθε , πρὸς ἀντι διαστολὴν τῆς κακίας καὶ βλασφημίας τέθεικεν .
186	108v	Eph.4.32	πϛ	καθὼς καὶ ὁ θεὸς ἐν χριστῷ ἐξαρίσατο ὑμῖν .	μεγίστη μὲν προτροπὴ πρὸς τὸ χαρίζεσθαι ἑαυτοῖς τὸ εἰπεῖν τὸν χριστὸν ἀφετε καὶ ἀφεθήσεται ὑμῖν · ἀλλ’ ἐπειδὴ πολλοὶ οὐ σφὸδρα τοῖς , μέλλουσιν πιστέυουσιν , ἀπὸ τῶν προ ὑπηργμένων ποιεῖται τὴν παράκλησιν · χαριζόμενοι γὰρ φησιν ἑαυτοῖς καθὼς καὶ ὁ θεὸς ἐν χριστῷ ἐχαρίσατο ὑμῖν · τι ἐστιν ἐν χριστῷ · τουτέστιν μετὰ κινδύνου τοῦ ὑιοῦ αὐτοῦ · διὰ τῆς σφαγῆς αὐτοῦ καὶ τοῦ σταυροῦ · καὶ σὺ μὲν φησιν , ἀκινδύνως χαρίζῃ . ὁ δὲ θεὸς μετὰ τοῦ θανάτου τοῦ υἱοῦ αὐτοῦ διὰ τῆς σφαγῆς αὐτοῦ καὶ τοῦ σταυροῦ ἐχαρίσατο ὑμῖν · ὁρᾶς ὑπερβολήν .
187	108v	Eph.4.32-Eph.5.1	πζ	γίνεσθε οὖν μιμηταὶ τοῦ θεοῦ ,	ἀρκεῖ τοῦτο πρὸς μισθὸν τῷ χαριζομένῳ . τὸ γενέσθαι μιμητὴν τοῦ θεοῦ .
188	108v	Eph.5.1	πη	ὡς τέκνα ἀγαπητά ·	ἰδοὺ καὶ ἄλλη πρὸς τὸ χαρίζεσθαι προτροπὴ · μᾶλλον δὲ ἀνάγκη ἀνάγκην γὰρ ἔχετε φησιν · μιμεῖσθαι τὸν πατέρα ὑμῶν · εἶτα ἐπειδὴ μὴ πάντα τὰ τέκνα μιμεῖται τὸν πατέρα πρόσεθηκεν τὸ ἀγαπητά · τοῖς γὰρ τοιόυτοις καὶ ἐξ ἀνάγκης τινὸς ἡ μίμησις .
189	108v	Eph.5.1-Eph.5.2	πη	καὶ περιπατεῖτε ἐν ἀγάπῃ , καθὼς καὶ ὁ χριστὸς ἠγάπησεν ἡμᾶς , καὶ παρέδωκεν ἑαυτὸν ὑπὲρ ἡμῶν προσφορὰν καὶ θυσίαν τῷ θεῷ εἰς ὀσμὴν εὐωδίας .	ἰδοὺ πάντων τῶν καλῶν ἡ ῥίζα · τάυτης γὰρ ὄυσης καὶ ἡφυγὴ τῶν κακῶν καὶ ἡ ποίησις τῶν ἀγαθῶ εὐχερῶς κατορθοῦνται · καθώς φησιν ὁ χριστὸς ἡγάπησεν ἡμᾶς · καίτοι οὐκ ἔστιν ὃμοιον τῆς τοῦ χριστοῦ ἀγάπης τὸ ἡμέτερον · ὁ μὲν γὰρ ἐχθροὺς ὅντας ἡμᾶς ἡγάπησεν , σὺ δὲ φησιν τοῦτο · κἂν εἶς τοὺς πλησίον ἐπίδειξαι · καὶ ὁ μὲν χριστὸς , ἑαυτὸν εἰς θάνατον παρέδωκεν , σὺ δὲ , ἀκίνδυνος καὶ ἀζήμιος ἔσται ἡ πρὸς τὸν πλησίον ἀγάπη · εἰ δὲ ἐχθροὺς ἀγαπήσεις , κατὰ μίμησιν τοῦ χριστοῦ . γενή καὶ σὺ θυσία τῷ θεῷ καὶ προσφορὰ εἰς ὀσμὴν εὐωδίας λογιζομένη · ὅυτως ὁ χριστὸς γέγονεν · ὅυτως καὶ ἡμεῖς εἂν θελήσωμεν , ἐσόμεθα .
190	108v	Eph.5.3	ϛ	πορνεία δὲ καὶ πᾶσα ἀκαθαρσία ἢ πλεονεξία	εἰπεν περὶ τοῦ θυμικοῦ πάθους τοῦ θυμοῦ καὶ τῆς ὀργῆς καὶ τῆς πικρίας . ἢλθεν λοιπὸν εἰς τὸ ἐπιθυμητικὸν τῆς πορνείας · καὶ γὰρ καὶ ὁ νόμος πρῶτον εἰπὼν οὐ φονέυσεις ὅ πέρ ἐστι τοῦ θυμικοῦ . τότε εἶπεν · οὑ μοιχέυσεις ὅπερ τοῦ ̓πιθυμητικοῦ καθέστηκεν · καθάπερ γὰρ ἡ πικρία καὶ ἡκραυγὴ καὶ ἡ κακία καὶ ἡ βλασφημία τοῦ θυμικοῦ πάθους ἐστὶν , ὅυτως τοῦ ἐπιθυμητικοῦ , πορνεία , ἀκαθαρσία · εἰ γὰρ καὶ μὴ σωμάτων , χρημάτων μέντοι ἐπιθυμεῖ .
191	108v	Eph.5.3	ϛα	μηδὲ ὀνομαζέσθω ἐν ὑμῖν ,	̃οἶδεν γὰρ τοὺς περὶ τούτων λόγους ὑπεκκαύμα καὶ προτροπὰς τῶν ἔργῶν γινομένους .
192	108v	Eph.5.3	ϛβ	καθὼς πρέπει ἁγίοις ·	ὅυτω γὰρ πρέπει τοῖς ἁγίοις εἶναι σπουδάζουσιν .
193	108v	Eph.5.3-Eph.5.4	ϛγ	καὶ αἰσχρότης , καὶ μωρολογία , ἢ εὐτραπελία ,	ὥσπερ ἄνω τὴν κραυγὴν περιεῖλεν · ὄχημα τῆς ὀργῆς ὑπάρχουσαν , ὅυτως νῦν τὴν αἰσχρολογίαν καὶ τὴν εὐτραπελίαν καὶ μωρολογίαν , ὑπέκκαυμα τῆς πορνείας τυγχάνουσαν .
194	108v	Eph.5.4	ϛδ	τὰ οὖκ ἀνήκοντα ·	ἵνα μὴ δόξη φορτικός τις εἶναι · καὶ τὴν ἐτραπελίαν ἐκκόπων . ἐπάγει · τὰ μὴ ἀνήκοντα φησιν · τί γὰρ πρὸς ἡμᾶς ταῦτα · οὐδὲν κοινὸν ἡμῖν πρὸς αὐτά · οὐ γὰρ γέλωτος ἢ εὐτραπελίας ὁ παρὼν καιρὸς . ἀλλὰ πένθους καὶ ἀγῶνος · ὡσεὶ ἔλεγεν · ἐφέστηκεν ὁ δίαβολος πάντοθεν τρίζων τοὺς ὀδόντας καθ’ ἡμῶν καὶ ὠρυόμενος καὶ σὺ παίζεις καὶ ἀστεῖας λαλεῖς ; καὶ πῶς αὐτοῦ περιέστη . δυσχερὲς γὰρ ἀγωνιζόμενον αὐτοῦ περιγενέσθαι · μὴ τι γεπαίζοντα .
195	108v	Eph.5.4	ϛε	ἀλλὰ μᾶλλον εὐχαριστία .	ἀνθῶν γὰρ τὰ ἀλλό τρία σου μὴ φθέγγη , εὐχαρίστει τῷ θεῷ .
196	108v	Eph.5.4-Eph.5.5	ϛϛ	τοῦτο γὰρ ἔστε γινώσκοντες , ὅτι πᾶς πόρνος , ἢ ἀκὰθαρτος , ἢ πλεονέκτης , ὅς ἐστιν εἰδωλάτρης , οὐκ ἔχει κληρονομίαν ἐν τῇ βασιλείᾳ τοῦ χριστοῦ καὶ θεοῦ .	ἦσαν ἴσως τινὲς παραυτοῖς οἱ λέγοντες ὅτι φοβῆσαι θέλων ὁ θεὸς · ταῦτα ἀπηγόρευσεν τὰ εὐτελῇ · ἢ καὶ ἐξεφάυλιζον τὰ τοιαῦτα . οὐχῖ κανὰ ὅντα εἰς γέενναν ἐμβαλεῖν . οἷα καὶ νῦν γίνεται · τί γάρ φησι τὸ ἄτοπον · εἰ εἰπὼν μωρὲ ἔνοχος γενήσεται γεέννης . καὶ πῶς ἣ πλεονεξία εἰδωλολατρία · τούτους οὖν αἰνίττεται ὁ ἀπόστολος · δηλοῖ γὰρ ἡ ἐπαγωγή · μηδεὶς ὑμᾶς ἐξαπατάτω φησι κενοῖς λόγοις · κενοῖς δὲ τοῖς μὴ ἔχουσιν τὸ ἐλπισθὲν αὐτοῖς πέρας μὴ δὲ εῖς ἔργον ἐκβαίνουσιν .
197	108v	Eph.5.6	ϛζ	μηδεὶς ὑμᾶς ἀπατάτω κενοῖς λόγοις ·	ἄρα ἀπάτης ἐστὶ τὸ τὰ τοιαῦτα λαλεῖν .
198	108v	Eph.5.6-Eph.5.7	ϛη	διὰ ταῦτα γὰρ ἔρξεται ἡ ὀργὴ τοῦ θεοῦ ἐπὶ τοὺς υἱοὺς τῆς ἀπειθείας . μὴ οὖν γίνεσθε συμμέτοχοι αὐτῶν ·	ἢ διὰ τὴν πορνείαν καὶ τὴν ἀκαθαρσίαν καὶ τὰ λοιπὰ , ἠ διὰ τοὺς τοιούτους λόγους · ἀπειθείας δὲ ὑιοὺς . τοὺς ἀσπειθοῦντας τοῖς τοιόυτοις δόγμασι λέγει .
199	109r	Eph.5.7-Eph.5.8	ϛθ	ἦτε γάρποτε σκότος , νῦν δὲ φῶς ἐν κυρίῳ ·	ἀναμιμνήσκει αὐτοὺς τῆς προτέρας πολιτείας · σκότος ἦτε φησι · σκότος δὲ λέγει τὸν ενπλάνῃ βίον · μὴ τοίνυν παλινδρομήσητε , πρὸς τὸ σκότος .
200	109r	Eph.5.8	ρ	ὡς τέκνα φωτὸς περιπατεῖτε	τοῦτεστιν εὐσχημόνως · ἐν γὰρ φωτὶ , πᾶσις τοῦ εὐσχήμου προνοεῖ .
201	109r	Eph.5.9	α	ὁ γὰρ καρπὸς τοῦ πνεύματος	τοιαῦτα καρποφορεῖ τὸ πνευμᾶ καὶ οἱ πνευματικόι · ὡς τά γε ἕτερα , τοῦ σατανᾶ εἰσιν καρποί ·
202	109r	Eph.5.9	β	ἐν πάσῃ ἀγαθωσύνῃ καὶ δικαιοσύνῃ καὶ ἀληθείᾳ	τοῦτο ὡς πρὸς τοὺς ὀργιζομένους · πρὸς τοὺς πικρούς · τὸ δὲ δικαιοσύνη , ὡς πρὸς τοὺς πλεονέκτας · τὸ δὲ ἀληθείᾳ . ὡς πρὸς τοὺς ψευδῇ τῆς ἀκολασίας καὶ ἁμαρτίας διώκοντας ἡδονήν .
203	109r	Eph.5.10	γ	δοκιμάζοντες τί ̓στιν εὐάρεστον τῷ θεῷ ·	́ἄρα ἀδοκίμου καὶ παιδικῆς διανοίας τὰ ἄλλα .
204	109r	Eph.5.10-Eph.5.12	δ	καὶ μὴ συγκοινωνεῖτε τοῖς ἔργοις τοῖς ἀκάρποις τοῦ σκότους , μᾶλλον δὲ καὶ ἐλέγχετε · τὰ γὰρ κρυφῆ γινόμενα ὑπ’ αὐτῶν αἰσχρόν ἐστιν καὶ λέγειν .	ποῖος γὰρ καρπός · ποῖον ὅφελος ἐξ ἐκείνων · θάνατος μὲν οὖν · σκότους δὲ λέγει , τῶν ἐν πλάνῃ καὶ ἁμαρτίαις ἄνθρωπον · καὶ τί λέγω μὴ συγκοινωνεῖτε · μᾶλλον φησι καὶ ἐλέγχετε · παιδέυοντες αὐτοὺς διὰ τῶν ἐλέγχων ·
204Ph	109r	Eph.5.12
205	109r	Eph.5.13	ε	τὰ δὲ πάντα ἐλεγχόμενα ὑπὸ τοῦ φωτὸς φασεροῦται ·	τοῦτο δὲ οὐκ ἐστίν ἐναντίον τῶ μὴ κρίνετε · ὧδε γὰρ τὸ ἐλέγχετε , ἀντὶ τοῦ παιδέυετε κεῖται ἐκεὶ δὲ τὸ κατακρίνετε . τουτέστιν ἄν ἦτε ὑμεῖς ἐνάρετοι , οὐ δύνανται λανθάνειν οἱ πονηρόι · ἀλλ’ αὐτὸς ὑμὼν ὁ βίος καὶ πρὸ τῶν ἡμετέρων λόγων κατήγορος καὶ ἔλεγχος ἔστιν αὐτῶν · ἐὰν γὰρ λανθάνωσιν ἀδιόρθω τοιμένουσιν · φανερούμενοι δὲ διορθωθήσονται .
205Ph	109r	Eph.5.13
206	109r	Eph.5.13	ϛ	πᾶν γὰρ τὸ φανερούμενον φῶς ἐστίν .	ἢ τοῦτο φησιν ὅτι τὰ ἁμαρτήματα εἂν φανρωθῆ , φῶς γίνεται · τουτέστιν εἰς δικαιοσύνην προτρέπεται ἐκ μετανοίας · ἢ ὅτι ἐνάρετος βίος , οὐδύναται κρυβῆναι · δίο ἐλέγχει τὸ σκότος τουτέστιν τοὺς πονηρούς .
206Ph	109r	Eph.5.13	*		ὅτι , φησί , τὸ φανερούμενον καὶ ἀνακαλυπτομενον φῶς γίνεται , μαρτυρεῖ καὶ ἡ χρῆσις · ἔγειρε γάρ , φησίν , ὁ καθεύδων , οἷον · διανάστηθι ἀπὸ τῆς πρὸς τὰ πάθη κατακλίσεως καὶ προσεδρίας . καὶ ἀνάστα ἐκ τῶν νεκρῶν · ἔασον αὐτὰ νεκρὰ καὶ αἰσχρὰ καθώς εἰσιν φανερωθῆναι . καὶ ἂν ταῦτα γένηται , ἐπιφαύσει σοι τοτε καὶ φωτίσει καὶ καταυγάσει σοι ὁ Χριστος , ὥστε τὸ φανερούμενον φῶς γίνεται καὶ φωτίζεται .
207	109r	Eph.5.13-Eph.5.14	ζ	διὸ λέγει , ἔγειρε ὁ καθεύδων καὶ ἀνάστα ἐκ τῶν νεκρῶν ,	καθεύδοντα καὶ νεκρὸν τὸν ἐν ἁμαρτίαις λέγει . καὶ γὰρ καὶ ἀνενέργητος ἐστιν πρὸς τὸ ἀγαθὸν ὡς ὁ νεκρὸς καὶ φαντασιοῦται ὡς ὁ καθεύδων · καὶ εἰδεχθής ἐστι καὶ δυσωδίας γέμει ὡς ὁ νεκρὸς πάλαι .
208	109r	Eph.5.14	η	καὶ ἐπιφαύσει σοι ὁ χριστός .	ὅτι δὲ σκότος ἐστί φησιν ὁ ἐν ἁμαρτίαις , ἀκουσον πῶς αὐτὸν καθεύδοντα καὶ νεκρὸν ἡ γραφὴ λαλεῖ · καὶ ὡς οὐκ ἂν ἄλλως αὐτῷ ἐπιλάμψει ὁ χριστὸς · πλὴν εἰ μὴ πάυσηται τῆς ἁμαρτίας · τὸ γὰρ ἔγειρε πᾶυσον ἐστι . ταῦτα καὶ πρὸς ἀπίστους · καὶ προς πιστοὺς ἁμαρτωλοὺς ἁρμόζει · τὸ δὲ ἐπιφαῦσει , ἐπιλάμψει ἐστιν .
209	109r	Eph.5.14-Eph.5.15	θ	βλέπετε οὖν πῶς ἀκριβῶς περιπατεῖτε ,	πρόβατα ἐστὲ ἐν μέσῳ λύκων · διὸ πολλῆς παραφυλακῆς χρεία · μὴ ἀναδέξασθαι ἔχθρας πλὴν τῶν διὰ τὸ κήρυγμα .
210	109r	Eph.5.15-Eph.5.16	ι	μὴ ὡς ἄσοφοι ἀλλ’ ὡς σοφοί , ἐξαγοραζόμενοι τὸν καιρόν ,	οἱ γὰρ σοφοὶ ἴσασιν , πῶς δεῖ περιπατεῖν · πάντα γάρ φησιν προϊέσθαι καὶ ἀγοράζειν . τὸ μὴ περὶ τὴν πίστιν ναυαγῆσαι ·
210ex	109r	Eph.5.16	οικουμενιου		ἢ ὅυτως · ὁ καιρὸς οὐκ ἔστιν ἡμῖν βέβαιος πάροικοι γὰρ ἐσμέν · ἀγόρασον οὖν αὐτὸν καὶ ποίησον ἴδιον · πῶς δὲ τοῦτο ἐσται ; διὰ τοῦ ἐν αὐτῷ εὐαρεστῆσαι τῷ θεῷ · τότε γὰρ ὃυτως ἴδιος γίνεται . ὅτι καὶ ἐν αὐτῷ καλαὶ πράξεις ἐπακολουθοῦσιν ἐκεῖ δοξάζουσαι , ὥσπερ αἱ κακαὶ κατακρίνουσαι .
211	109r	Eph.5.16	ια	ὅτι αἱ ἡμέραι πονηραί εἰσιν	οὐχ αἵ ἐν αὐταῖς ὧραι ἢ οἱ χρόνοι εἰσὶ πονηροὶ μὴ γένοιτο · ἀλλ’ ἐκ τῶν ἐν αὐταῖς κακῶν παρ’ ἡμῶν γινομένων . τὰς ἡμέρας πονηρὰς ἐκάλεσεν · ὡς ἡμεῖς λέγομεν κακὴν ἢ καλὴν ἡμέραν ἐποίησα . οὐ τοῦτο λέγοντες ὄτι αὐτὴ ἡ φύσις τῆς ἡμέρας καλὴ ἢ κακὴ , ἀλλ’ ἐκ τῶν ἡμῖν συμβαινόντων , ὅυτως αὐτὴν ὀνομάζοντες · διὰ τοῦτο καὶ ὁ χριστός φησιν ἀρκετὸν τῇ ἡμέρᾳ ἡ κακία αὐτῆς τουτέστιν τὰ ἐν αὐτῇ κακὰ παρ’ ἡμῶν γινόμενα .
212	109r	Eph.5.16-Eph.5.17	ιβ	διὰ τοῦτο μὴ γίνεσθε ἄφρονες ,	ἐπειδὴ ἡ πονηρία φησιν ἀνθεῖ καὶ ἐπικρατεῖ τοῦ παρόντος βίου καὶ τῶν ἡμερῶν , μὴ γίνεσθε ἄφρονες ὥστε ἀλίσκεσθαι αὐτῇ ·
213	109v	Eph.5.17	ιγ	ἀλλὰ συνιέντες τί τὸ θέλημα τοῦ κυρίου .	θέλημα δὲ τοῦ κυριοῦ τὸ τὸν παρόντα καιρὸν ἐξαγοράζεσθαι .
213Ph	109v	Eph.5.17	*		συνιέντες περιπατεῖτε · ἀπὸ κοινοῦ γὰρ ὥσπερ καὶ τὸ πληροῦσθε πάλιν ἐστὶν ἀπὸ κοινοῦ · πρὸς λαλοῦντες γὰρ · καὶ ᾄδοντες καὶ ψάλλοντες καὶ εὐχαριστοῦντες ἀποδίδοντες , καὶ πρὸς τὸ ὑποτασσομενοι .
214	109v	Eph.5.17-Eph.5.18	ιδ	καὶ μὴ μεθύσκεσθε οἴνῳ ,	ὁ γὰρ οἶνος πρὸς εὐφροσύνην οὐ πρὸς μέθην δίδοται ·
215	109v	Eph.5.18	ιε	ἐν ᾧ ἐστὶν ἀσωτία ,	θυμώ δεισποιεῖ καὶ θρασεῖς καὶ ἀκροσφαλεῖς καὶ πρὸς ἀσέλγειαν ἐπιρρεπεῖς .
216	109v	Eph.5.18-Eph.5.19	ιϛ	ἀλλὰ πληροῦσθε ἐν πνεύματι , λαλοῦντες ἑαυτοῖς ψαλμοῖς καὶ ὕμνοις καὶ ᾠδαῖς πνευματικαῖς ,	θέλεις πληροῦσθαι φησι · καὶ ὡς εἰπεῖν μη μεθύσκεσθε τοῦτο ποίει ἐν τῷ ἁγίῳ πνευματικί πληρούμενος αὐτοῦ · ἔσται δὲ τοὖτο , διὰ ψαλμῶν καὶ ὠδῶν φησιν .
217	109v	Eph.5.19	ιζ /οικουμενιου	ἄδοντες καὶ ψάλλοντες ἐν τῇ καρδίᾳ ὑμῶν τῷ κυρίῳ ,	εἰσὶ γὰρ καὶ διαβολικάι .
218	109v	Eph.5.19	ιη		μὴ τοῖς χείλεσι μόνοις , ἀλλὰ καὶ κατὰ τὴν καρδίαν .
219	109v	Eph.5.19-Eph.5.20	ιθ	εὐχαριστοῦντες πάντοτε ὑπὲρ πάντων ἐν ὀνόματι τοῦ κυρίου ἡμῶν ἰησοῦ χριστοῦ τῷ θεῷ καὶ πατρί ,	διὰ γὰρ τοῦ ὀνόματος τοῦ χριστοῦ · πάντα ἡμῖν ὑπάρχει .
220	109v	Eph.5.21	κ	ὑποτασσόμενοι ἀλλήλοις ἐν φόβῳ θεοῦ .	ὅταν γὰρ ἔκαστος ἐκάστῳ ἔιη ὑποτεταγμένος · καὶ μὴ διάτι πραγμα κοσμικὸν ἢ ἄτοπον · ἀλλὰ διὰ φόβον θεοῦ , τί ἔσται λοιπὸν ἐν μέσω κακόν .
221	109v	Eph.5.21-Eph.5.22	κα	αἱ γυναῖκες ,	ἐὰν γὰρ ὢσιν οὗτοι ἐν εἰρήνῃ , πᾶσα ἡ οἰκία εἰρηνέυσοι καὶ πάντες ἀπολαύσουσι τῆς ἔνθεν ὠφελείας .
222	109v	Eph.5.22-Eph.5.23	κβ	τοῖς ἰδίοις ἀνδράσιν ὑποτάσσεσθε , ὡς τῷ κυρίῳ . ὅτι ἀνήρ ἐστιν κεφαλὴ τῆς γυναικός,ὡς καὶ ὁ χριστὸς κεφαλὴ τῆς ἐκκλησίας ,	βαβαὶ ὑποταγῆς ἐπίτασις · πῶς οὖν φησιν ὁ χριστὸς · ἐὰν μὴ τις ἀποτάξηται καὶ γυναικὶ καὶ ἀνδρὶ , οὐ δύναται ἀκολουθῆσαι μοι · καὶ φαμέν · ὅτι τὸ ΩϹ οὐ πάντως ἰσότητα σημαίνει · ἢ τοῦτο φησιν ὡσεῖ δῦιαι ὅτι τῷ χριστῷ ὑποτασσόμεναι εἰσιν ἐκ τούτου .
223	109v	Eph.5.23	κγ	καὶ αὐτὸς ἐστιν σωτὴρ τοῦ σώματος .	καὶ αὐτὸς ὁ ἀνὴρ · καὶ γὰρ ἡ κεφαλὴ σωτηρία ἐστι τοῦ λοιποῦ σώματος μικροῦ τὰς πάσας αἰσθήσεις ἔχουσα ἐν ἑαυτῇ οὐκ οὖν καὶ ὁ ἀνὴρ τῆς γυναικός · ὅρα δὲ πῶς τὸ ἀρχικὸν καὶ τὸ προνοητικὸν ἀπένειμεν τῷ ἀνδρί · τὸ δὲ εἰκτικὸν τῇ γυναικί .
224	109v	Eph.5.23-Eph.5.24	κδ	ἀλλ’ ὡσπερ ἡ ἐκκλησία ὑποτάσσεται τῷ χριστῷ , οὕτως καὶ αἱ γυναῖκες τοῖς ἰδίοις ’’ανδράσιν ἐν παντί .	τὸ ἄπαν πλῆθος · ἐν γὰρ τοῖς καθέκαστον ἔνι καὶ ἀν ὑπότακτος .
225	109v	Eph.5.24-Eph.5.25	κε	οἱ ἄνδρες , ἀγαπᾶτε τὰς γυναῖκας ἑαυτῶν , καθὼς καὶ ὁ χριστὸς ἠγάπησεν τὴν ἐκκλησίαν . Καὶ ἑαυτὸν παρέδωκεν ὑπερ αὐτῆς ·	θέλεις αὐτὴν ὑποτετάχθαι σοι ὡς τῷ κυριῷ ; ἀγάπα αὐτὴν ὡς ὁ κυριός τὴν ἐκκλησίαν · κἆν δέειτι παθεῖν ὑπὲρ αὐτῆς · κἂν ἀποθανεῖν , μὴ παραιτήση · σὺ μἐν γὰρ ἴσως εἰς ὑποτεταγμένην καὶ ἀγαπῶσαν ταύτην ἐπι δείξη · ὁ δὲ χριστὸς εἰς αἰσχρὰν καὶ ἀποστρεφομένην καὶ φέγουσαν .
226	109v	Eph.5.25	κϛ		ἆρα οὖν ἅναγνος ἦν καὶ ἀκάθαρτος , οἶαν οὖν εἰ λάβοις γυναῖκα . οὐκ ἄν ὅυτως ἀκάθαρτον λήψη . ἀλλ’ οὐκ ὠν είδισεν ὁ χριστὸς τὴν ἐκκλησίαν οἷαν αὐτὴν οὖσαν οὐκ οὖν μὴ δὲ σὺ τὴν σαυτοῦ γυναῖκα .
227	109v	Eph.5.26	κζ	καθαρίσας τῷ λουτρῷ τοῦ ὕδατος	τουτέστιν τῷ βαπτίσματι · ἀπέλουσε γὰρ αὐτῆς τὴν ἀκαθαρσίαν .
228	109v	Eph.5.26	κη	ἐν ῥήματι ,	ποίω ῥήματι ; ὁ αὐτὸς εἶπεν τοῖς ἀποστολὸις · βαπτίζοντες αὐτούς εἰς τὸ ὅνομα τοῦ πατρὸς καὶ τοῦ ὑιοῦ καὶ τοῦ ἁγίου πνευματὸς .
229	109v	Eph.5.26-Eph.5.27	κθ	ἵνα παραστήσῃ αὐτὴν ἑαυτῷ ἔνδοξον τὴν ἐκκλησίαν ,	οὐχ ἁπλῶς καθαρὰν , ἀλλ’ ἔνδοξον · ὥσπερ τοίνυν ὁ χριστὸς πάντων αἴτιος τῶν ἀγαθῶν τῇ ἐκκλησίᾳ · καὶ σὺ κατὰ δύναμιν ἔσοτῇ γυναικί · καὶ ὥσπερ αὐτὸς σώματος οὐκ ἐπιζητεῖ κάλλος ἀλλὰ ψυχῆς , ὅυτως καὶ συ · ἀν γὰρ ψυχῆς κάλλος ἐπιζητεῖς , εἰς τοῦτο αυτὴν ῥυθμίσεις δυσειδῆ τὸν ἐν τὸ ποιοῦντα ἄνθρωπον .
230	109v	Eph.5.27	λ	μὴ ἔχουσαν σπῖλον ἢ ῥυτίδα ἤ τι τῶν τοιούτων , ἀλλ’ ἵνα ἦ ἁγία καὶ ἄμωμος .	διὰ τούτων τὰ ψυχικὰ λέγει πάθη τὰ δυσειδῆ τὸν ἐν τὸς ποιοῦντα ἄνθρωπον .
231	109v	Eph.5.28	λα	οὕτως ὀφείλουσιν οἱ ἄνδρες ἀγαπᾷν τὰς ἑαυτῶν γυναῖκας ὡς τὰ ἑαυτῶν σώματα .	οὐχ ὥς εἰς μεῖζον ἐρχόμενος ὑπόδειγμα . τὸ τοῦ οἰκείου σώματος εἴρηκεν · ὑπερβάλλει γὰρ τὸ κατὰ χριστὸν πρὸς τὴν ἐκκλησίαν · ἀλλ’ ὡς εἰς οἰκειότερον καὶ ἐγγύτερον · ἐκ τούτου γὰρ καὶ ὀφειλὴν τὸ πραγμα δείκνυσιν · εἰ γὰρ σῶμα ἐστι σὸν ἡ γυνὴ : ἔσονται γάρ φησιν οἱ δύο εἰς σάρκα μίαν , κατὰ ὀφειλὴν προνοήσεις αὐτῆς ὡς σαρκός σου .
232	110r	Eph.5.28-Eph.5.29	λβ	ὁ ἀγαπῶν τὴν ἑαυτοῦ γυναῖκα , ἑαυτὸν ἀγαπᾷ · οὐδεὶς γάρ ποτε τὴνἑαυτοῦ σάρκα ἐμίσησεν ,	ὅτι γάρ ἐστι σὰρξ τοῦ ἀνδρὸς ἡ γυνὴ , ἅκουε τοῦ ἀδὰμ λέγοντος . τοῦτο νῦν ὁστοῦν ἐκ τῶν ὀστῶν μου καὶ σὰρξ ἐκ τῆς σαρκός μου .
233	110r	Eph.5.29	λγ	ἀλλ’ ἐκτρέφει καὶ θάλπει αὐτὴν καθὼς καὶ ὁ κυρίος τὴν ἐκκλησίαν ·	συνεχῶς τῷ τοῦ χριστοῦ χρῆται παραδείγματι . πρὸς ̓ἀγάπην τοὺς ἄνδρας ἐκ τούτου παρακαλῶν .
234	110r	Eph.5.30	λδ	ὅτι μέλη ἐσμὲν τοῦ σώματος αὐτοῦ ἐκ τῆς σαρκὸς αὐτοῦ καὶ ἐκ τῶν ὀστέων αὐτοῦ .	ὡσεὶ εἶπεν · γνησίως ἐσμὲν ἐξ αὐτοῦ ἐπειδὴ γὰρ τὰ ὀστὰ καὶ τὸ σῶμα χαρακτηρίζει τὸν ἄνθρωπον διὰ τὴν γνησιότητα . φησιν ἐξ αὐτῶν ἡμᾶς εἶναι .
234ex	110r	Eph.5.30	οικουμενιου		ἐξ αὐτοῦ δὲ καθὸ ἀπαρχὴ ἡμῶν ἐστιν ἐπὶ τῆς δευτέρας πλάσεως . ὥσπερ ἐκ τοῦ ἀδὰμ διὰ τὴν πρώτην .
235	110r	Eph.5.30-Eph.5.31	λε	καὶ προσκολληθήσεται πρὸς τὴν γυναῖκα αὐτοῦ , καὶ ἕσονται οἱ δύο εἰς σάρκα μίαν .	τὴν ἡκριβωμένην ἕνωσιν καὶ ἀγάπην δηλοῖ .
236	110r	Eph.5.31	λϛ		ἰδὸυ καὶ ἕτερον δικαίωμα ἀγάπης , ὅτι σῶμα ἀλλήλων εἰσίν .
237	110r	Eph.5.32	λζ	τὸ μυστήριον τοῦτο μέγα ἐστὶν ἐγὼ δὲ λέγω εἰς χριστὸν καὶ εἰς τὴν ἐκκλησίαν ·	πῶς μέγα , ὅτι τῷ χριστῷ ἐξὸν μένειν ἐπὶ τῆς ἰδίας δόξης . ἐταπέινωσεν ἑαυτὸν ἐν ἀνθρωπήσας . ἵνα προσκολληθῇ τῇ ἐκκλησίᾳ · καὶ ἐγένοντο οἱ δύο εἰς πνεῦμα ἔν · ὁ γὰρ κολλώμενος φησιν τῷ κυριῷ . ἓν πνεῦμα ἐστίν .
238	110r	Eph.5.33	λη	πλὴν καὶ ὑμεῖς	ὡσέι ἔλεγεν · οὐχ ἠ ἀναγωγῇ τοῦ ὀνόματος καὶ ἡ πνευματικῇ ἐξήγησις ἀνατρέπει τὸ ἰδικὸν · δύναται γὰρ καὶ πνευματικῶς καὶ ἰδικῶς ἑρμηνεύεσθαι .
239	110r	Eph.5.33	λθ	οἱ καθ’ ἔνα ἕκαστος τὴν ἑαυτοῦ γυναῖκα οὕτως ἀγαπάτω ὡς ἑαυτόν ·	οἷον ἄνθρωποι · τὸ γὰρ τοῦ κατὰ ἀναγωγὴν νοήματος εἰς κοινότητα ὁρᾶ · τουτέστιν τὴν ἐκκλησίαν .
240	110r	Eph.5.33	μ	ἡ δὲ γυνὴ ἵνα φοβῆται τὸν ἄνδρα .	οἷδεν γὰρ ἡ ἰσοτιμία , γίνεσθαι ἀκασταστασίας ὑπόθεσις · διὰ τοῦτο μίαν ἀρχὴν εἶναι κελεύει τὴν τοῦ ἀνδρός · τί δή ποτε δὲ περὶ τῆς ἀγάπης πολλὰ διαλεχθεις , περὶ τοῦ φόβου οὐχ οὕτως ἐποίησεν · ὅτι προηγουμένως τὴν ἀγάπην εἶναι δεῖ · ὅυτω γὰρ καὶ ὁ φόβος ἔψεται · τὸ δὲ φοβεῖσθαι , νόει ὡς πρέπον γυναῖκα φοβεῖσθαι μὴ δουλοπρεπῶς .
241	110r	Eph.5.33-Eph.6.1	μα	τὰ τέκνα , ὑπακούετε τοῖς γονεῦσιν ὑμῶν	εἶπεν περὶ τῆς πρώτης ἀρχῆς τῆς κατὰ τὸν ἄνδρα · νῦν περὶ τῆς δευτέρας λέγει τῆς κατὰ τοὺς γονεῖς · ἡμὲν γὰρ γυνὴ , τῷ ἀνδρί · τὰ δὲ τέκνα , καὶ τῇ γυναικὶ ὑπόκειται .
242	110r	Eph.6.1-Eph.6.2	μβ	ἐν κυριῷ · τοῦτο γάρ ἐστιν δίκαιον . τίμα τὸν πατέρα σου καὶ τὴν μητέρα	τουτέστιν κατὰ κυρίον ἐν οἷς μὴ βλάπτεται ἡ εὐσέβεια · τί γὰρ ὅτι προστῆσεται βούλεται ὁ πατὴρ τὴν θυγατέρα , ἢ αἰσχρὰν διδάξαι τέχνην τὸν υἱόν · ἢ πρὸς ἑλληνισμὸν ἀγαγεῖν · τὰ γὰρ τοιαῦτα οὐκ ἐν κυρίῳ ἐστιν .
243	110r	Eph.6.2-Eph.6.3	μγ	ἥτις ἐστὶν ἐντολὴ πρῶτη ἐν ἐπαγγελίᾳ,ἵνα εὖ σοι γένηται ,	καὶ τοι οὐκ ἔστιν αὔτη πρώτη · οὐ φονέυσεις οὐ μοιχέυσεις · ἀλλ’ ὅρα τί προς τέθεικεν · ἐν ἐπαγγελίᾳ · ἐκεῖναι γὰρ αἱ πρῶται οὐκ ἔχουσιν ἐπαγγελίας · ἀναχωρήσεις γάρ εἰσι κακῶν . οὐκ ἀγαθοῦ ἐργασία · αὔτη τοι γάρ οὖν κατὰ τὸν τῆς ἐπαγγελίας λόγον ἐστὶ πρώτη · ἀγαθοῦ γάρ ἐστιν ἐργασία .
244	110r	Eph.6.3	μδ	καὶ ἔσῃ μακροχρόνιος ἐπὶ τῆς γῆς .	ὅρα σοφίαν · ἐπειδὴ πρὸς νηπίους ὁ λόγος αὐτῷ · πρὸς γὰρ τὰ τέκνα λαλεῖ . αὐτὴν τὴν κειμένην ἀμοιβὴν · καὶ οὐδὲν ὑψηλόν · οὐ περὶ βασιλείας οὐρανῶν·οὐ περὶ μιμήσεως χριστοῦ . ὅπερ ἐπὶ τοῦ ἀνδρὸς καὶ τῆς γυναικὸς ἐποίησεν · τί γὰρ ἡ δύτερον παισὶ τῆς μακροχρονίας · καὶ γὰρ καὶ τοῖς ἰουδαίοις ὡς νηπίοις τὰς φρένας . ταῦτα ἐνομοθετήθη . οὐ γὰρ ἴσχυον τέλείων ἀκούειν .
245	110r	Eph.6.3-Eph.6.4	με	καὶ οἱ πατέρες , μὴ παροργίζετε τὰ τέκνα ὑμῶν ,	οὐκ εἶπεν ἀγαπᾶτε · τοῦτο γὰρ αὐτοὺς ἡ φύσις καὶ ἄκοντας ἀπαιτεῖ . ἀλλὰ μὴ παροργίζετε · τουτέστιν μὴ ἀποκληρονόμους · μὴ ἀποκηρύκτους ποιεῖτε · μὴ φορτικὰ καὶ δούλοις πρέποντα ἐπιτάσσετε καὶ πρὸς αὐτοὺς ἀεὶ δυσχεράινετε .
246	110v	Eph.6.4	μϛ	ἀλλ’ ἐκτρέφετε αὐτὰ ἐν παιδείᾳ καὶ νουθεσίᾳ κυρίου .	τοῦτο τῆς παραινέσεως τὸ κεφάλαιον · τῶν πνευματικῶν γὰρ ὄντων . καὶ τὰ σαρκικὰ ἀκολουθήσει · τοῦτο γὰρ αὐτοὺς μάλιστα πειθηνίους ποιεῖ .
247	110v	Eph.6.5	μζ	οἱ δοῦλοι ὑπακούετε τοῖς κυρίοις κατὰ σάρκα .	τοὺς δούλους ἐσχάτους τέθεικεν · ἐπειδὴ καὶ εἰσὶν τῷ ἀξιώματι · οὐκέτι δὲ τούτοις ὡς παιδίοις νηπίως διὰ λέγεται . ἀλλὰ τελείως · κατὰ σάρκα δὲ τουτέστιν τοῖς προς καίροις · ἐκ τούτου δὲ καὶ παραμυθεῖται αὐτούς .
248	110v	Eph.6.5	μη	μετὰ φόβου καὶ τρόμου ἐν ἁπλότητι τῆς καρδίας ὑμῶν , ὡς τῷ χριστῷ ·	εἰ γὰρ τοὺς ἐλευθέρους ἀλλήλοις ὑποτάσσει , πόσω μᾶλλον τούτους · τὸν δὲ τοιοῦτον , οὐκ ἀπαιτεῖ παρὰ γυναικῶν φόβον · ἐπειδὴ μήτε εἰσὶ δοῦλοι ἀλλ’ ὑπήκοοι · καλῶς δὲ τὸ ἐν ἀπλότητι καρδίας · ἔνι γὰρ καὶ μετὰ φόβου καὶ τρόμου δουλεύειν · ἀλλ’ οὐκ ἐξευνοίας ̓ἀλλὰ κακόυργως ·
249	110v	Eph.6.5-Eph.6.6	μθ	μὴ κατ’ ὀφθαλμοδουλείαν ὡς ἀνθρωπάρεσκοι ,	μὴ ὅταν πάρεισιν οἱ δεσπόται , καὶ ὁρῶσιν . ἀλλ’ ἵνα καὶ ἀπόντων αὐτῶν ἴνα τὰ δέοντα ποιῶσιν .
250	110v	Eph.6.6	ν	ἀλλ’ ὡς δοῦλοι τοῦ χριστοῦ , ποιοῦντες τὸ θέλημα τοῦ θεοῦ	ὅρα οὖν ὁ ἀνθρωπάρεσκος οὐκ ἔστι δοῦλος χριστοῦ ·
251	110v	Eph.6.6-Eph.6.7	να	ἐκ ψυχῆς , μετ’ εὐνοίας δουλεύοντες	ἐνί γὰρ καὶ ἐν ἁπλότητι κακούργως ἐργάζεσθαι · μὴ μὴν ὀση δύναμις πάρεστιν . ἀλλὰ τὸν ὁρισμένον μόνον ·
252	110v	Eph.6.7	νβ	τῷ κυριῷ καὶ οὐκ ἄνθρωποις ·	μὴ κατὰ βίαν ἀλλ’ ἐκ προαιρέσεως .
253	110v	Eph.6.7-Eph.6.8	νγ	εἰδότες ὅτι ὃ ἐάν τι ἕκαστος ποιήσῃ ἀγαθὸν , τοῦτο κομιεῖται παρὰ τοῦ κυρίου , εἴτε δοῦλος , εἴτε ἐλεύθερος .	ἐπειδὴ εἰκός ἐστιν πολλοὺς τῶν δεσποτῶν μὴ ἀμείβεσθαι τῆς εὐνοίας τοὺς δούλους ἐκεῖ αὐτοῖς ὑπισχνεῖται τὴν ἀμοιβήν ·
254	110v	Eph.6.8-Eph.6.9	νδ	καὶ οἱ κύριοι , τὰ αὐτὰ ποιεῖτε πρὸς αὐτούς ,	τὰ αὐτὰ ποῖα · μετ’ εὐνοίας δουλεύετε · μὴ ὡς ̓ἀνθρωπάρεσκοι · ἀλλὰ ταῦτα οὐ λέγει φανερῶς · καίτοι τὰ αὐτὰ διανοηθείς · καὶ γὰρ καὶ οἰ κύριοι δουλεύουσι τοῖς δούλοις · ὅταν γὰρ ἐκεῖνου κοιμωμένου καὶ ῥέγχοντος · ὁ δεσπότης περὶ τροφῶν . περὶ ἐνδύματος μεριμνῶν οὐ καθεύδει · ἆρα οὐ δουλεύει ; ἔστι δὲ καὶ ἐπὶ τῶν κυρίων τὸ μετὰ φόβου καὶ τρόμου ἁρμόσαι τοῦ πρὸς θεὸν δηλον ὅτι ·
255	110v	Eph.6.9	νε	ἀνιέντες τὴν ἀπειλήν ·	μὴ φορτικοί φησιν μὴ ἐπαχθεῖς
256	110v	Eph.6.9	νϛ	εἰδότες ὅτι καὶ ὑμῶν αὐτῶν ὁ κύριός ἐστιν ἐν οὐρανοῖς ,	ᾧ γὰρ μέτρῳ μετρεῖτε μετρηθήσεται ὑμῖν φησιν · μὴ ἀκούσης καὶ σὺ δοῦλε πονηρὲ · πᾶσαν ἐκεῖνην ἀφῆκα σοι καὶ τὰ τῶν ἑξῆς .
257	110v	Eph.6.9	νζ	καὶ προσωποληψία οὐκ ἔστιν παρ’ αὐτῷ .	μὴ νομίσης ὅτι τῶν εἰς τὸν δοῦλον γινομένων κακῶν καταφρονεῖ · διὰ τὸ τοῦ προσώπου εὐτελές · οὐκ ἔνι παρὰ θεῷ δοῦλος καὶ δεσποτῆς ·
258	110v	Eph.6.9-Eph.6.10	νη	τὸ λοιπὸν ἀδελφοί μου ̓ν δυναμοῦσθε ἐν κυρίῳ ,	μετὰ τὸ διὰ τάξαι φησὶ τὰ εἰκότα , τοῦτο ἀκόλουθον καὶ ὑπό λοιπον τὸ ἐνδυναμοῦσθαι ὑμᾶς ἐν κυρίῳ · τουτέστιν τῇ εἰς αὐτὸν ἐλπίδι · καὶ ἐν τῷ κράτει τῆς ἰσχύος αὐτοῦ · διὰ γὰρ τῆς αὐτοῦ βοηθείας ἔστιν ἡμῖν τὸ ἐλπίζειν εἰς αὐτόν .
259	110v	Eph.6.10	νθ	καὶ ἐν τῷ κράτει τῆς ἰσχύος αὐτοῦ .	ἰσχυρὸς γάρ ἐστι φησὶν καὶ ἱκανὸς πάντα κατορθὼσαι .
260	110v	Eph.6.10-Eph.6.11	ξ	ἐνδύσασθε τὴν πανοπλίαν τοῦ θεοῦ ,	μετὰ τὸ διοικῆσαι πάντας κατὰ τάξιν · λοιπὸν καὶ ὁπλίζει αὐτοὺς ὡς πρὸσπόλεμον .
261	110v	Eph.6.11	ξα	προς τὸ δύνασθαι ὑμᾶς στῆναι πρὸς τὰς μεθοδείας τοῦ διαβόλου .	οὐκ εἶπεν μάχας , ἀλλὰ μεθοδείας · ὅ πέρ ἐστι χαλεπώτερον · οἷον πρὸς τὰς ἐπιβουλάς · προς τὰς ἐνέδρας · πρὸς τοὺς δόλους .
262	110v	Eph.6.11-Eph.6.12	ξβ	ὅτι οὐκ ἔστιν ἡμῖν ἡ πάλη πρὸς αἷμα καὶ σάρκα ,	ταῦτα φησιν δεικνὺς ὅτι νήψεως χρεία καὶ ἐγρηγόρσεως πρὸς τὸν πόλεμον · οὐ πτοῆσαι βουλόμενος · ὁ γὰρ διδάσκων τοῦ ἐχθρὸυ τὴν δύναμιν . ἀσφαλετέρους ποιεῖ τοὺς οἰκείους .
263	110v	Eph.6.12	ξγ	ἀλλὰ πρὸς τὰς ἀρχάς ,	περὶ δαιμόνων λέγει · οὓς ἡμεῖς ἑαυτῶν πἐποιήκαμεν ἄρχοντας ἐκόντες αὐτοῖς ὑποκλινόμενοι · οὐ γὰρ ἔλαχεν τοῦ ἄρχειν ἡμῶν ἀλλὰ πατεῖσθαι ὑφ’ ἡμῶν · ἰδοὺ γάρ δέδωκα ὑμῖν ἐξουσίαν πατεῖν ἐπάνω ὄφεων καὶ σκορπίων .
264	110v	Eph.6.12	ξδ	πρὸς τὰς ἐξουσίας ,	οὐ γὰρ ἕξει περαιτέρῳ τοῦ κόσμου χώραν .
265	110v	Eph.6.12	ξε	πρὸς τοὺς κοσμοκράτορας	κόσμον οἶδεν ἡ γραφὴ τὰς πονηρὰς πράξεις καλεῖν · οὕτω καὶ ὁ χριστὸς πρὸς τοὺς μαθητάς · ὑμεῖς οὐκ ἐστέ φησιν τοῦ κόσμου τούτου · καίτοι ἦσαν , ἀλλὰ τὰς πονηρὰς πράξεις λέγων ὅυτως εἶπεν · κοσμοκράτορας οὖν φησι τοὺς δαίμονας ὡς πονηρῶν πράξεων καθηγεμόνας .
266	111r	Eph.6.12	ξϛ	τοῦ σκότους τοῦ αἰῶνος τούτου ,	ἵνα μὴ φοβηθῆς ἀκόυων κοσμοκράτορας , ἐπήγαγεν τίνος ἄρχουσι · τῆς πονηρίας φησι · σκότος γὰρ τοῦ αἰῶνος τούτου τὰς πονηρὰς λέγει πραξεις .
267	111r	Eph.6.12	ξζ	πρὸς τὰ πνευματικὰ τῆς πονηρίας	πρὸς τὰ πνευματικὰ · τουτέστιν δαιμόνια τὰ ὄντα · ἢ τῆς πονηρίας οἷον τοῦ διαβόλου · ὑπ’ αὐτὸν γὰρ τελοῦσιν · ἣ τῶν πονηρῶν πράξεων καθηγηταί .
268	111r	Eph.6.12	ξη	ἐν τοῖς ἐπουρανίοις .	ὡσεὶ ἔλεγεν · ἔστιν δὲ ἡμῖν ἡ πρὸς τούτους πάλη · οὐ περὶ μικρῶν τινῶν ἀλλ’ ὑπὲρ τῶν ἐν τοῖς ἐπουρανίοις πραγμάτων · οἷον βασιλείας οὐρανῶν , καὶ ὑιοθεσίας · διὸ νήφειν χρή · ἡ δὲ ἀντίλεξις ἰδικῶς διὰ τὰ ἐπουρανία φησὶ · τὸ γὰρ ἐν διά ἐστιν .
269	111r	Eph.6.12-Eph.6.13	ξθ	διὰ τοῦτο ἀναλάβετε τὴν πανοπλίαν τοῦ θεοῦ , ἵνα δυνηθῆτε ἀντιστῆναι .	ἐπειδή φησι χαλεποὶ οἱ ἐχθροί .
270	111r	Eph.6.13	ο	ἐν τῇ ἡμέρα τῇ πονηρᾷ ,	ἡμέραν πονηρὰν , τὸν παρόντα καλεῖ βίον διὰ τὰ ἐν αὐτῷ πονηρὰ πράγματα · δεικνὺς βραχὺν τὸν τοῦ πολέμου καιρόν · καὶ ταῦτα προθυμίαν αὐτοῖς διδούς .
271	111r	Eph.6.13	οα	καὶ ἅπαντα κατεργασάμενοι στῆναι .	ἅπαντα · οἷον τὰ πάθη · τὰς ἐπιθυμίας · κατεργασάμενοι · οἷον καταπολεμήσαντες , στῆναι νικηφόροιτινες καὶ λαμπροὶ τοῖς τροπαίοις · πολλοὶ γὰρ μετὰ τὸ νικῆσαι , πάλιν ἔπεσον · ἀλλ’ ἵνα ἐνστῆτε τῇ νίκῃ .
272	111r	Eph.6.14	οβ	στῆτε οὖν περιζωσέμενοι	ἐπὶ πόλεμον προτρέπων τὸ πρῶτον , ἐν τοῖς τακτικοῖς παραινεῖ τὸ στῆναι εὐτάκτως · εἶτα λοιπὸν καθοπλίζει · καὶ πρῶτον ζώννυσι τὸν διαρρέοντα καὶ διακεχύμενον ταῖς ἐπιθυμίαις καὶ χαμὰι τοὺς λογισμοὺς συρομένους ἔχοντα στρατίωτην . καὶ ἀναστέλλει τῇ νοητῇ ταύτῃ ζώσει .
273	111r	Eph.6.14	ογ	τὴν ὀσφὺν ὑμῶν ἐν ἀληθείᾳ ,	ὥσπερ ἐπὶ τῶν νηῶν ἡ τρόπις τὸ πᾶν συνέχει θεμέλιος τις οὖσα , οὕτως ἐφ’ ὑμῶν ἡ ὀσφύς · οἱ γοῦν ἀποκαμόντες πολλάκις ὥσπερ εἴς τινα θεμέλιον ἐκεῖ τὰς χεῖρας ἐπιτιθέντες , ἐπαναπάυονται · τὴν τοίνυν ἀρχὴν ἡμῶν πρῶτον συσφίγγει οἷον τὸν ἐν ἡμῖν τόνον τῆς ψυχῆς · ὃν τροπικῶς ὀσφὺν ἐκάλεσεν , τοῦτον τῇ ἀληθείᾳ περιζώννυσιν · εἰ δὲ ἀλήθεια εἰς πολλὰ νοεῖται · ἀλήθεια δογμάτων · ἀλήθεια βίου χρηστοῦ ὑποκρίσεως κεχωρισμένου · ἀλήθεια λόγων τὸ δολερὸν ἀρνουμένων · ἀλήθεια ἐνθυμήσεως οὐδὲν ἐχούσης τοῦ νόθου κιβδήλου τῶν δαιμόνων σπόρου .
273ex	111r	Eph.6.14	Οικουμενιου		δύνῃ δὲ καὶ ὡς πρὸς τὸν χριστὸν νοῆσαι τὴν ἀλήθειαν τὸν ὄντως ἀλήθειαν · ἐγὼ γάρ εἰμί φησιν ἡ ἀλήθεια · ὃν καὶ ἐν δεδύσθαι οὐ μόνον περιεζὼσθαι τοῖς ἀνθρωποίς δεδώρηται · ὅσοι γὰρ εἰς χριστὸν ἐβαπτίσθητε φησι χριστὸν ἐνεδύσασθε .
274	111r	Eph.6.14	οδ	καὶ ἐνδυσάμενοι τὸν θώρακα τῆς διλαιοσύνης ,	τὸν καθὸλου φησιν ἐνάρετον βίον .
275	111r	Eph.6.15	οε	καὶ ὑποδησάμενοι τοὺς πόδας ἐν ἑτοιμασίᾳ	ἢ τοῦτο φησιν ὅτι χρὴ τοὺς πόδας ἡμῶν ἐτοίμους εἶναι πρὸς τὸ εὐαγγελίζεσθαι ὡς ὡραῖοι γάρ φησιν οἱ πόδες τῶν εὐαγγελιζομένων εἶρήνην · ἢ ὅτι ἐν ἑτοίμῳ ὁφείλομεν εἶναι . καὶ βίον ἔχειν ὡς τὸ εὐαγγελίον ὑφηγεῖται · τὴν γὰρ ἑτοιμασίαν τῆς καρδίας αυτῶν φησὶν ὁ προφήτης , προσέσχεν τὸ οὖσσου .
276	111r	Eph.6.15	οϛ	τοῦ εὐαγγελίου τῆς εἰρήνης ·	τὸ γὰρ εὐαγγέλιον εἰρήνην μὲν πρὸς τὸν θεὸν ποιεῖ . πόλεμον δὲ πρὸς τοὺς δαίμονας .
277	111r	Eph.6.15-Eph.6.16	οζ	ἐπὶ πᾶσιν ἀναλαβόντες τὸν θυρετὸν τῆς πίστεως ,	δεῖ γὰρ ἐκεῖνα προηγεῖσθαι · πίστιν δὲ φησι τὴν ἐλικρινῇ καὶ διάπυρον · περὶ ἦς ὁ κύριος φησιν · ἐὰν ἔχητε πίστιν ὡς κόκκον σινάπεως , ἐρεῖτε τῷ ὄρει τούτῳ μετάβηθι καὶ μεταβήσεται .
278	111r	Eph.6.16	οη	ἐν ᾧ δυνήσεσθε πάντα τὰ βέλη τοῦ πονηροῦ τὰ πεπυρωμένα σβέσαι .	βέλη φησι τὰς ἐπιθυμιας · τοὺς λογισμούς · τους πειρασμούς · καλῶς δὲ τὸ πεπυρωμένα · τοιαῦται γὰρ αἱ ἄτοποι ἐπιθυμίαι .
279	111r	Eph.6.16-Eph.6.17	οθ	καὶ τὴν περικεφαλαίαν τοῦ σωτηρίου δέξασθαι ,	τῆς σωτηρίας ὑμῶν · τουτέστιν τῆς ἐλπίδος · τὸ δὲ δέξασθαι οἷον φορέσαι καὶ δέξασθαι τῇ κεφαλῇ .
280	111r	Eph.6.17-Eph.6.18	π	καὶ τὴν μάχαιραν τοῦ πνεύματος , ὅ ἐστιν ῥῆμα θεοῦ · διὰ πᾶσης προσευχῆς καὶ δεήσεως	ἢ τὸ πνεῦμα φησι περιφραστικῶς · εἰρηκὼς διὰ τὸ τομὸν καὶ μεριστικὸν τῶν ἐναντίων ἔξεων . ἢ τὴν πνευματικὴν ζωὴν καὶ πολιτειαν · ἥτις ὡς μάχαιρα ἐνεργήσει φησιν κατὰ τῶν νοητῶν ἐχθρῶν .
280ex	111r	Eph.6.18	οικουμενιου		ἢ ὅτι τὰ πνευματικά φησι χαρίσματα ἅπερ ἐστι διὰ ῥήματος καὶ προστάγματος θεοῦ · ἢ ὅ πέρ ἐστι ῥῆμα θεοῦ · τῷ κάτῳ συζευκτέον · ἵνα ᾖ ὅυτως · ὅπερ ἐστι ῥῆμα θεοῦ καὶ πρόσταγμα , τοῦτο φησι ποιεῖτε · ποῖον · διὰ πάσης προσευχῆς καὶ δέησεως προσευχόμενοι · ἵνα εἶητε φσὶν · ἢ κατὰ τὸ ἐνεργεῖν καὶ τέμνειν τὰ πνευματικὰ χαρίσματα ῥῆμα ἔστιν θεοῦ . τμητικὸν γὰρ τὸ ῥῆμα τοῦ θεοῦ · ὅυτως μᾶλλον καὶ ὁ μακάριος ἰωάννης · διὰ γὰρ ῥῆματος θεοῦ ἐπετελεῖτο τὰ χαρίσματα · πᾶν γὰρ ὃ εὰν αἰτή σητέ φησιν ὁ χριστός . ἐν τῷ ὀνόμα τίμου , δώσω ὑμῖν .
281	111v	Eph.6.18	πα	προσευχόμενοι ἐν παντὶ	μετὰ τὸ καθοπλίσαι τὸν βασιλέια , λοιπὸν καλεῖ ἵνα δῷ χεῖρα .
282	111v	Eph.6.18	πβ	καιρῷ ἐν πνεύματι , καὶ εἰς αὐτὸ τοῦτο ἀγρυπνοῦντες ἐν πάσῃ προσκαρτερήσει καὶ δεήσει περὶ πάντων τῶν ἁγίων ,	μὴ ἐν βαττολογίαις · καὶ εἰς αὐτὸ ἀργπνοῦντες · μηδέν φησι ῥάθυμον ἢ ἠμελημένον .
283	111v	Eph.6.18-Eph.6.19	πγ	καὶ ὑπὲρ ἐμοῦ ,	καὶ γὰρ καὶ τὸν πέρον φησιν ἡ εὐχὴ τῆς ἐκκλησίας ἔλυσεν τῶν δεσμῶν .
284	111v	Eph.6.19	πδ	ἵνα μοι δοθῇ λόγος ἐν ἀνοίξει τοῦ στόματος μου	καλῶς τὸ ἐν ἀνοίξει · οὐ δὲ γὰρ προεμελέτα τί λαλήσει χριστῷ πειθόμενος · ἀλλ’ ἐξ ὑπογύου καὶ ἐν αὐτῷ τῷ ἀνοῖξαι τὸ στόμα ὁ λόγος προεῖῃ ·
285	111v	Eph.6.19	πε	ἐν παρρησίᾳ γνωρίσαι τὸ μυστήριον τοῦ εὐαγγελίου ,	ἡ ἵνα ἐν παρρησίᾳ ἀπολογήσωμαι ἢ ἵνα εὐαγγελίζωμαι .
286	111v	Eph.6.19-Eph.6.20	πϛ	ὑπὲρ οὗ πρεσβεύω ἐν ἁλύσει ,	ὑπὲρ οὗ εὐαγγελίου πρεσβεύω πρὸς τοὺς ἀνθρώπους · ἵνα φησιν αὐτῷ καὶ τοῖς ἐν αὐτῷ καταλλαγῶσιν · ὑπὲρ χριστοῦ γάρ φησιν πρεσβεύομεν .
287	111v	Eph.6.20	πζ	ἵνα ἐν αὐτῷ παρρησίασωμαι , ὡς δεῖ με λαλῆσαι .	ἐν δεσμοῖς ἦν καὶ ἀπολογεῖσθαι ἔμελλεν · ἵνα οὖν φησι μετὰ παρρησίας καὶ ὅυτως ὡς χρὴ τὸν ὑπὲρ τηλικούτων ἀπολογούμενον ἀπολογήσωμαι .
288	111v	Eph.6.20-Eph.6.21	πη	ἵνα δὲ εἰδῆτε καὶ ὑμεῖς τὰ κατ’ ἐμὲ , τί πράσσω , πάντα ὑμῖν γνωρίσει τυχικὸς ὁ ἀγαπητὸς ἀδελφὸς	ὅπερ ἦν παραινέσεως καὶ δογμάτων ἔγραψεν · τὰ δὲ καταυτὸν , τῷ φέροντι τὴν ἐπιστολὴν λαλῆσαι ἐπέτρεψεν ·
289	111v	Eph.6.21	πθ	καὶ πιστὸς διάκονος ἐν κυριῷ ·	εἰ πιστὸς , οὐκ οὖν καὶ ἀληθεύσει .
290	111v	Eph.6.21-Eph.6.22	ϛ	ὃν ἔπεμψα πρὸς ὑμᾶς εἰς αὐτὸ τοῦτο , ἵνα γνῶτε τὰ περὶ ἡμῶν ,	τοῦτο καὶ τῆς παύλου ἀγάπης · καὶ τῆς ἐκείνων σημεῖον ἦν τὸ ἐθέλειν παντὶ τρόπῳ γνωσθῆναι αὐτοῖς ἐν οῖς ἧν .
291	111v	Eph.6.22	ϛα	καὶ παρακαλέσῃ τὰς καρδίας ὑμῶν .	ἐπειδὴ γὰρ ἐν ἁλύσεσιν ἦν ὁ διδάσκαλος , καλὰ ἔχριζον οἱ μαθηταὶ παρακλήσεως τὸ μὴ καταπεσεῖν .
292	111v	Eph.6.23	ϛβ	εἰρήνη τοῖς ἀδελφοῖς καὶ ἀγάπη μετὰ πίστεως ἀπὸ θεοῦ πατρὸς καὶ κυρίου ἰησοῦ χριστοῦ .	ἐπεύχεται αὐτοῖς εἰρήνην καὶ τὴν μετὰ πίστεως ἀγάπην · ἵνα μὴ πρὸς ἐτεροδόξους ᾖ ἀλλὰ πρὸς μόνους τοὺς πιστούς · ἢ ὅτι οὐδέν ἐστιν τῆς ἀγάπης κέρδος εἰ μὴ καὶ πίστις ἦ .
293	111v	Eph.6.24	ϛγ	ἡ χάρις μετὰ πάντων τῶν ἀγαπώντων τὸν κυρίον ἡμῶν ἰησοῦν χριστὸν ἐν ἀφθαρσίᾳ . ἀμήν .	ἡ γὰρ εἰς τὸν χριστὸν ἀγάπη . ἄφθαρτος καὶ ἀμείωτος · μὰλλον δὲ καθ’ ἐκάστην ἐπιδιδοῦσα τὴν ἡμέραν ὤφειλεν εἶναι .